ميك اب العيد فـي خمسة دقائق

اليووووووووم سويت مشاركة خفيفة لأميرات المنتدى اللي يهتمن بالمكياج

وهي ميك اب بنوتي ناعم لصباح العيد <<<<<<<<<<< في الليل مالي شغل :)


في البداية

كل وحده تحط كريمها الخاص ببشرتها ولا كريم الشمس <<<<<<<< هذي من عندي :09:

يلله بسم الله

:
:
:
:



الكونسيلر: تحطين الكونسيلر _مخفي العيوب_ على ظهر اليد

وتبدين تحركينه باصبعتج للتحمية عشان مايتكتل في الوجه

وتبدين تضربين تحت العين باصبعتج على خفيف <<<<< صورة وحده ماقرت على خفيف وطلعت عيونها سود

وتدهنين عادي حول الفم وعند الخشم وفي الاماكن الغامقه شويتين

خلصنا من الخطوة الاولى






الخطوة الثانية

الفاونديشن: رطبي الاسفنجة الخاصة بالفاونديشن او المبيض بالماي

عشان يدمج مع لون البشرة بشكل افضل , اذا كان مبيضتج على شكل اصبع

ادهني وجهتج.... وبالاسفنجه تدمجين وحطي بعد فوق الكونسيلر عادي

البودرة: بالفرشة الكبير وتاخذين البودره بهمجيه <<<<<<<<<< لاعد توصفين

يعني تكثرين منها ولا تخافين وحطي تحت العين و كل الوجه.





البلش: يلهه خذي الفرشة اللي اصغر من اللي تووحطي فيها البلش

ووخري الزايد بقفا يدتج وقولي تشيز برقر <<<<<<< تأثير الصيام

وحطي على المنطقة البارزه في الوجه بطريقة الضرب الخفيف.





الاي شادو: طبعا مثل ماهو موضح حطي بورده بيضا تحت العين

عشان لو طاح شي من الظل لينه يروح بعدين <<<<<<<<<< ذبحتنا فيها بصراحه احلى

حطي لون الشدو اللي تبينه بالفرشة الخاصه وعلى ظهر يدج اللي صارت بلته الحين

بعد ماتخففين اللون يلله سوي مثل حركاتها فوق ارفعي راسج وناظري تحت عند خشمتج

يلله حركي الفرشة يمين ويسار لين تطلع لتج الدرجة المطلوبه

ومن نصايحها انكم تحطون على الخشم من فوق يعني تكمله مع الظل عشان يصير عندتج نظرة حالمه






الحواجب: طبعا ترى فيه بنات حواجبهم مأكوله من الحواف

لين جيتو تحطون الحواجب بالقلم لا تسوون صاحبة الامتياز

لا ارسميها مثل الشعرات عشان يطلع طبيعي اكثر

المسكره: طبعا تحطين طبقه وحده منها تكفي بس اذا جيتي للي تحت

لا تحطينه زي اللي فوق بس المسيه بخفه لين يضبط

وطبعها لا تنسين عاكف الرموش <<<<<<<<<<< برضو من عندي

الليب ستيك: حطي الليبستيك _الروج_ على شفايفتس

همن افركيها باصبعتس عشان توخرين اللون الزايد وتحصلين الدرجة الطبيعية


الاي لاينر الابيض: طبعا تايرا لان عيونها خضر تقول حطو كحل ابيض تحت العين

عشان تكبر عيونكم وتصير قميله.

:: نصايح من عندي ::

بالنسبة لتايرا هي سمرا يعني ينفع لها كل المراحل

بالنسبة للفاتحات واشباه المصاريه

ماينفع لنا طريقة الظل حقتها لانه بيصير عندنا مساحة فوق العين بيضاء

حاولي انتس تعدلين قدر الامكان ولا تخلين الابيض موجود

وطريقة الظل على الخشم يمين ويسار لازم للفاتحات تتخفف كثير لدرجة تناسب البشره

واهم شي الفرش حافظوا عليها.

ويله نبي نشوف التطبيق



سلام