مين فيكم تحتار مثلي ايش تهدي قريبتها الوالده هدية خاصه بالضيف الجديد ؟؟؟
أكيد معظمكم يحتار وبالذات لوعدد الزائرات كثير راح تضيعي وتحتاري ألف مره قبل
تقرري ايش نوع الهديه لأنك راح تخافي تتكرر هديتك وما تكون مميزه
عني ممكن أجلس ساعتين ادور وأتفحص في محلات الأطفال
ابغى تكون هديتي مميزه ويستفاد منها
ايش رايك تميزي هديتك عن غيرك من الزائرات وتكوني مطمئنه انها ما راح تتكرر
من غيرك
والفكره سهله وبسيطه ويمكن مو جديده عليكم ونشوفها في محلات هدايا الأطفال
بس من يدك راح تكون غير
انتي عارفه انو قريبتك حامل وهي عزيزه على قلبك ابدئي من وقت مبكر يعني مثلا
لمن تكون في شهرها الخامس أو السادس واشتري سله خسف من محلات الأدوات
المنزليه اذا حبيتي تلبسيها وتزينيها قبل لا تحطي فيها الهدايا انتي وذوقك أو حتى
ممكن ترشيها بأي لون تحبي
وعشان لاتكلفي على أبو الشباب وترهقي ميزانيته كل نهاية شهر اشتري هدية
وحطيها داخل السله بطريقه حلوه ومنسقه ممكن تخليها للبيبي وأمه ما تجي الولاده
الا وهديتك جاهزه ومتميزه ممكن تهدي الأم مجموعة كريمات ومقشر للجسم وممكن
أشياء تستفيد منها في الرضاعه الطبيعيه وممكن كتب تفيدها في التعامل مع مولودها
وخصوصا لو كانت أم جديده راح تكون ممتنه لك وتستفيد من هديتك وممكن تدعي لك
وشوفوا معايا بعض السلال الخاصه بالمواليد
للصور بقيه.
تسلم يداك على الصور