كانت اي مناسبة تمثل عبء مادي علي و كنت احيانا اضطر اخذ نوعايات مش مقتنعة فيها او قليلة الجودة بس عشان الميزانية تكفي هذا غير الضغط النفسي لاني اكون مضغوطة و القى نفسي صرفت كل الى عندي بس عشان اجيب الطلبات لهذه المناسبة . الي عملته بالتحديد هو اني حددت مناسباتي السنوية و خصصت لكل مناسبة ظرف و احط في فيه مبلغ معين شهريا كالتالي
مستلزمات العيدين 500 ريال شهريا = 6000ريال سنويا
مستلزمات المدرسة 200 ريال شهريا = 2400ريال سنويا
مقاضي رمضان 300 ريال شهريا = 3600 ريال سنويا
و خصصت بند مهم جدا و هو : مستلزماتي الشخصية السنوية 1000 ريال شهريا = 12000 ريال سنويا
خصصتها كمكافأة لنفسي اغير فيها لبسي للبيت من بيجامات و فساتين خفيفة للبيت و مكياج و غيره يعني جهاز عروس على **غر . طبعا هنا انا حددت المناسبات الثابته فيه مناسبات ممكن تجي مرات مثلا عرس حد قريب اول ما اعرف ان عندنا عرس اخصص مبلغ اوفره كل شهر بحيث يتجمع عندي مبلغ حلو و نفس الشي لو عرفت ان فيه حد في العيله حامل او على وجه زواج اجهز بدري يعني اشتري الهدايا في التخفيضات و اغلفها بدري و دايم اختار اشياء تنفع للولد و البنت و اراعي هالشي في لون الهدية بعد . المبدأ عندي هو التخطيط و التحضير المبكر . صرت اشتري الي احتاجه بلا هم و لا ضغط و غير كذا هذه الطريقة حل لمشكلة الاسراف الي اعاني منها لان الاشهر الي ما فيها مناسبات تكون عندي فلوس زايدة اروح اصرفها بلا تفكير و انزنق في الاخر .
نجي الحين للنقطة المهمة طبعا المبلغ في االظرف اذا بلغ النصاب و دار عليه الحول اخرج زكاته او اطلع منه صدقه قبل ما اصرف منه ريال
حابة اسمع رايكم و اقتراحاتكم حبيباتي
عين العقل والله ... افضل شئ انك فكرتي كذا
بس ماشاء الله شكلك موظفة وهذا راتبك وانتي حره فيه لكن انا ويمكن اغلب البنات على حسب الزوج وظروفه
يلا الله يرزقني بتعيين وان شاء الله وقتها اعتمد نفس خطتك
الله يوفقك ويسعدك ويرزقك يااااارب ..... الف شكر