مو معقوووووووووووووووووووول ابا انجننن دورولي على حل

السلام عليكم ورحمة الله وبركاته

كيف حالكم يابنات ان شاء الله تكونون بخير
بصراحه يابنات اكتب لكم منقهره حيييل احس اني ابفقد عقلي بس ارجو كم لاتطلعون الا انتم معطيني حل للمشكله الي هي اختي متزوجه صار لها سنتين العام تبغى تروح تسافر مثل النا س فرفض زوجها وجن جنونها لان حالته الماديه وسط تدرون وش سوت راحت وباعة كل ذهبها وسافرت باالفلوس !!السنه هاذي مالقت شي تسافر فيه وطبعا ابوي الله يخليه لنا يعطيها فلوس كل شهرين ماخلى عليها وعلينا قاصر جزاه الله خير وايضا كانت السنه الماضيه حج فيها زوجها فما كان من الوالد الا ان اعطى زوجها شيك بمبلغ ضخم تقديرا له على انه حج بها المشكله ها الايام هاذي تبي تسافر زي العاده بس تدروون وش سوت استغلت الوالد هي وزوجها قالت له ابسافر قالها ماعندي شي دبري حالك قالت له من وين ادبر قال خوذي من ابووك طبعا هذي المكالمه سمعتها انا لكن تدرون وش قالت لابوي قالت اني ابااجري عمليه زراعه للقرنيه وانها تكلف مبلغ 9000وزوجي يبي يدفع 4000والباقي نبغاك تدفعه لنا مساعده الوالد متردد فسالناهافي اي مستشفى وخبرتنا انه باالمستشفى الفلاني وانهم وقعو على العمليه وحددت في اليوم الفلاني احنا بصراحه تفا جئنا لانه ماكانت تشكي من نظرها وشكيت انا باالذات في الموضوع فقمت واتصلت على المستشفى الي حاجزه عنده فانبهر موظف الاستقبال لما طلبت منه عيادة العيون وقال احنا ماعندنا عياده كامله عندنا اخصائية نظر فقلت حولني عليها فكلمتها فقالت ماجاني احد باالاسم هذا وحنا يااختي مانجري عمليات فقط كشف بسيط وتركيب عدسات !! ويعلم الله اني اردت بهذه المكالمه اتوصل للحقيقه واقطع الشك بااليقين والله العظيم يابنات اني خايفه على اختي من ان الله يعاقبها بسبب ادعاءها باالمرض وكذبتها على ابوها المسكين واهلها !! انا ماني دافعه شي من جيبي ولاني حاسدتها اتا اختها الكبيره وبخير ونعمه ولله الحمد بس والله العظيم اني خايفه عليها من العقوبه في الدنيا قبل الاخره !!! وش رايكم يابنات كل ماجيت اواجهها باالحقيقه خفت لانها عصبيه جدا وانا مابيها تتمادى باالكذب على الاخرين ودي ايضا القن زوجها درس ماينساه لانه شاف الوالد يدلعها في الفلوس وخصوصا ان احنا اربع بنات فقط وانا الكبيره بيدي كل شي يتعلق باالوالد وحضرة زووج اختي بيلعبها على كيفه شاف ان ماعندنا رجال وناوي يستغل المو قف هذا بدل ميكون عضد ابوي الايمن !! انا مشكلتي مع اختي عطوني الله يوفقكم حل كيف اتصرف لا تخلوني والله مانمت يوم كامل عجزت اتوقع ان اختي يطلع منها ها التصرف !!!!