amaal :

السلام عليكم ورحمة الله وبركاته اختي مايا، انا مثلك ميزانية البيت دي جايبة لي دائما وجع الدماغ، انا وزوجي مخصصين برده 800 فواتير ومشتروات وبقالة ونظافة وخضروات ولحوم اما بالنسبة للهدايا والمناسبات والخروجات والطوارئ فنضع لها 300. اسرتي تتكون مني انا وزوجي وبنوتي الصغيرة وعمرها سنة هقولك نصيحة قريتها في المنتدى وامي نصحتني بيها قبل كده! انك تدوني منذ بداية الشهر كل ما تشتريه في جدول! يعني اليوم، المنتج، ثمنه، اسم السوبر ماركت! انا عارفة انها شغلانة بس لو مشيتي عليها طول الشهر هتعرفي ايه الحاجات الي بتبوظلك الميزانية والحاجات الي تقدري تتخلي عنها! * ما تشتريش الحاجات الجاهزة! يعني حاولي تعملي كله في البيت! بلاش السمبوسة الجاهزة والشيش الطاووق الجاهز بالاضافة انها مش صحية ! * ابحثي عن السوبر ماركت الي عامل خصومات واشتري مستلزمات الشهر منه ولكن بشرط تكوني كاتبة قائمة بالحاجات الي محتاجاها قبل ما تروحي وعاهدي نفسك بالالتزام بما كتبتيه وعدم شراء الحاجات الغير ضرورية! على فكرة ان لو زوجي العزيز كان شايفني وانا باكتب لك هذا الكلام كان فطس من الضحك ! حيث اني استاذة في الصرف، ولكن ذلك لاني بشتغل ولي مرتبي الخاص بصرف منه زي ما انا عايزة! أما بالنسبة لمرتبه فانا بحسبها بالقرش عشان ما يقولليش ضيعتي المرتب في الفاضي!! :17: هذا هو ما اتذكره من محاولاتي للاقتصاد في مصروفات البيت وهي فعلا بتنفع لو داومتي عليها ولو افتكرت حاجة تانية حاقولك عليها! انا مشكلتي اني بزهق بسرعة من موضوع الجدول وبكسل اعمله ! بس هو فعلا مهم خصوصا ان في مصر الاسعار بتزيد كل يوم :27: اتمنى اني ماكنش صدعتكم!

السلام عليكم ورحمة الله وبركاته اختي مايا، انا مثلك ميزانية البيت دي جايبة لي دائما وجع الدماغ،...