مين اتزوجت اكثر من مره واتكرر زواجها ؟ ومين حبيتي اكثر؟

يقولون لا يمكن تنسى الزوجه الزوج الاول مهما كان الزوج الثاني وهذا مثل يقال بالخليج بس ماراح اكتبه لما فيه من الفاظ قد تكون معيبه .وفيه وحده اعرفها تطلقت ظلما وجبروتا من زوج تحبه ولكنه عافها من فعايل اهلها اللي ما على لسانهم الا سيرة الطلاق يعني جب كذا وخذ زوجتك ود كذا اعمل كذا الين تركها وكانت ماتتخيل نفسها مع واحد غيره وبعد ماتزوج هو بكم سنه تزوجت واحد مطلق وعنده عيال بس عند امهم وهي ماكان عنده من الاول عيال وماشاء الله مبسوطين مره كنهم اول مره يتزوجون وهالحين اذا قامت وقعدت تقول ماشفت الحياة الا مع هذا الاخير بس ترى هي بطبعها عشريه وتوالف بسرعه وتلغي كل الحواجز واهم شي ماصارت تبكي على الاول مثل من قبل بالعكس تحمد وتشكر دايما انها تزوجت الثاني وتقول كنت غبيه بغيت ارفض.

عرف وحده عجوزه من قرايبنا تزوجت ثلاثه في حياتها وعيالها رجال ماشالله ولا واحد منهم معدد ولا وحده من بناتها تزوجت اكثر من واحد
بس هي اللي عددت ههههههه الله يوفقهم

اعرف اثنتين تزوجت كل وحدة 3 مرات بسبب وفاة الزوج السابق.
وحدة منهم اعرفها زين وكل ما تجيب سيرة احد ازواجها تدعي له بالخير .رغم انها تزوجت اول مرة وهي فوق الاربعين يعني ما خلفت ، وازواجها كلهم اما ارامل والاخير مطلق زوجته.
اما الثانية ما اعرفها فقط اسمع عنها مع اني اتمنى اشوفها ، زوجها الاول توفى وكان عندها اولاد كبار في الجامعة ، الثاني جلست معه يمكن سنة وتوفى ، والثالث اعزب واصغر منها ، الله يسعدها ولا يخلي احد يحسدها .
الزبدة : الزواج قسمة ونصيب واللي مقدر علينا لازم نشوفه ، لذلك خلي الثقة بالله كبيرة وما بتعرف الوحدة فينا وش المخبأ لها في المستقبل.

يعني الوحده ممكن فوق سن الاربعين تقدر تلاقيلها زوج يحبها وتحبه كمان ماشالله وممكن يكون اعزب كمان ؟ ماشالله تبارك الله
الثانيه تقولين تزوجت واولادها في الجامعه
سبحان الله

اعرف كثييييير
والحياة ماشيه
وكلهم تطلقوا من ازواجهم الا وحده مات زوجها
وكانت بتموت وراه من الحزن وتزوجت واحد ثاني وسبحان الله
ماكنها كانت بتطلع روحها ع الاول
يعني الدنيا لازم تمشي وحنا نسايرها بعد