السلام عليكم ورحمه الله وبركاته
مساكم ورد ,عارفه و متاكده ان الموضوع ممكن يكون مكرر لاكن حبيت انى اكتب تجربتي لانى لاحظت ان المواضيع اللي انطرحت ماكان فيها قبل و بعد و للعلم لاول مرة اكتب موضوع و ياليت اشوف ردود و اراء علشان اطرح مواضيع اكثر و ترى راح استعين بحرف(د) بدال اخو ة لاني مو عارفه ليش مو راضي يكتبه الجهاز ....
و مابغى منكم الى انكم تدعون لي ان الله يسهل اموري و يرزقنى اللى في بالي و يحفظ بنوتي و زوجي و يبعد عنا و عنكم عيال و بنات الحرام و بالاخص لازوجنا ....
على بركه الله :
في بدايه زواجي كانت ميزانيه البيت طبعا عند ام زوجي بحكم اني ساكنه معاهم بنفس البيت و كان مايجي نص الشهر الى احنا :eek:صرنا نفس هدا الوجه من الجوع المهم حاولت اكثر من مرة ان مصروف البيت يكون عندي لاكن كانت الاجابه دائما معصي و غير كدا كانت اغلبيه الاشياء ماتنسبني و صبرت اربع سنوات بسم الله علي لين ماطلعت ام العبيد و قلت بما ان الاغراض مو على هوايه ماراح اطبخ:angry2:. فقرر ابو الشباب انه يستمر في دفع المصروف لميزانيه البيت لامه بالاضافه لدفع زياده و ياخدني كل شهر للسوبر ماركت و اشتري اغراضي اللي احبها :42: لاكن للاسف زادت المصاريف و صرنا مو قادرين حتى نروح نطلع زي اي اسرة عاديه لان المصروف و اقصد فيه ميزانيه البيت صارت الدبل .... اخيرا ازلت قناع الصمت و الهدوء و نطقت و قلت ليش ماتعطيني فرصه اثبتلك انى قد المسووليه :22: و طبعا بما انب الرابح الاكبر في صرف الريال و على قوله زوجي انتى ماتقدرين تنامين و انتى بشنطتك ريال كان صعب علي اقناعه فقررت اقوله اشرايك ننزل الشهر هدا انا وانت للسوبرماركت و لاتعطيني الفلوس بس اغاك تشوف الفرق بعينك و كانت الصدمه (وافق):icon28:و ماصدقت صرت اسال صحباتي بس بصراحه اللي استفدت منهم اصحابنا الامريكان و الفلبينين لانهم من جد يوفرون كثير و مدلعين نفسهم للاخر طبعا بدت المحروسه(انا) اكتب الخطه الخمسيه المدروسه للعيش براحه و سعاده و بديت اسجل النقاط المهمه
كان المصروف اللي يروح لخالتي 1500 للبيت بس ماكنت اشوف اي شي منها طبعا المصروف يعني ميزانيه البيت و ليس مصروفها الشخصي و احنا عايله مكونه من 5 اشخاص و خدامتين و البيت مايفضى ابدا ماشالله
المهم اول شهر رحت معا ابو العيال للسوبر ماركت و ماصرفنا غير 800 ريال قولو كيف ؟؟؟؟:)
اجبرته انا نروح للثلاجات الكبيره اللي تبيع بجمله و من هناك اخدنا الكراتين و منها (كرتون حليب- كرتون دجاج-و غيره) كلفتنا 400 ريال , و بعدها رحنا لمحلات البلاستيك و اخدت من هناك (كلينكس جميع الانواع - سفر- كلوركس 30 ليتر - منظف زجاج- صابون ايدي الحجم الجامبو - و بليدج اللي هو منظف الخشب-ديتول و داك)وهدا كلفنا 200 ريال , و بعدها رحنا للسوبر ماركت و اخدنا الاغراض اللي مانستغني عنها زي(الجبن الزيت الزبده)المهم اني لما اروح للسوبر ماركت اجمع الاوراق حقت العروض و طبعا في ناس كثيره زيي ماتقدر تستغني عن ماركات معينه من الاكل فصرت اشوف العروض اللي على الموكلات من الماركات اللي اني استخدمها و احط عليهم علامه علشان الاقيهم و مانساهم و غير كدا امشي وكلي فخر بالاله الحاسبه ...
