السلام عليكم
شلونكم بنات شخباركم
ان شالله تمام
صراحه انا مو مصدقه الي قاعده يصير بالمنتدى يعني لا تعتبرونها شكوى و لا شي
بس كل الي حبيت أقوله و لا اسأل عنه ؟!!!
انتو لما تحطون الخلطات بالمنتدى مجربينها و سامعين عنها و لا بس تحطونها مجرد مشاركات ؟!!
ترى المفروض تعرفون منافعها و مضارها اخاف مو زينه و ما تفيد
و بعدين في شغله يعني صارت وياي أنا صار لي من زمان ادش منتداكم و اعتبره احسن منتدى بهالسوالف بس صراحه ما شفت أي نتيجة في الخلطات الي استخدمتها ؟!!! و اشوف النتيجة عكس ردودكم
هل هو عيب مني و لا من الي يكتبون ؟؟؟
يعني اتخيلو ما اتوقع ان في احد استخدم خلطة 6 شهور و بانتظام و متحملة ريحتها و ما شفت منها الا نتيجة بأول اسبوع و ما صار شي
كنت ادور خلطة اطول الشعر و استخدمت هالخلطة
زيت اللوز + زيت الخروع + زيت جوز الهند + بيضه + زيت السمك + زيت زيتون
يعني ريحتها مشكله و استخدمتها و عطتني نتيجة بأول اسبوع و بعدين ما سوت شي ؟!! و النتيجة ما كانت الي ابيها لاني بس ابي خلطة اطول شعري لان شعري صج ماقام يطول :(
و الله يخليكم مره ثانيه اذا كتبتو شي كتبو عن شي مضمون عشان اذا وحدة اتضررت من هالشيء سواء صحياً و لا نفسيـــــــــــــــــاً ( مثل الي قاعد يصير وياي ) ما يصير بذمتكم انتو لان انتو الاساس و انتو مصدر الاشياء الي قاعدين تكتبونها الي اول شي تعطينا أمل و بعدين ما نشوف اي نتيجة من الأمل الي احنا ناطرينه :( الي نقدر نقول عليه ( ســــــــراب ) .
و لا انتو شرايكم ؟
يلزم عليك تسجيل الدخول أولًا لكتابة تعليق.
ام فوفو
•
انا مريحة عمري عالاخر..لاخلطات ولا يحزنون..اصلا مالي خلقها وطمالتها..
يمكن اللي يفيد غيرج مايفيدج ترى الاجسام تختلف والشعور تختلف اصلا التركيبه تختلف
المفروض من شهرين ماشفتي نتيجة وقفي
المفروض من شهرين ماشفتي نتيجة وقفي
azah :
لا يمكنك مشاهدة هذا التعليق لانتهاكه شروط الاستخدام.
السلام عليكم..........
هلا اختي انا مقتنعة ان موب اللي صلح لي يصلح لك
كل وحدة فينا تختلف عن الثانية يمكن خلطة يابت نتيجة مع عضوة
ونفس الخلطة استخدمتها ثانية ما فادتها!
الغلط موب في الخلطة عزيزتي كل جسم له تركيبته الخاصة
المهم ان هالخلطات مالها مضار وكلها طبيعية والبنات اذا
حطوها يحطونها يا من تجاربهم الخاصة او تجارب اهلهم
وما يقصدون شي....
عموما مع تجاربك الخاصة بروحج بتكتشفين اللي ينفعج من اللي ما ينفعج
وآخيرا
هالخلطات ليست سحرية يعني النجاح والفشل وارد وخاصة مع اختلاف الاجسام
حفظك الله ورعاك :26:
فعلاً حبيبتي أنا مع اختي عاشقة الحميراء ...
الخلطات هذي مش شرط تنفع مع كل البنات ...
إنتي شوفي شو إلي يناسبج واستخدميه ...
وفي النهاية ... مرحبا فيج اختي بين خواتج في عالمنا عالم حواء ...
الخلطات هذي مش شرط تنفع مع كل البنات ...
إنتي شوفي شو إلي يناسبج واستخدميه ...
وفي النهاية ... مرحبا فيج اختي بين خواتج في عالمنا عالم حواء ...
الصفحة الأخيرة