بصراحة وبدون لاتزعلو مني
انتن جدا مبذرات الراتب 10000 ويبقى نهاية الشهر الف بس من جد مو معقول
الفواتير قللو منها والتلفون والجوال والام هي اللي تنتبه تقفل كل شي عن اولادها مو تستسلم لهم والاكل مو لازم وجبات سريعة خفايف صامولي مع جبنة بيضا او سايلة وتحطي معاها طماطم وخيار وكاسة شاي او حليب والحمدلله تشبعك وفي نفس الوقت لذيذة واهم شي الصابون والكلوركس حتى ديتول مااشتريه وكوموفرت كمان مااشتريه هذا اشوفه دلع بس يضحكوا علينا اهم شي الملابس نظيفة
ومن ناحية التماشي روحوا مكان برا في حديقة او البر مو تستأجروا واشووا أو تسوي شاي او قهوة ومو لازم الاثنين مشروب واحد يكفي او اذا بتسوي الاثنين لاتكثري نص الترمس ومكسرات وتمر واذا تبغي سوي حلا ومعجنات واطلعوا وربي نسوي كذا ومن احلى مايكون نحس بالمتعة فعلا جربوا تستمتعوا باقل القليل انا لما اقول لصحباتي عن نظامي يقولوا جدا موفرة والحمدلله
انا استغرب من اللي تقول نبغى بيت ملك وهي ماتبقي شي من الراتب اهم شي زوجك يخلص من ديونه تماما ويسيب الباقي عشان تبنوا بيت ملك ترا كل اللي عندهم بيوت ملك حرموا نفوسهم عشان يجمعوا ريال على ريال عشان يشتروا ارض وبعدها يبنوا وياثثوا وكل وحدة تفكر مزبوط
والله عندي كلام كثير ابغى اقوله لاني فعلا انقهر لما اشوف رجل يبغى يستقر في بيت ملك ومو قادر من تبذيره شخصيا او من تبذير زوجته واللي تبغى اساعدها في جدول توفير تقولي اسويلها

صددددقتي اختي
الله المستعااااااااااااااااااااااااااان

ماشاء الله لا قوة الا بالله
لو راتبنا 9 الالاف وفرنا بدون الجدول

اذا تقدري اختي تضبطيلي جدول على نص هالمبلغ بكون شاكرة لك
علما
1-انو ما عندي شغالة
2- عندي 3 اولاد بالمدرسة مجموع اقساط مدارسهم 1000 شهريا
3- عندي تأمين صحي لي وللعائلة


وجزاك الله خير

ماشاءالله حلو الموضوع شي مفيده والاحلى كمان سحر البيضاء جدولك ممتاز تسلمي .

شكراااااااا