السلام عليكم ورحمة الله وبركاته
تبارك الله لاقوة الا بالله
اليوم انا جايبتلكم طريقة ساندويتشات شاورمه تجنن وسهله وكمان هامبورغر اسهل منها
لعمل الشاورمه بتحتاجي الى صدور دجاج مقطعه شرايح حسب الرغبه ومنقوعه في زبادي وبهار حلو وفلفل ابيض وملعقتين خل وليمون وملح وملعقة خردل وبودرة ثوم ...وتترك منقوعه كم ساعه
وكمان بتحتاجي بصل مفروم وفلفل رومي وكزبره مفرومه وثوم مفروم
يوضع الدجاج في قدر على النار مع شويةزيت ويقلب ويترك الى ان ينشف مائه
يضاف للقدر البصل ثم الثوم والفلفل الرومي والكزبره ويقلب جيدا ونتأكد انه مايحتاج زيادة بهارات
وممكن اضافة الفلفل الحار حسب الرغبه..ونتركه الين يستوي
نجهز اي عجينه نحبها ..وانا هنا استخدمت عجينة العشر دقايق ...وبعد ماتخمر نقطعها بهذي الطريقه
بس لازم العجينه تكون وسط مو متينه مره ولانحيفه مره .....ونحطها في جهاز تحمير الساندوتشات بعد مانسخنه بهذي الطريقه ونسكر عليه الين يستوي ويتحمر من الجهتين ومارح تاخذ اكثر من 5 دقايق...وطريقة الخبز هذي اخذتها من المنتدى بس نسيت اسم صاحبتها الله يجزيها خير
وكل ماخلصتي مجموعه حطيها في علبه عشان ماتنشف
جهزي خلطه المايونيز عشان ندهن الساندوتشات قبل الحشو ...وهي عباره عن طحينه سائله + مايونيز + خردل + ليمون + فص ثوم +ملح + فلفل اسود ..
وبتصير بهذا الشكل
افتحي حبات الخبز وادهنيها بشوي من الخلطه وحطي فيها من حشوة الشاورما وحطي معاها مخلل وبطاطس مقلي
وهذا هو شكلها النهائي
وبصراحه طعمها رووعه وشكلها غريب وفخم
وذحين نسوي الميني هامبورغر
بنفس العجينه السابقه سويت خبز هامبورغر صغير
لااااااااااااااااحد يرد ....
وجبت لحم هامبورغر جاهز وسويته في الفرن
بعد مااستوى اللحم قسمت كل حبه 4 حبات وشقيت الخبز لنصين ودهنته بمايونيز وخردل وحطيت شريحة لحم
وشريحة مخلل وكاتشب ...وهذا هو شكلها :p
تم بحمد الله :icon28:
ان شاء الله تكون اطباقي عجبتكم ....واي سؤال انا في الخدمه :26: