ميزان يقيس الدهون والعضلات والسوائل

مرحبا بنات

جبت لكم ميزان تحفه شفته عند عمتي وقررت ان شاء الله اشتريه بس اجمع :27:

الميزان روعه
تحطين فيه بياناتك من طول وعمر وجنس وتحفظيها وتصيرين تتابعي فيه وزنك

يقيس الوزن ونسبة الدهون ونسبة السوائل وكثافة العظم والعضلات

واللي اعرفه ان الاشياء هذه تقيسيها في مراكز خاصه

بس هذا الاختراع رهيب جمع كل دي الاشياء

بقولكم عن نفسي وزني طلع وزني 69 وكم جرام
ونسبة الدهون 35
نسبة السوائل 49
العضلات 33

طبعا كلها كتب الميزان Poor يعني سئ

ومعاه كتلوج يبين المفروض يكون عليه وزنك ونسبة الدهون والسوائل
حسب العمر والجنس والطول

والله يابنات رهيب بس يصدم خصوصا نسبة الدهون :mad:
تكتشفي انك عباره عن قالب شحم ماشي :06:
ومافيه عضلات

وطبعا كل مازادت الشحوم قلت نسبة السوائل

حتى لمن تسوي حميه او رجيم تشوفي نفسك ماشيه صح او لا من خلال قياس النسب مو بس الوزن
لان احيانا تنزل السوائل بس وهذا خطير على الجسم

انصحكم تشتروه وتجربوه

اسم الميزان
beurer
اشترته من النهدي وسعره 380 ريال تقريبا

بس ابغى دعوه اني اصير رشيقه وزوجي يسعدني ويديم على عيلتي الصحه والعافيه والستر