هلا خواتي واشكر كل وحدة اطلعت على ردي لمشكلة همسة شوق

واعترف لكم انا سعودية ومولودة فيها لكن في شي بسيط اختلف عنهم فيه المهم ماعلينا

شنو المنطق اللي الواحد لازم يحجي فيه خلاص هو راح وانتهى الله يوفقه هذا المنطق والعقل يقوله
وانا مثل ماقلت كل شي كان من حظه سفرها وجنسيتها ووووووووووووووالخ

قوة بنات شلونكم؟

المهم عندي تعليق على اسئلتج اختي حياة غربة بالنسبة لمشكلة الاخت همسة شوق.

بالنسبة لسؤالج عن موقف اهلها ورايهم بالولد..
شي طبيعي اهلها راضيين لأنها من من مجتمع فيه نوع من الحرية والانفتاحية بس بحدود وفي شي بينها وبين اهلها اللي هي الديمقراطية فأنا متأكدة ان اهلها موافقين ولو نفترض ان اهلها موراضين بالولد؟؟ليش ماوقفوا البنت عند حدها مو معقولة في اهل مايبون مصلحة بناتهم. صدقيني كل شي هو السبب فيه لاتحاولين انج تبررين موقفه. الا اذا كانوا اهله يبونها لواحد ثاني من عايلتهم هذا شي ثاني بس ما اعتقد لاتنسين انه سعودي ويبونه ووووووو.

اما من ناحية اللي بينها وبينه كم و كم و كم ؟؟
انا اعتقد والله اعلم ان علاقتهم ماكانت مبنية على مبدأ الزواج يمكن مبدأهم كان مبني على صداقة ولا حسبوا حساب
بعدين وش بيصير لهم اذا تعلقوا ببعض هذا مجرد اعتقاد لا اكثر ولا اقل . وصدقيني انا هذي الاشياء بالنسبة لي اشبها بالبيت
كلما كان البيت مبني على اسس وقواعد متينة كلما يطول بعمر البيت ولا ينهدم لكن اذا كانت اسسه وقواعده ضعيفة
فالبيت ياينهدم او انه ينباع لكن ينباع برخيص يعني بخسارة . جذا اشبه العلاقات العاطفية او العلاقة بين جنسين مختلفين.
وصدقيني يمكن اهلها مغترين فيه ماتوقعوا بيغدر فيهم والا بنتهم يحسبون هذا الشي سهل بالسعودية.

اما عن علاقتهم شلون كانت؟؟
بغض النظر عن العلاقة شلون كانت بالفترة الاخيرة او النص او البداية يعني شنو بيغير بالموضوع ماراح يغير شي وحتى لو عرفنا ان العلاقة كانت سيئة بينهم سواء هي المخطئة او هو.. هذا كله يهون عند 4 سنين مرت بينهم هذي عشرة والعشرة ماتهون الا على الظالم.

اما من ناحية اسلوبه ؟؟
صدقي بالله مافي ريال واضح لوتلفين العالم كله ماراح تلقين ريال واضح لويصير جدامج كتاب مفتوح راح يجي يوم من الايام وتكتشفين فيه نقطة غموض .اما اسلوب اللف والدوران هذا شي لازم وانا اعتبره شي فطري عند الرياييل كلهم واذا صار الريال واضح وماعنده لف ودوران هذا تأكدي انه مو طبيعي ابد.
واثبت لج اللف والدوران عند هذا المرغوم على الزواج من السعودية حسب حجته لهمسة شوق..( يوم تحجج بأمه وتالي يوم حس ان البنت عارفة ان اهله راضين فيها على طول سوى يوتيرن ورجع لشغله).
مافي ريال طول وعرض وشاربه بويهه يقول امي اصلاً عيب يقلل من قيمته جدام البنت على الاقل يصير عنده شخصية ويغطي على السالفة جدام البنت بس من حقه لازم يكرهها بنفسه على شان ما تنشب فيه وبعدين تدعي عليه
.ويبدأيحط كل شي جميع الاعذار والحجج ومايهمه يطيح من عينها مايطيح عادي لان خلاص بينهي علاقته وياها وماصارت تهمه بشي.

اما من ناحية العلاقة اللي بين امه وامها؟؟
اكيد عادية لان امه مو غبية تخرب عليها وعلى ولدها اهم شي فهي تخاف من كل شي. اولاً : نظرتها لهم كأجانب وتتوقع اي شي يسوونه فيها او بولدها. وثانياً:سمعتهم اهم شي.
حلت الموضوع بستر واسحبت ولدها بدون شوشرة.

اما انج تسألينها على المغامرات؟؟
وين يغامر ؟ شوفي هذي حطيها بالج: يغامر بالغلط والحرام ايه ولا اسهل منها يمكن لويحصل يدش السجن عادي عنده. لكن انه يغامر بالصح والحلال انسي هذا الشي هو يبي يستقر ويبي يعيش متطمن بحياته شلون يأخذ وحدة مغامر وياها من قبل هويبي يخلص نفسه من المغامرات هالمرة يشتري المغامرة بيده.مينون هو.
وحتى لوبيغامر وبيوقف بويه اهله ماعنده جرأة صدقيني لأنهم عايشين حياتهم كل برسميات وروتين يهد الحيل وحواجز ولا فيه ميانة بينهم مع انهم اهل وعايشين بيت واحد بس ما احد يدري عن الثاني . هذي مشكلة المجتمعات المحافظة كاشخين بالاسم بس(محافظة) شنو اللي حافظوا عليه ابعرف بس.!
وعيب عندهم الحب يوه اذا ذكرتي الحب عندهم على طول يصير تفكيرهم سلبي وصخ من ناحيته.

وين يسافر وليش يسافر؟! لو يبيها صج جان على الاقل قال انا ادبرلج واسطة وادخلج بوحدة من جامعات السعودية ولا اسهل منها ولا يبهذل نفسه بالنقل والغربة.. وايداجانب معانا يداومون بالجامعة بس بدون مكافأة . ولا اسهل منها هذي الطريقة.

لاتحاولين تبررين مواقفه ولا شي يكفي ان اسمه ريال هذي الكلمة تغني عن كل شي.
والريال لويبي الشي يجيبه لوبسطح القمر .

واسفة اذا طولت عليكم واعتذر اذا شديت وقسيت بالكلام.

ماشاء الله اختيـ منهاتن
تتكلمين بلسان الادميه
خليها تجي وعطي بنت الناس فرصه ههههههههه ياهووه

خلاص عرفت الشي الي تختلفين عنا فيه :D

..

.

مرحبا واهلا وسهلا بيكي اختي منهاتن

مرحبا واهلا وسهلا بيكي اختي منهاتن انتي بتخليني اشك فيكي واقول انك انتي همسة شوق لانك بتجاوبي على لسانها والبنت في تفاصيل ماذكرتها هنا وانتي بتقولي انه لف ودار من موضوع امه لموضوع شغله:11:
صراحة ياتتكلموا بكل امانة او تنسوا الموضوع وبلاشي تظلموه من ورا الكواليس واتكلموا هنا قدام الناس واذا ماعندك مانع اختي منهاتن وهمسة اني احصل على ايميلاتكم ولكم شكري الجزيل :23: