زائرة :

مشكووورين على الموضوع الرائع صراحه احس نفسي من أكبر المبذرين اسوي جمعيات يقالي ابغى اوفر ومن اول يوم اصرفها باشياء تافهه واشتري واصرف بدووون حسااااب لكن من كم شهر بس بدأت انتبه لنفسي وحياتي ابدا مو عاجبتني وغير كذا جدا مسرفه وتعلمت قبل ما ادفع الريال اشوف الي ابغى اشتريه فيه ينفع ولا استغني عنه وقسم بالله صرت اجمع الريال على الريال زوجي كان يضحك علي واحيانا يقولي خذي هذي ريالين اجمعيها ويموت ضحك (( يعني يتريق علي )) المهم قررت ادخل الاسهم واستغليت الفرصه واليوم الي اخذ فيه الجمعيه قلت له بس ابغى افتح الحساب بفلوسك وبعدها اسحبها من البنك واردها لك والحمدلله كان كريم وقالي خليها بحسابك تبقى لبيتنا الجديد عشان مانحتاج اذا جينا نأثثه لاتحسدوني على البيت مو لوحدنا هذا شراكه بينه وبين اخوانه وابوهم معهم وربعن تعاونوا مانذلوا ههههههههههه صارت امثال المهم كملت اجمع بالريالات واذا صارت عشره ريالات صرفتها من جيبه واخذت عشره ببعضها عشان ما العب فيها وصرت كل شهر احط بحسابي الف وألفين وهو يستغرب من وين الفلوس لانه مايعطيني مصروف والي ابيه اخذه منه رديت عليه وقلت له هذي الريالات الي تضحك علي فيها لو تشوفون وجهه والله فرح وصار يعطيني خمسين واحيانا 100 بدل الريالات ويقولي اجمعي والجمعيات صرت ما أصرفها بالعكس اذا قليله اجمع عليها واذا الفين احطها على طول بالبنك الحمدلله اول الراتب من اول الشهر ينتهي ونستخدم بطاقة الراجحي ماعرف اسمها الي تستلفون منهم خمسه الاف ونهاية الشهر يسحبونها من الراتب المهم الحمدلله استغنينا عنها لا وكمان صرنا نوفر صح مبلغ بسيط لكن ان شاء الله يزيد والله يابنات اذا انتبهتوا وبدأتم بالجمع بتلاحظون اشياء كثيره مالها اي داعي وتقدرين تستغنين عنها صح في البدايه يضحكون عليك وبخيله وحريصه على القرش لكن ماعليك منهم المهم انك تجمعين وماتبخلين على نفسك يعني اجمعي الشي الزايد بس الي مالقيت لها حل مشكلة ملابس العيد يعني الاسواق الحمدلله استغنيت عنها واذا اشتهيت يوم اروح للسوق الفلوس الي اخذها 50 أو اقل عشان ما العب في فلوسي لاننا يالحريم نموت بشي اسمه سوق تصدقون بالله صرت احيانا انزل للسوق بس اتفرج وما اشتري شي الي اول اطيح عند ابو عشره وريالين واخواتي كانوا يضحكون علي لاني اقولهم ابغى اوفر يقولون العشره والعشرين توفرين منها شي والحمدلله خلال شهور صار عندي حساب بالبنك وان شاء الله ناويه اجمع 50000 واشتري فيها ارض رخيصه وانساها سنين وبعدين ابيعها لان الاراضي هي احسن شي يمسك الفلوس والشطه اول مليانه فلوس واصرف بدون حساب لكن خلاص تعلمت وما اطلع من البيت او اروح للسوق والشنطه فيها فلوس فقط 10 او خمسه ريال اذا احتجت للماء او اكل نرجع لمشكلة العيد تصيبني حاله واشتري كل شي تطيح عليه يدي والله عجزت اوفر ايام العيد الحمدلله في الوقت الحالي احسن من السنوات الي قبل بس كمان المشكله مازالت مستمره ونفسي ابطل اشتري اشياء ما احتاجها تصدقون بالله بعض الاشياء ارسلها للجمعيه وانا ما لبستها مع اني الحمدلله مو محتاجه اني اشتري بالهبل هذا وغير كذا انا واخواتي عادي نتبادل لبس بعض لان مثل صديقاتي واهل زوجي مايدرون عن لبس اختي واذا لبسته عندهم كأني لابسه شي جديد يعني المفروض اوفر وما اشتري ملابس كثيره لكن ايش اسوي بحمى العيد والسوق (((( اتمنى ألقى حل لمشكلة العيد )))) والبنات الي بيشترون بيت ليه ماياخذون بيت جاهز والبنك يشتريه لهم وبكذا تكون الاقساط على البنك أو ممكن ياخذون سلفيات من البنك وصدقوني احيانا فيه بيوت رخيييييصه ممكن تشتروها وتأجرونها الى مايتوفر معكم مبلغ البيت الجديد واسفه لاني طولت عليكم

مشكووورين على الموضوع الرائع صراحه احس نفسي من أكبر المبذرين اسوي جمعيات يقالي ابغى اوفر ومن...