موضوعك جدا حساس خصوصا في وقت المشتريات والبضائع بكل مكان حتى وانتي جالسه في بيتك ممكن كل شي تشترينه..
انا الحمد لله كنت متابعة لحمله رتبي حياتك المادية في قسم المشاريع التجارية عندنا في المنتدى ماتتخيلون كيف استفدت منها من خلال افكارهم وتجاربهم تمكنت بحمد الله افتح مشروع صغير جدا على قدي .. تجهزت لعرس اختي بشكل كامل الحمد لله بدون ازمة ولا سلف .. وجالسه الحين اسوي تعديلات في شقتي الصغيرونة..
واهم شي في موضوع التوفير هو التنظيم
يعني لو نظمتي المطبخ بشكل عملي ورتبتي المقاضي وحصرتي الاشياء الي تستخدمينها والمقاضي الي تخرب وتفوت مدتها وانتي مادريتي عنها تكونين وفرتي بشكل ماتحسين فيه..
اذا سويتي حمله تنظيف على دولابك وشفتي وش الملابس الي مخزنة والملابس الي محتاجة تعديل وتكميل بتكونين وفرتي قيمة ملابس جديدة وانتي دولابك من كثر ماهو مزحوم ومكدسة فيه الملابس ماتشوفينها وممكن تروحين تشترين زيها<<<<< كانت عندها هالعادة
اذا فتحتي علبه مكياجك وش بتلقين خمسين كريم اساس و30 روج نفس اللون و99 كحل بس اذا نظفتي مكياجك ورميتي الي مافي امل تستعملينه وتخلين الي لسى صالح للاستعمال بعد ماتسوين الجرد تكتفين باللي عندك ولاتشترين اي شي لين الكمية الي عندك تخلص وصدقيني ان يبيلها سنوات لين تخلص والمهم ياشطورة لما تروحين تشترين ماترجع حلمية لعادتها القديمة تقومين تضفين كل المحل لا تاخذين اللي ناقصك وترجعين بكل ادب لبيتك وانتي حافظة فلوسك
ونفس الموضوع يتطبق على العطور والكريمات واغراض الشعر وكمان في نقطة بخصوص الموضوع هذا موب كل مافتحتي المنتدى ولقيتي خلطة طرتي على السوق وشريتها ومافي شامبو ولا بلسم الا بدولاب الحمام وانتي بكرامة وياليت تستخدمينه لا حبيبتي ركزي على المنتجات الي عندك شوفي اللي تستفدين منه ومرتاحةعليه استمري والي يخلص ومامنه اي فايدة روحي اشتري بناء على تجارب البنات هنا ..
تتفقدين كل اغراض البيت وش ممكن تستفدين منه اعطيكم مثل بسيط انا كنت كل ماولدت وحدة ركضت للسوق واشتريت علبه شوكلاته جاهزة وبمبلغ وقدرة اكتشفت مع فرز الاغراض الي عندي صحون تقديم لاتعد ولاتحصى صرت اذا عرفت بولادة وحدة اخذ من هالصحون الي عندي وبكذا اكون وفرت نص المبلغ ..
استغلال العروض المفيدة واستغلال العروض سلاح ذو حدين يعني فيه بنات الله يصلحهم كل ماشفت شي مخفض اشترته وكل ماشافت عرض في السوبر ماركت ملت العربية منه وترجع وهي حاسه بالانتصار .. لا حبيبتي انتي كذا ماوفرتي يعني لما تشرتين شي رخيص بس انتي مانتي محتاجته هذا اسلوب غلط ويخسف الميزانيه يعني استفيد من العروض الي من ضمن احتياجاتي وضامنة باذن الله اني بستعملها مثلا انا قبل اربع شهور تقريبا نزلت للسوق كنت ابي غرض ودخلت لمحل ولقيت ملابس شتوية رائعة وعمليه وباسعار 30 و40 ريال ولو رحت للمحل نفسه الحين بلقاها 250 تقريبا وزوجي وراي يقول شتوي اتقي الله الناس بتموت من الحر واصريت واشتريتهم ولما دخل الشتاء طلعتهم طبعا زوجي سكت وتحسف على التريقة الي اتريقها علي هذاك اليوم
والله تقريبا هذي الافكار الي خطرت على بالي حاليا وحاولت قدر الامكان اكتب الي استفدت منه من خلال متابعتي للحمله وتجربتي الشخصية بشكل مختصر
اتمنى انكم تستفيدون ولاتنسوني من دعواتكم وبتابع معاكم
موفقين
انا الحمد لله كنت متابعة لحمله رتبي حياتك المادية في قسم المشاريع التجارية عندنا في المنتدى ماتتخيلون كيف استفدت منها من خلال افكارهم وتجاربهم تمكنت بحمد الله افتح مشروع صغير جدا على قدي .. تجهزت لعرس اختي بشكل كامل الحمد لله بدون ازمة ولا سلف .. وجالسه الحين اسوي تعديلات في شقتي الصغيرونة..
