سلام عليكم
مرحبا كيفكم ..
انا راح اعلمكم اليوم عن مجموعه من الساندوتشات الصغيرة اللي تحطونها مع الشاي بس لو سمحتوا لاتقولون مكرر ولا شي لان ماشاء الله منتدى المطبخ مواضيعه كثيره فما ادري اذا كان بعضها مكرر .. وتراها اول مشاركه لاتفشلوني يعني :|
بسم الله نبدا ( تكتب وهي ميته من الجوع )
اول حاجه كرواسون ديك رمي
بتكلم بالعاميه اسمحولي المهم جيبي كرواسون صغير تلاقينه بالمخابز يجي حجمه تقريبا ربع كف يدك .. وبالخصوص تلاقينه بمخابز القادسيه للي ساكنين بالرياض المهم هذا الكرواسون يااما تاخذين اللي بالجبن او الساده اذا لقيتيه متوفر .. وتقسمينه من النص وتدهنينه بالمايونيز او الجبنه على حسب رغبتك بعدين شريحة خس امريكي الصغير .. بعدين شريحه صغيره مارتديلا ديك رومي وقفليها وصفيها بالصينيه .. طبعا الفكره وين ؟؟ الفكره بحجم الكروساونه اللي انتي حطيتي بوسطها المارتديلا .. بيطلع شكلها مره حلو
ثاني حاجه الخبز المقلي
خبز توست ابيض .. تقطعي حوافه يااما بشكل دائره تخلينه او على نفس شكله مربع .. تسوي حشوه دجاج مع خضار اللي انتي تحبيها .. المهم تجيبي التوست وتغمسينه ببيض مخفوق .. وبعدين بقسماط .. وبعدين تقلينه بالزيت .. طلعيه من الزيت والتوسته الوحده اقسميها نصين .. وبعدين النص الواحد تحشينه بحشوة الدجاج حقتك .. مررره لذيذه
ثالث حاجه طبقات التوست
تحتاجي لتوست ابيض وتوست اسمر .. تجيبي التوستايه الوحده وتقطعيها اربع مربعات .. وبرضو التوست الاسمر نفس الكلام تعملي فيه .. جيبي التوستايه البيضاء ادهنيها بمايونيز بعدين خس بعدين توست اسمر بعدين مايونيز بعدين مارتديلا بعدين توست ابيض وبعدين تحطي عود اسنان وفوقه زيتونه .. وقبل ماتحطي عود الاسنان دخليها بالفرن تتحمص شوي من فوق ومن تحت .. وبامكانك تزيدي عدد الطبقات
رابع حاجه التوست بالبسكويت
توست ابيض نحتاج له ... وبسكويت امريكي مالح الهش المربعات .. اللي يجي خفيف مره علبته بيضاء مستطيله .. المهم تجيبي التوست وتقطينها بحجم البسكوته .. بعدين تحطين بسكوته وتدهنيها بجبنه بوك سائله .. بعدين توستايه بعدين جبن سلايس ( شرائح ) برضو بحجم التوست والبسكويت .. بعدين تونا اذا تحبي التونا او دجاج .. بعدين بسكويت -توست - جبن سلايس -تونا- بسكويت - توست اخر طبقه تكون التوست .. ملاحظه هذي الساندوتش ماتسوينه الا قبل التقديم بدقائق فقط عشان مايذوب البسكويت لانه هشششش مره
خامس حاجه فطائر مكسيكيه
عجينه الفطائر المكسيكية اللي علبتها مرسوم عليها رجال مكسيكي لابس طاقيه تجي شكلها زي الخبز العربي كذا
المهم تجيبي دجاج وتتبيليه بزبادي وصويا وملح وبهارات وفلفل اسود وتحطيه بالثلاجه لمده يوم كاااااامل .. بعدين تاخذي الدجاج بالخلطه حقته وتحطينه بالقلايه على ملعقه زيت .. وخليه يتقلب لحد ماينضج الدجاج .. وبعدين اذا نضج .. جيبيه على جمب .. وجيبي مخلل خيار وقطعيها مكعبات صغييييره مره .. واخلطيه مع الدجاج .. وجيبي العجينه المكسيكيه .. وحطيه الدجاج بوسطها ولفي طرفها اللي تحت فقط ( خليها من فوق تكون مفتوحه ويبان منها الدجاج يكون شكلها زي الاقماع عارفينها ؟؟ ) المهم وصفيهم بصينيه ودخليهم بالفرن لحد ماتتحمر العجينه وتستوي وطلعيها من الفرن وقدميها على طول ساااااااخنه..
اتمنى اتمنى اتمنى احد يعبرني ويقرا موضوعي واذا باااااااايخ قولوا تراااااااا باااايخ وقديم عشان مااكتب مره ثانيه هههه .. بس لاتطنشوني الله يخليكم ولا تقولون لي مكرر وبنحذفه لو سمحتوا راعوا شعوري اول مره اشارك ههه ترا امزح
وسلامتكم ومت من الجوع وانا اكتبميلاد
Meelad @meelad
عضوة نشيطة
يلزم عليك تسجيل الدخول أولًا لكتابة تعليق.
ام علاء
•
الله يعطيك الف 100 الف عافيه حبيبتى ميلاد القمر
ونورتى المنتدى عمرى ويا مرحبا بك
وتسلم ايدينك على السندويتشات الروعه
لكن اسمحى لى بنقلها من قسم المقبلات الى السندويتشات يا حلووه
وننتظر منك اطباق ثانيه
تحياتى
:21::21::21::21:
Meelad
•
سلام عليكم
مشكوره اختي الشعله على مرورك وانتي الاروع تسلمي
مشكوره اختي ام علاء تسلمي على مرورك ولو تبغي تنقليني انا كمان انقليني هههه عادي ياقلبي :27:
مشكوره اختي الشعله على مرورك وانتي الاروع تسلمي
مشكوره اختي ام علاء تسلمي على مرورك ولو تبغي تنقليني انا كمان انقليني هههه عادي ياقلبي :27:
وصفاااااااات رائعة
بسألك عن اخر وصفة ...الفطائر المكسكية ...كيف تجي هي يعني طحين أو جاهزه ...مثل التاكو ..
بسألك عن اخر وصفة ...الفطائر المكسكية ...كيف تجي هي يعني طحين أو جاهزه ...مثل التاكو ..
الصفحة الأخيرة
يم يم يم ...... رائعه ... يعطيك العافيه اختى
وان شاء الله نشوف اطباق ثانيه ...