و بما ان الصابون مهم اني ماستخدم اي شي فاشوف العروض غلى الاريل و التايد و سواء كان متوفر بالبيت او غير متوفر بما انه عليه عرض ممكن اخد ثلاثه منهم للشهر الجاي واللي بعده
الخضار و الفاكهه بما ن اغلبيه اللي بالبيت من الديناصورات اكلات الاعشاب الله يحفظهم لازم نشترى فاكه و خضار و طبعا صرت اروح لسوق الخضار الكبير اللي بعض الناس يسموة (الجبرا) و تكلفني 300 ريال و الحمدالله تقعد معاي من تاريخ 25 الى تاريخ 25
اشتري(برتقال- تفاح -موز-فراوله-جوافه وكمثرى و كيوي) خضار (طماطم-بطاطس-ثوم-بصل-ملفوف-فجل-خس-خيار-جزر-بادنجان-كوسا-كزبره-بقدونس-نعناع وغيرها) تكلفني 300 ريال و طبعا نصيحه لاتتعاملي مع بياع واحد بس دورى بالسوق واسالي هدا بكم وهدا بكم و بعدين اشترى
و الله العظيم انه الشهر الثاني صار مصروف البيت بايدي:42: و لدرجه انه صرنا نقدر نسافر و نروح ونجي
الفكرة الدهبيه الثانيه الملااااااابس
بما انه بنتي بعمر التطور و بسم الله عليها ملابسها لازم تكون مليانه الوان و بقع حليب الشوكلاته:( و كل ام تحب عيالها يلابسو ماركات انا اقول ان العيال صورة لامهم بالترتيب و الاناقه المهم قررت ان الملابس تبع اللعب و المدرسه راح تكون تماما غير عن الملابس اللي راح تطلع فيها لخرجات اجتماعيه او مول \
طبعا صرت اشتريلها من سيتي ماكس او سيتي بلازا جينزات و بلايز حلوة و الكولايتي حقتهم رائعه
اما ملابس الخرجات فانا اتحرى التخفيضات و احط ميزانيه معينه لازم ماتعدها
المطاعم و مادراك ما لمطاعم طبعا يوم الجمعه كان يوم اووف للطبخ و كنا لازم نروح لافخم المطاعم كل هدا الكلام تغير صرنا ناخد مثلا طبق واحد رايسي و طبقين جانبين و نتشارك فيهم انا و ابو العيال و المطاعم صارت مرة وحده بالشهر كتغيير اما باقي ايام الجمع فصرت اطبخ و نتغدى بالبيت و بعدين نطلع و ادا حنجيب غداء من برى فطبعا راح يكون رز و دجاج فعلشان مانزهق من الرز فنغير مرة بخاري مره كبسه و غير كدا اسوي سلطه و بطاطس و احط خبز اللي مايبغى رز ياكل دجاج و خبز .
طبعا من لما بدينا بهدا التغيير قدرنا نوفر 6000ريال خلال 3 شهور ماشالله لاحول و لاقوة الا بالله و كجائزة من ابو عيالي الحنون قرر يوديني الاسبوع الجاي مطعمي المفضل طبعا المطعم هدا كنا لازم ندفع مالايقل عن 500 ريال و انا اشوفها شي كبير فقلت اسوي بحث بالنت و اطبق الاكله اللي اعشقها بالبيت و هي (شرمب تمبورا و سوشي):22: و طحت على موقع اجنبي و فيه الوصفات و بالطريقه المهم رحت لسوبر ماركت لولو و شريت الاغراض و سويت الاكله و الله انها طلعت نفس الطعم اللي بالمطعم كم كلفتني كلفتني 100 ريال بس انتو متخيلين فقلت له انا ابغى مفجائه اكبر ابغى ساعه:32:و قالي ابشري بس للحين استناها و الا راح اتنازل عن مسووليه الميزانيه ...
اتمنى اني افدتكم و زي ماقلتلكم مابغى غير دعوه لي بظهر الغيب و الله الموفق
اختكم اميرة الظلام سابقا : ام ديدي
om dede @om_dede
عضوة نشيطة
يلزم عليك تسجيل الدخول أولًا لكتابة تعليق.
الصبوووووورهk
•
ما شاء الله يعطيك العافيه
ماشاء الله عليك
صحيح وفرتي بس تعبت وانا اقرا الله يعطيك العافيه ههههه
وحبيبتي تلاقين حرف الذال اخو الدال جنب الواحد شكله متزاعل مع اخوه خخخخ
صحيح وفرتي بس تعبت وانا اقرا الله يعطيك العافيه ههههه
وحبيبتي تلاقين حرف الذال اخو الدال جنب الواحد شكله متزاعل مع اخوه خخخخ
مشاء الله عليكي يام ديدي نفسي اتعلم منك انا مصروف البيت 1600 ولا عارفه كيف اصرفها ميجي نص الشهرالى خلاص بح مع انوه المصروف لي انا واولادي وللبيت من غير مصروف زوجي يعني اشتري منها مونة البيت وملابس وغيروه مع انو اولادي صغار 5و3و2سنه هذي اعمارهم بالله شوري عليه لشهر هذا صرفة الى الان 700ريال باقي 900ونفسي اوفر منها ومشكوووره
om dede
•
انا مرة مبسوطه نو في تفاعل اختى الصدى الحنين اخو الدال مو جنب الواحد جهازي دل و شايفه الحرف بس كل ماضغط عليه يطلع لي \
الصفحة الأخيرة