مو معقووول..أبي تفسير علمي "الكي للمواليد أو الوشايه"

[ صباحكم توفيق يا أمهااااات...



تعرفون الحاله هذي- ذهول ,تعجب , انبهااار......الخ

فيني من فتره وتساؤلات صراحه متعبه حاولت اجد جواب مالقيت ايش السبب انااقولكم..



الحاله الي تجي المواليد البكاء ولا اقصد البكاء العادي بل الغير معتاد مثلا اعرف مولوده بكت ثلاث لياال متواصله ماتسكت الا اذا تعبت او احتاجت حليب -يعني غصب تسكت-مضطرره

ماادري الحاله هذي تصيب بنسبة كم من المواليد لكن اعتقد الغالب منهم نسبة بكائه الغير طبيعي اكثر من 60%


لكني اكتشفت شي المولود لن يضره البكاء الطويل كثيرا:mad: واحنا يالامهات شايلين هم الدنيا فوق روسنا سمعت انه ممكن يسبب فتق سري او ضرر معين لكن مو لدرجه انه بيموووت مثل ماكنت أظن لما جبت بنتي ههههههه


الزبده يالحبيبات ... وعلم الانسان مالم يعلم كل تخصص طبي غير مقتنع بالتخصص الآخر ولايوصي فيه مثلا الطب الحديث حاولوا أهله ولفتررررررررره طويله نسف الطب البديل ومحاولات مستميته لدرجه اذا قلت لدكتور اخذت العشبه الفلانيه صابه انهيار عصبي شوي ويضربك
ولدرجة كمان كثير من الاطبااااء أنكرواا احاديث للنبي صلى الله عليه وسلم مثل حديث فضل شرب العسل والاحتجام والكي والحبه السوداء وغيره

"روى البخاري في صحيحه: (الشفاء في ثلاثة: شرطة محجم وشربة عسل وكية بالنار وأنا أنهى أمتي عن الكي).

والآن هذا الطب البديل بثوبه الجديد وهو الذي نريد مدرووس ومنظم ...


مع اني أكثر مااميل اليه ومن دون نقاش احاديث النبي صلى الله عليه وسلم هذي عندي مالها الا التطبيق وانا كلي ثقه-مع الاخذ بالاعتبار الحالات المستثناه- مثلا الي عنده فقر دم مايصلح يحتجم ... وفيه اشياء بعض اهل الطب البديل مايراها صحيحه مثل تحنيك المولود بالتمر وأكل الوالده للتمر للتسهيل في المخاض والمسك للحائض بعد الطهاره ....الخ لكي اشهد بالله انها صحيحه -كقاعده عامه- لو كل العالم كذب لكن بالنظر الى حالة الشخصوالى الاستثناءات لأن فيه حديث يقول النبي صلى الله عليه وسلم """صدق العسل وكذب بطن أخيك""" قاله للصحابي الي مانفع معه العسل

الشي الي يدهشني قضية الكي-الكوي- الوشايه يسمونها بالعاميه للمواليد يعني الي تصير بعود ضعيف يشبه المسواك وتكون بيد خفيفه يعني ماتضغط يدها على الجسم في ثلاث دقائق بس

فعلا صدقت بمقولة آخرررررررررررر العلاج الكي مادري هل هو حديث او لا المهم انه صحيح

حالة البكاء الي تجي المواليد ياما وياما قريت عنها وبحثت وبحثت كانت حالة بنتي فظييييييييييييعه ماتنام لاليل ولانهار الا خمس دقائق ثم تفز وتصرررررخ كادت تودي بي لشهاااااااار ههههههه -اللغه وطي-

يعني انا من النوع الي يهتم بالتفاصيل كل شي جربته وموندمانه الحمد لله لأنها اشياء اذا مانفعت ماضرت آخر شي تعبت خلالاص البنت صار عمرها شهرين على هالحاله قلت اجرب الوشايه والحمد لله صارت تنااام 5 ساعات متواصله ست ساعات والبنيه صحتها تحسنت وصارت ماترجع كثير وعلى الاقل شفت بعض نتيجة جهدي


طبعا المره الي وشتها تقول بنتك عندها الاخت وأعرف حريم اولادهم ما كبروا وعمرهم سنه وشهور وضعيفين وحالتهم مؤسفه يقولون عندهم الاخت وماعالجوها يعني في بعض الاطفال تكون بسيطه تضايقه وهو صغير وتختفي مع الوقت وبعضهم تستمر معاه وتعيق نموه اذا كبر ...

هذا شي استغربت منه معقوله فيه شي بالبطن اسمه الاخت-ويقولون هو بقايا من ماء الجنين يكون في بطنه من ولادته مااخرجه وسبب له مشاكل- الغريب الطب شلوون ماكشفه وليش الكوي حل له ؟ طبعا كل الاطباء مايؤمنون فيها وحتى اطباء الطبالبديل مايؤمنون لكن يكفي ان ربووووووعه تؤمن فيها هههههه وأبصم بالعشره بعد ماعجزوا كلهم عن مشكلة بنتي...

اوجه سؤالي للي يؤمنون بالكي للمواليداو الوشايه عندك جواب لسؤالي ليش الكي صار حل ؟
بانتظار تجاوبكم