اشتري من الجمله .. السكر والارز والمعلبات والاجبان وجالون كبير زيت ومناديل وشامبو والبلاستيك ..كاسات ..سفره ..قصدير ..والصابون اشتري الكيس الكبير ابو 10 كيلو ..والكلور اشتري جالون كبير ..واذا ماتقدرين .حددي الخضار اشتريها من محلات الخضار .. والاكياس والقصدير والمناديل اشتريها من محلات ابو 5 ..


لاتشترين كل المقاضي من السوبرماركت لانه فيه بديل ارخص

اشتري من الجمله كيس صابون مسحوق للغسيل النوع اللي تبيه يجيك 3 كيلو غالبا تجلس معاك 3 شهور
و كرتون سفر و كرتون اكياس زباله كبير و صغير هذه بتجلس معاكي شهور حتى تخلص

كل شهر تشتري كرتون دجاج + كيس رز + كم صحن صدور دجاج + دجاج و لحم مفروم + سمك و ربيان

كل شهر تاخذي قشطه و تونه و زيتون و مربى و عسل و شاي و بن و نسكافه و بهارات و مكرونه و كيس
صغير رز مصري و كيس بطاطس للقلي و دقيق
منظفات ديتول و كلوركس و فيري و عملاق و جف و المنظفات اللي تحتاجيها

هذه هيا الاشياء الاساسيه و اللي فعلا تحتاجي تشتريها كل شهر
الباقي اضافات ممكن الاستغناء عنها او تاخذيها شهر و تطول ما تخلص بسرعه زي الصوصات
و المايونيز و الخردل و كل المنكهات باختلاف انواعها تطول ما تحتاجي تشتريها كل شهر

ان شاء الله الميزانيه كذا تزبط
اغراض الحلى لا تشتريها مع مقاضي الشهر لما تحتاجي حلى جيبي اغراضه لانه
هيا تستهلك ميزانيه كبيره

لا تروحي السوبرماركت الا و انت كاتبه قائمه بالاشياء اللي تبغيها اخر مره رحت بدون
ورقه قلت خلاص انا عرفه و ندمت ندم شديد لاني نسيت اشياء مهمه و اخذت اغراض يمكن
الاستغناء عنها

الف ريال تكفى لاسره اكبر من اسرتك بالاستعانه بالله والتفكير المضبوط بدون اسراف ولا تقصير واغلب العوايل يتسوقون مره واحده فى الشهر الاساسيات واالخضار والفواكه وتمشيهم اغلب الشهر فى حدود 500 ريال والباقى تصرفى منه للضروره فقطواذا نقص عليك شئ وأن شاء الله بتضبط امورك تمام .

مشكورات ياقلبى والله حمستونى

ماشاءالله حبيبتي الله يزيدكم من نعيمه
انا اشوف انا تكفي وزياده وتقدرين توفرين منها بعد انا اقضي المنظفات يمكن ماتوصل الميه
اخذ اريال وصابون مبشور ومطهر نوعين وكلوركس وصابون سائل واخذ جالون اعبي الصابون لما يخلص وشامبو للعبايه وشامبو لي ولاولادي وفيري
غير اكياس الزباله وانتي بكرامه والسفر
والشهر اللي بعده ارتاح يعني يمكن تكفيني شهرين ولاجا راتب الشهر الثاني اشيك واشوف اللي ناقصني واشتريه
وانا مااشتريها من السوبر ماركت اشتريها من محلات المنزليات او مخصصه لادوات التنظيف تفررق معاك
والله لو فكرتي وقسمتيها زين راح تقدري توفري منها
وحاولي تتصدقي منها وربي يباركلك فيها ان شاءالله