ميتة خوف مهمومة ومو قادرة حتى انام ساعدوووني 😭😭😭

انا اعاني من ست شهور بالشغل وشخصيتي شخص مسالم ما بحب الهواش ما اقدر اأذي احد بكلمة او اتجرأ عليه اسوي شغلي والي علي وخلاص ما احب متى افوت نقاش مع احد لدرجة يفكرون شخصيتي ضعيفه بالاول فکرت انه يمكن المشكل فيني لانه الي هناك مستواهم المادي وحالتهم ووضعهم ضعيف مررره، صرت احاول انقرب منهم واصير صديقتهم واسلفهم فلوس و اشتريلهم وجبات حتى اول يوم بالشغل عزمتهم على كيك وبرنغلس وعصاير وشغلات بس كلما صرت لطيفة اكثر كلما دعسو علي اكثر مع اني مديرتهم ومكانتي بالشغل اعلى منهم وهم يشتغلو سوا من سنتين وانا الشخص الجديد فحاولو يطفشوني بكل الطرق ويكرهوني وانا حرفيا مو مأذيتهم ب اي شي حقد مو طبيعي حتى المنظفة صارت فوقى جاحدات بطريقه تخوف، من اول يوم قال لي الحارس (تعرفون حراس البيبان ينقلون كلام ويسمعون هنا وهناك) المهم من اول يوم قالي مايطيقونك ومايبونك هنا) لانه منصبي مسؤولة عليهم او مديرة للمكان بس في غياب الرؤساء يعني في رؤساء فوقنا كلنا، فهم ما استهضموا السالفة وكرهوني بطريقه مو طبيعيه، الحارس يقلل احترام معي والمنظفة تقلل احترام وتهاوشني اذا قلت لها وين رحتي ووين جيتي مع انها المفروض تقولي بس من النقص يلي في مخها ما بتجي تقولي شي الي عاساس نحن مو معبرينك كانك موجوده كانك لا! البنتين الثانيات مثل الفتانات على طول كلام في ظهري ووسط وجهي في يميني و شمالي يعني مافي اي ذرة احترام لي! استحملت واستحملت ومرقت بس بعدين اعصابي تلفو قلت اتغيري يابنت صيري تسوي مشاكل وتفرضي شخصيتك عليهم اول يوم سويت كذا هاجموني زي الكلاب الجيعانه كلهم سوا ضدي وتدرون اي هوشة فيها مجموعه ضد واحد مهما كانت قوتك مستحيل تكمل! اخر مره استفزوني فقلت لخالتي (الي هي ساعدتني عشان اشتغل بمكان قريب من شغلها) اني خلاص بستقيل ومو قادره اكمل لانه طاقتي استنزفت وفقدت احترام ذاتي وقيمتي بسببهم ومو قادره عليهم لانه منجد مايقدر عليهم غير الي خلقهم والمكان مافيه غيرهم يعني مافي اشخاص ثانيين اقدر اتعرف عليهم او اشوفهم بالبريك او اي شي ، المكان فيه نحن الخمسة!
المهم قلت لخالتي وقامت الدنيا خالتي تقول لي لاتتركين انا بالزور لقيتلك شغل وفي احد طبيعي يترك شغله عشان ناس مايبونه ؟ وامي وابوي طول الليل مانامو لدرجة امب تقولي لا عاد تعرفيني لو تركتي الشغل (يعني من الاخر عيلتي عيلة تقليدية يقدسون الشغله حتى لو دمرتك، سواء زواج او شغل او اي شي) يعني موتي اتحاربي المهم ظلي في المكان لانه مارح تلاقين بديل والكل يشتغل وانتي لا ومن هذا الكلام!
في بنت من البنات يلي مره يكرهوني بمرة مسكتها تسجل اجتماع خاص وخفت تروح تبعثو لاحد ويقولون انا الي سويتها فلما قطفت فونها يسجل بوسط الاجتماع صورته بس هي ما انتبهت وخليت الصوره عندي ، شكيت لرئيسي وعشانه يعرفها ويعرف اهلها تكتم على الموضوع وسكتني وجد خلاص تكتمنا على الموضوع وسكتنا ونسينا!
اخر موقف صارلي مع المنظفه الي تنظف المكتب تطاولت علي راحت بدون لاتعلمني كاني يعني نكرة او شخص زايد ولما سالت عنها قالولي راحت قلت طيب ليش ماتقول ؟ انا المسؤولة هنا ؟ صارو يهاوشوني ويقولو هي قالت لنا انتي مادخلك!!!؟؟؟ كيف مادخلني وانا المديرة على المكان حتى رئيسي هو يلي طلب مني اعرف وقت طلوعهم و دخولهم وكذا ، دقيت عليها للمنظفه عشان اسألها وينك؟ تقولي انا البيت ايش تبين ؟ قلت لها طيب قولي لي انك رايحه ليش حملتي نفسك ورحتي بدون خبر ، قالتلي خبرت فلانه انتي ليش اخبرك ؟ مين انتي عشان اقولك؟ لا يا بنت الناس!!! مره عصبت ورحت لخالتي قلت لها كذا وكذا هي يوم فكرت بالاستقالة ولما صارت دراما بالبيت و اهلي مارضيًو خالتي كلمت الشخص المسؤول عن ذيك الادارة كلها قالت له مايحترمونها ابدا من بدأت الشغل ، فهو على طول اتصل ب رئيسي قاله ايش المشاكل الي عندكم في الادارة الرئيس اول ماسمع اول جملة راح باله على تسجيل الاجتماع يلي تسترنا عنه عباله شكيت ووصلت الكلام فعلى طول اعترف هو بنفسه وقاله في بنت سوت كذا وكذا!! على طول صرخ عليه وقالو كيف كذا ايش فيييه وكلام كثييير وجمعو المسؤولين بعض وسوو اجتماع وطردوها للبنت والمشكله الكل عباله انا الي شكيت بها وانا الي وصلت الكلام وحفرتلها وانا بعد كل الي سووه فيني من اذى نفسي والي تحول لجسدي بس كان نفسي المسؤول يخليهم يرجعو يحترموني، واصلا كان هدفي الاستقاله خالتي من حالها يلي راحت كلمت المسؤول عبالها تساعدني المهم بعد الاجتماع كلهم طلعو قالبين وجههم علي كل الرؤساء لانهم اتسترو عليها وعبالهم انا وصلت الكلام وشكيت والكل فيهم صار يكرهني ويطالعني بنظرة كراهية ومقت :( .. الحين عطلة 3 ايام ويوم الاثنين راجعين الشغل واحس اني مابي ارجع مابي كراهية مابي مشاكل بس اهلي من جهك ضاغطين علي والشغل فيه كمية سمومية مو طبيعي وانا بالوسط وانا حرفيا شخص ماقدر اتحمل انا اكثر شخص حساس وضعيف ممكن تشوفوه بحياتكم 😭 ساعدوني الله يخليكم واعطوني حلول لاني حرفيا فتت باكتئاب وسهيان وصمت مو طبيعي، بس شاردة وساكته ومرهقة ومو قادره حتى انام بس افكر مهمومة!