كان عندي شوية ورق عنب ..قلت ليش مااجرب اسوي ورق العنب مقاس ميني..صاير موضة..
وسويته طلع يدنن..حرام ينوكل..
احس ينفع يكون ضيافة مع الشاي..مو بالبوفيهات
بس طالع بالصور مو واضح حجمة..بس هوتقريا نص اصبع الوسطى ههههه..
يعني تقريبا الحبة راح تكون 3 لقمات للبنت الدلوعة والناعمة اواربع حسب كمية الدلع والنعومة..ولقمتبن للبنت العادية..ولقمة للبنت الدفشة..وخممممممممممس حبات لقمة وحددددة للذكور عموما
هذي طريقتي بورق العنب وصلت لهاااا بعد تجااااارب وبحث.. شوي من ريتاج وشوي من ارتوسة..ومن هنا وهنااااك ..لين وصلت للنيجة لزززيزة
مقاديري بالنظررر..
الطريقة:
اكشن بصل مفروووم كثير شوي بزيت زيتون كثييييير..بعدين ثوم مهروووس..وفلفل قرون اشيل البذور وافرمة..واقلب شوي..ثم اضيف الرز المصري المنقوع نص ساعة بموية دافية..واقللللللب شوي..اضيف عصير ليمون كثير.انا احب حامض كثير..وسمااااق.. وشويه ريحااان ( مسوية صحبة هالايام مع الريحان.. بس االي عندها ولد مسنن تستغني عنه..خطير ترى )..فلفل اسود..ملح..دبس رمااان(وهذي من ريتاج)..مااحب الطماطم بالحشوة ولا اللحم المفروم
وخلصناااااا الحشوة ونبدى باللف
قصي الورقة من النص..احيانا الورقة تكون صغيرة مايحتاج تقصيها..انتى شوفي على حسب حجم الورق..
قصيها بحجم يناسب ملعقة صغيرة من الحشوة
وحطي ملعقة صغيرة من الحشوة
لفيهااااااا
..وخلصنا..هنا الصغااااار ..حرام ينطبخون
حطي بقدر الضغط..بصل شرايح..وبطاطس..ممكن جزر وبندورة
وابدي رصي الورق جنب بعض..احشرريهم.. بالله مايحزنون؟
وافرمي ثوم مع نعناااع وزيت زيتون..وكل ماخلصتي طبقة رشي شوي منهاااا... هنا كانت طبقة بس..قليل
واذا خلصتي كل الكمية ..السوايل اللي بقت من الحشوة صبيها عليه
سوي المرق..كشني بصل وثوم بزيت زيتون..ضيفي ماء حاااار..ثم ماجي ومعجون طماطم وملح...
صبيه على ورق العنب..بس لا تكثرين..يادوب يغطي ورق العنب.. وحطي فوقه صحن ..وفوق الصحن اي شي ثقيل .انا احط الطفاية...
ركزوااا .فيه صحن بس شفاف مو باين..ولاني نسيت احط فلفل قرون بالحشوة..حطيته مع المرق..بس بالحشوة افضل كثيييييييييييييير
اضغطييية..واذا صفر الحكم..قصدي القدر<< متاثرة بكاس العالم..هدي اعصابك..قصدي الناااار..واحسبي له نص ساعة بس
واذا خلصتي خليييييييية يبرد (علمي نفسك)..ثم صفية بالصحن ..وسلامتكم
كنت مستعجلة.. مارتبته زين ..اخوي ينتظرني بالسيارة تحت ..اخذته معاي ..رايحة لاخواتي
الله يسلم الايادي يارب
واو ينااسووووووو
يجنن يفتح النفس شكلها جنااااااااااااااااان
مرة حلوة
بالعافيه عليكم