دنيا زائلة
•
والله انك صدقتي بشيل العزبه الوحدة فينا تبي ترتاح وترفه عن نفسها وحالها وتستريح من دخلة المطبخ والطبخ والكرف والتعب والتنظيف وغسلة الملابس وكويها وهذي حاله الي يسكنون شقق يروح عليها يومها هي محجوره تطبخ من فطور وغداء وقهوة وشاي وتنظيف وتغسل مواعين وملابس جالسة تعافر غثى الشقه وابد نفس روتينها في بيتها ماتغير شي عليها ومتى عاد تطلع للتمشية وتوسيع الصدر والتفرج في الطبيعه والخضار والامطار والناس ودخول الاماكن السياحه والاسواق والسبوماركات والكوفيهات والتلفريك والالعاب والحدايق والمنتزهات والقوارب .. الخ وتغييرروتين السنه كلها مدري حتى سنين والراحه والاستجمام وفوتت عليها متعه السفر وانا والله لو اني في مكانها اني لجلس في بيتي اصرفلي وبلاها من سفره مدام الكرف والتعب والشيل والحط وراي وفيني ياربي ليش بس كل هالشقاء وش الي حادني علية !!؟؟؟ والي تقول العوايل لازم ياخذون عزبه لا والله ياختي ماصدقتي فيه عوايل وكثير بعد وانا وحدة منهم ومعنا اطفال مانعرف هالشي الحمدلله وحتى في سفرة تركيا اضفنا معنا الشغاله يعني اكره ماعندي اشوف المطبخ وسكنة الشقق والحجرة والغربلة وبعدين حنا مانسافر سنويا مثل الغير والاغلب بتشفق وحرمان وتعب بس يقالي ياذاك اني مسافره للدولة الفلانية استغفر الله حنا دايم نقعد نجمع مبلغ جامد مايقل عن 80 الف الى 100 الف ونسافر كل 3 سنوات ولمده 15يوم سفره معتبره ومريحه ومرفهه من جميع النواحي من سكنه فنادق 5 نجوم و4 نجوم في اقصى الظروف سوينها مره وحده في بورصه والحين بعد مضطرين عليها في لندن لحالها لغلي اسعار فنادقها عكس زيلامسي وانترلاكن // وبعض الفنادق قد طلبنا عشى مع الافطار وملابسنا نغسلها في مغاسل الفندق واذا شفناها غاليه علينا نوديها مغاسل خارج الفندق ومطاعم وتمشيات وتسالي ونقنقه وتكاسي وكل شي ماخلينا في خاطرنا شي وبعد وركوب طائرة من دوله للثانيه اقصد في اروبا من فرنسا لسويسرا والحين بعد بنسويها من سويسرا لبريطانيا يعني مانصدق نطلع من الفندق بعد الفطور ونرجع عقب العشى للنوم مبسوطين من الفرارة وماقصرنا على اعمارنا بس احتمال كبير في هالسفرة بالذات يزيد عن هالمبلغ لان 6 اشخاص ماشاء الله تبارك الله 3 بالغين و2 طفل 1 رضيع وسفرتنا الاولى لفرنسا وسويسرا قبل 14 سنه انا وزوجي وبنتي رضيعة كلفتنا 48 الف صافية واخر هالكلام ولا تحسبن يابنات إنا مرتاحين ماديا بس الحمدلله الحالة مستورة وكلة من التجميع والاهم من هذا كلة ان ماعلينا ديون وبيتنا ملك و الحمدلله الذي بنعمتة تتم الصالحات وبعدين فيه شي والكثير مايسويه ويستهين في فلوسه طبعا للسفر غير الدول الاروبيه اما لاروبا الزامي هو التامين الصحي مهم في السفر وفي كل سفراتنا رغمنا الحمدلله ماقد احتجناه وان شاء الله بعد مانحتاجه يارب بس ترا هالسفره ناويه ان شاء الله اخذ معي القهوة الجاهزة سريعة التحضير اربيانا وكيف المسافر وحجزنا بالعاده يكون قبل السفر بشهرين مثلا لتركيا وماليزيا اما الى اروبا نقدم نخليها 3 اشهر مثل المره الاولى وهالحين بعد في الثانيه سوينها ولا ننسى في الاخير ان الناس اجناس يختلفون ونمط حياتهم مختلفة ماهوب كلهم على وتيرة وحده والي يصلحلي مايصلح لغيري الله يسهل لنا ولكم امور دنيانا واخرتنا
الصفحة الأخيرة