ميـــن تدلني الله يجزاها الجنة ؟!

السلام عليكم ورحمة الله وبركاته

أخواتي الحبيبات :

أود أن استفسر عن الآلة التي تغسل وتكنس السيراميك والسجاد ( أبي وحدة للإثنين سيراميك وسجاد ) ووظيفتها كنيس وغسل ..

بيتي سيراميك المجالس وغرفتي والصالة والممرات وغرف أولادي أبفرشها الآن لأن ولدي الله يصلحه دايم يطيح على راسه وياكثر الخياطات براسه والود ودي لو أفرش البيت كله بس معه ربو :( والبزران تعرفون أكيد راح يوسخون السجاد يكبون شيء أو غيره .. فراح استخدمها للسجاد كنس بس لاانكب شيء بدل الغسل والفرك أجيب ذي وأغسلها يكون أسهل تنظيف المكان وأفضل ..( يعني وحدة عملية خفيفة وتستعمل للأشياء الصغيرة )

بالإضافة إلى أني أحب أسوي حملة تنظيف بين فترة وأخرى على الكنب والسجاد والستاير وأغسلهم فهذي تكون أفضل .. بس يابنات أنا تعبت وأنا أبحث ياألقى حقت سجاد أو ألقى حقت سيراميك مالقيت معلومات إلا لرينبو بس سعرها مررره غالي ولو أطلع السماء ماراح يشتريها أبو العيال مع إني عرضت عليه بالتقسيط ..

فمين عندها وحدة للوظيفتين وللنوعين وتكون عملية ؟؟؟؟

وجزاكم الله خيرا وبارك بكم ..