تصدقين يالذه معد ركزت في وجهة نظرك.. اختصرلك رايي.. الي حصل حرام ومايقره عاقل ولا يروح للأماكن هذي من وجهة نظري بعد ما شفنا وش الي يصير فيها إلا وحده تخاطر بسمعتها وبدينها. لكن نظل أمه تأمر وتنهى ونظل خير أمه أخرجت للناس. هل رايك يتجاوز هذا الراي يا لذه؟تصدقين يالذه معد ركزت في وجهة نظرك.. اختصرلك رايي.. الي حصل حرام ومايقره عاقل ولا يروح للأماكن...
صباحك خير رغودتنا الجميله انا اعطيك الزبده المزبده من الاخر وخليني اقول بتكلم عن نفسي واظن لذة عندها نفس الفكرة تقريباً ان محد فينا يقبل بقلة الادب من تفغص وتلمس واحتكاك وصفحات الموضوع السابقه اظن قلنا واسهبنا في الكلام عن هذا الشي واستنكرناه . اما موسم الرياض بأكمله بمختلف فعاليته ومواقعه انا شخصياً ماني ضدها وما اشوف فيها تجاوز للمعقول والمنطق والمتعارف عليه في الدول الشقيقه المشابهه لنا في العادات والدين لكن وحطي تحت لكن مليون خط في ميدل بيست بسبب التركيز على الارقام فقدو الجودة وصارت الزحمه اللي لها سلبياتها وخرجت كثير امور عن السيطره ولو انك مراجعه الصفحات السابقه برضو كان شفتيني فصلت واسهبت في الكلام عن هذي النقطه . ومثل ماقالت لذة محد بيحرم نفسه من سعة الصدر عشان كم بزر ومراهق عملوا بلاوي واصلاً اللي حاضر معاهم بنفس المكان مايشوفها لانها تصرفات نادره وحالات شاذه يتم تصويرها ونشرها ، ومصيرهم يطلعون في مقطع ومختوم عليهم بالاحمر ( تم القبض ) فليش التضخيم والمبالغه والاجحاف لدرجة الدخول في اخلاقيات الناس اللي حاضرين ؟ واذا الاغاني حرام او معصيه ترى في حاجات كثير غيرها قايلين عنها حرام ولا تجوز والناس تسويها وماودي افتح سالفة الاختلاف الاراء في الحكم عشان ما يخرج الرد عن سياقه لكن اظنك فهمتي قصدي وكلن رأيه يحترم من الاخر . يعني موسم الرياض وفعلياته ممتازه وجميله وانا معها والاخطاء والتجاوزات الغير اخلاقيه من المراهقين ضدها واستنكرها وكلي ثقة ان القانون بياخذ مجراه معاهم واتأمل ان المسؤلين عن هذي الاماكن والمنظمين واخص الميدل بيست لان كلامنا عن اللي حصل فيه انهم يطورون من انفسهم وقدراتهم وامكانياتهم لضبط الاوضاع اذا كان هدفهم الاول تحقيق ارقام عاليه لازم يحتوون هذي الاعداد بطريقة تحفظ كرامتهم سواء بتوفير المواصلات الكافيه داخل المكان او القدره الاستيعابيه لنفس المكان المخصص للحضور بطريقة تمنع التزاحم الغير مرغوب . والشي السلبي نذمه ونستنكره لكن ما نفجر بالخصومه ولا نجحد وننكر الشي الزين والجميل والمجهود الجبار المبذول فيه هذا السطر هو مربط الفرس في ثلاث ارباع حواراتي ونقاشاتي هنا . وبس سلامتك وعفاك .صباحك خير رغودتنا الجميله انا اعطيك الزبده المزبده من الاخر وخليني اقول بتكلم عن نفسي واظن لذة...
أمكارو :
ميريام فارس كانت نجمة الميدل بيست بلا منافسميريام فارس كانت نجمة الميدل بيست بلا منافس
بالنسبه لي سواء إنطرح هذا الموضوع هنا أو ما إنطرح بيظل قائم وموجود في كل نقاشاتنا على جميع المستويات.. شفنا بالصوت والصوره الي حصل ومهما اختلفت ردات الفعل تجاه الي صار أقولها وكلي ثقه لازلنا أمة محمد التي قال عنها رب العزة والجلال
(كنتم خير أمة أخرجت للناس تأمرون بالمعروف وتنهون عن المنكر) شوفي الخيريه هنا ليش أخذناها ؟بالأمر والإنكار.. يعني زي الي حصل في هذا الموضوع.. فالمفروض نتكلم وننكر وننتهز الفرص عشان نستحق الثناء الذي ذكره الله وخصنا به وهو الأمر بالمعروف والنهي عن المنكر.
وشوفي الرابط الي أرسلته لخبر القبض على المجاهرين.. فيه ردع وفيه يد تضرب من حديد.. بس محتاجين الثبااات.