واهم شي في موضوع التوفير هو التنظيم
يعني لو نظمتي المطبخ بشكل عملي ورتبتي المقاضي وحصرتي الاشياء الي تستخدمينها والمقاضي الي تخرب وتفوت مدتها وانتي مادريتي عنها تكونين وفرتي بشكل ماتحسين فيه..
اذا سويتي حمله تنظيف على دولابك وشفتي وش الملابس الي مخزنة والملابس الي محتاجة تعديل وتكميل بتكونين وفرتي قيمة ملابس جديدة وانتي دولابك من كثر ماهو مزحوم ومكدسة فيه الملابس ماتشوفينها وممكن تروحين تشترين زيها<<<<< كانت عندها هالعادة
اذا فتحتي علبه مكياجك وش بتلقين خمسين كريم اساس و30 روج نفس اللون و99 كحل بس اذا نظفتي مكياجك ورميتي الي مافي امل تستعملينه وتخلين الي لسى صالح للاستعمال بعد ماتسوين الجرد تكتفين باللي عندك ولاتشترين اي شي لين الكمية الي عندك تخلص وصدقيني ان يبيلها سنوات لين تخلص والمهم ياشطورة لما تروحين تشترين ماترجع حلمية لعادتها القديمة تقومين تضفين كل المحل لا تاخذين اللي ناقصك وترجعين بكل ادب لبيتك وانتي حافظة فلوسك
ونفس الموضوع يتطبق على العطور والكريمات واغراض الشعر وكمان في نقطة بخصوص الموضوع هذا موب كل مافتحتي المنتدى ولقيتي خلطة طرتي على السوق وشريتها ومافي شامبو ولا بلسم الا بدولاب الحمام وانتي بكرامة وياليت تستخدمينه لا حبيبتي ركزي على المنتجات الي عندك شوفي اللي تستفدين منه ومرتاحةعليه استمري والي يخلص ومامنه اي فايدة روحي اشتري بناء على تجارب البنات هنا ..
تتفقدين كل اغراض البيت وش ممكن تستفدين منه اعطيكم مثل بسيط انا كنت كل ماولدت وحدة ركضت للسوق واشتريت علبه شوكلاته جاهزة وبمبلغ وقدرة اكتشفت مع فرز الاغراض الي عندي صحون تقديم لاتعد ولاتحصى صرت اذا عرفت بولادة وحدة اخذ من هالصحون الي عندي وبكذا اكون وفرت نص المبلغ ..
استغلال العروض المفيدة واستغلال العروض سلاح ذو حدين يعني فيه بنات الله يصلحهم كل ماشفت شي مخفض اشترته وكل ماشافت عرض في السوبر ماركت ملت العربية منه وترجع وهي حاسه بالانتصار .. لا حبيبتي انتي كذا ماوفرتي يعني لما تشرتين شي رخيص بس انتي مانتي محتاجته هذا اسلوب غلط ويخسف الميزانيه يعني استفيد من العروض الي من ضمن احتياجاتي وضامنة باذن الله اني بستعملها مثلا انا قبل اربع شهور تقريبا نزلت للسوق كنت ابي غرض ودخلت لمحل ولقيت ملابس شتوية رائعة وعمليه وباسعار 30 و40 ريال ولو رحت للمحل نفسه الحين بلقاها 250 تقريبا وزوجي وراي يقول شتوي اتقي الله الناس بتموت من الحر واصريت واشتريتهم ولما دخل الشتاء طلعتهم طبعا زوجي سكت وتحسف على التريقة الي اتريقها علي هذاك اليوم
والله تقريبا هذي الافكار الي خطرت على بالي حاليا وحاولت قدر الامكان اكتب الي استفدت منه من خلال متابعتي للحمله وتجربتي الشخصية بشكل مختصر
اتمنى انكم تستفيدون ولاتنسوني من دعواتكم وبتابع معاكم
موفقين
الصفحة الأخيرة
الله الهادي شكرا لتواجدك