السلام عليكم

الأخوات ماقصروا وياك

بصراحه أنا مو مؤيدة إن فترة الملكة تكون طويله يعني 6شهور بالكثير

والله يوفق الجميييييييييييع

حياك الله بيننا
ووفقك الله في حياتك
الان ابديت مشاعرك وبحسن نيه
والحمد لله على كل شئ
اختي
بديهي ان تجدي الزوج مندفع في البدايه وتبدأ المشاعر تهدأ خصوصا بعد مرور سنه على
حد قولك

فلا تعتبري انه مل منك او بدأ حبه يتناقص
لا اخيتي
طالما هو خفف من كثرة السؤال
فأنت قللي ايضا من الجواب

وما قالته اخواتي هنا جميل
فاجمعي ماقالته الجميع هنا وادرسيه
واعملي به
حتى لاتقعي في نفس الاخطاء
والله يسر امرك ويوفقك لما يحب ويرضى

حبيبتي




لا تخافين


الفترة هذي عادية


وتمر فيها الكثير من البنات



يعني انا مثلا


لما انخطبت وقمت اكلم ريلي واطلع معاه حسيت باحساس غريب وخوف

وساعت غربة لانه شخص غريب عني

احتمال ان زوجج يحس بهالشغلة الحين

ماعليه مساله ايام ويتغير كل شي

اختي تغووو..

لا تتضايقين.. وايد ناس ما يقتنعون بالشي لين يسوونه.. وحلو انج جربتي التقرب منه وايد عشان تتعلمين توازنين.. شي صار وانتهى لا تتحسفين.. وصدقيني وايد يصير لهم نفس الشي..

ولاتخافين كل رجل يمر في فترات يحب يبتعد فيها.. لأسباب نفسيه.. أنصحج الغاليه بكتاب (الرجال من المريخ، النساء من الزهره) في مكتبة جرير.. يشرحلج متى وليش يحب الرجل يبتعد.. وكيفية التصرف في هالوقت..

خليه يبتعد.. لين يرجع بنفسه.. وإذا اتصلتي.. (إذا اضطريتي) ممكن تكون المكالمه سريعه وبس سؤال عن الحال.. وتقولين ماعليه بخليك ما بطول عليك.. أو بخليك شكلك مشغول.. عشان يعرف انج منتبهه لغيابه وهالشي مؤثر فيج.. وإذا بغيتيه في سالفه ضروريه تستدعي اتصالج.. اسئليه عن أحواله عالسريع.. وقوليله ما بطول عليك بس بغيت اسألك عن.........

الغاليه أصعب شي الفراغ.. هو اللي يخليج في هم وضيق وتعيدين وتزيدين التفكير في الموضوع.. واسئلي مجرب.. :( ونصيحتي لج اشغلي نفسج بكل الطرق.. اتصلي بربيعاتج سولفي وياهم سوالف البنات.. وإذا قالوا كيفج ويا ريلج لا تشكين الحال علطول قولي الحمد لله وغيري الموضوع.. اقري كتب.. اشتركي في دورات تعجبج.. تابعي برامج مفيده.. اسمعي أشرط نفسيه ودينيه عن العلاقه الزوجيه..

استفيدي من هالفتره في تثقيف نفسج.. ونسي عمرج موضوع ما اتصل ومتى بيتصل وليش ما اتصل... إلخ

والله الله بالدعاء