مين اتسمى ولدها غصب عليها

انا يابنات جلست مدة طويلة متزوجة بدون عيال
والحمدلله ربي اكرمني بعد هالمده الطويلة بحمل
ولااني كنت كثير خايفة على هالحمل تميت طول الحمل مااتحرك نهائي حبست نفسي بالبيت
لين اليوم الموعود رحت المشفى عطوني طلق صناعي وجلست طول اليوم مافيني ولادة مع الطلق الصناعي لين قرروا قيصرية
والحمدلله اللي شفت ولدي فيها

وجو الناس تبارك ومن بارك لنا كالعادة ايش سميتو واحنا لسه مابعد
وصاروا القرايب والناس تزن علينا واحنا لسا مابعد طلعنا من المشفى
ومن كثر مايزنوا علينا اتفقت انا وزوجي على اسم وكانت وقتها الوالده الله يحفظها معنا
وجاها اتصال وفي اثناء الاتصال كان اللي يكلمها يسالها عن الاسم وقالت خلاص بيسموا كذا

هنا عصب زوجي وصار يعاتب الوالدة انو ليش تقولي الاسم انا اللي المفروض احدد خلاص او لا على الاسم
وبعدين طلع من الغرفة وطول ويوم رجع قال خلاص انا سميت وسجلت الاسم في شهادة الميلاد
واختار اسم غير اللي اتفقنا عليه

بصراحة يابنات انا انقهرت مررررره
خير ليش كذا ليش ماسألني
انا مو امه
احس الحق لي اني اوافق او لا

السالفة صار لها ثلاث شهور وكل فتره وفتره اعيد الموضوع عليه

وهو يقول لي خلاص انتي وش تبين اسوي يعني
انا سميت وانتهى الموضوغ

على فكرة هو مسمي على اسم ابوه
وعادي عندي انه يسمي على ابوه
بس اللي قهرني الاسلوب وكيف مااحترم تعبي
وسنين استغفر الله انتظر هاليوم وهو بكل بساطة خرب علي فرحتي

قولي لي ايش اسوي
الاسم طبعاً مااقدر اغيره
لكن كيف انسى

كلما تذكرت الموضوع حسيت كانه سكين تقطع قلبي