السلام عليكم
اليوم بنزل لكم ميني شيز كيك بالرهش و في البعض يسمونه حلاوه طحينيه ، بما اني من محبين الرهش فحبيت اضيفه في الكريمه واشكر صاحبه الميني شيز كيك و إن شاء الله يعجبكم
المقادير :
بسكويت دايجستيف مطحون ومخلوط مع زبده ذايبه لين يصير شكل الخليط ترابي (احس الكيك افضل)
8 حبات كيري (احس جبن مثلثات احلى مادري ليش)
3م ك سكر ناعم او اكثر حسب الرغبه
1 قيمر كي دي دي حجم الكبير (او 2 علبه قيمر العادي )
1 ظرف دريم ويب
¼ علبه حليب محلى (اختياري)
رهش بالشوكلاته (حلاوه طحينيه ) مفتت بالشوكه و المقدار حسب الرغبه
1 ظرف جلاتين مذوب في تقريبا ¼ كوب ماي حار (استخدمت اقل من ظرف و اثر على شكل الكريمه الاحسن ظرف كامل)
للتزيين :
شوكلاته +قيمر مذوبين على حمام مائي
قطعه رهش (حلاوه طحينيه)
الطريقه:
استخدمت علب جبن الصغار جبن صقر و كرافت و نغلفهم بالنايلون مع غطى بس واحد
(صورت هالخطوات و حبيت اوضح خطوه تغليف العلب لانه في وايد بنات ارسلو لي عالخاص عشان هالخطوه )
اول شي ناخذ قطعه نايلون و نحط العلبه و بعدين الغطى و نرفع النايلون على الاطراف و الصوره توضح اكثر
بعدين نرص البسكويت في القاع و ندخل الصينيه الثلاجه
و نخلط في خلاط الكيك مقادير الكريمه و اخر شي الجلاتين و نصب في العلب و ندخلهم الثلاجه لين تجمد الكريمه
و نزين الوجه بالشوكلاته المذوبه و قطع الرهش
و عند التقديم نشيل النايلون و نضغط على الغطى من تحت لي فوق باللطف و شوي شوي عشان ما يتكسر البسكويت و لا تخترب الكريمه.
هاذي لاول حلوه ترد:27:
هاي سويته من فتره و الطريقه في الرابط ألي في توقيعي
و بالعافيه
اتمنى تعجبكم الفكره
و دعولي انجح في امتحاني باجر