الله يسهل امورك ترى انتم اسره صغيره يعني تقدرين تصيطرين على المصروف اذا تشترين ملابس شهر وشهر لا البيبسي اقطعيه يعني الاشياء الي مو ضروريه استغني عنها

اسمعي انا اقسم الميزانيه على حسب صرفنا بالشهر يعني الدجاج له مبلغ والغاز له مبلغ وفسحة المدارس لها مبلغ والكهرباء والمويه ومصروف البيت من زيوت ورز والسكر والمكرونه وفطور معلبات والشاي يعني لاتشترين الا احتياجك اليومي الومنظفات واشياء ضروريه لها مبلغ واحس هذي الضروريات والبنزين اذا كان دوامه بعيد يعبي ب 10 لو ماكنتو تطلعون واجد 5 ريال تكفي انتي شوفي احتياجاتك الضروريه كل شهر وسجليها بورقه ولازم يبقى مبلغ تقريبا 500 او700 للضروره لاسمح الله علاجات اشياء من الصيدليه ومو كل ماكان معك فلوس زياده رحتي السوق او المطعم امسكي نفسك والفلوس للي تبقى لاتصرفينها خليها تحتاجينها بوقت ضروره الى ماربك يحلها عقبها وسعي صدرك وماتضيق الا وتفرج ان شاء الله

اول شي اذا اخذتوا الراتب سمو /لي يومين افكر وهاذا حلي /600مقاضي البيت الاساسيه رز وسكر شاهي وقهوه وهيل وكرتون دجاج وزيت ومنظفات وغيره بس الضروري
1200مصروف يومي تفرقيها عشرات كل يوم 40ريال 
والي يبقى من الاربعين حطيه بظرف لحاله وضيفيه للاحتياط
500 جامعتك 
150كسوه كل ثلاث شهور اوشهرين لواحد منكم 
100شحن جوال عشر بطايق لكل واحد منكم خمسه
150 كهرب 
200 على جنب
 للاحتياط /الله يبارك لكم في رزقكم 

حبيبتي اشتري اي شي يخلص كرتون انا استخدمت هالطريقه وارتحت والباقي قسمته على الايام 10ريال لكل يوم طبعل مافيه اكل من برى الااخر الاسبوع كم طلع فايض اشترى من برى