مين استخدمت السدر لشعرها ؟!

احطه مع الحنا بس ماوقف التساقط عادي

http://forum.hawaaworld.com/showthread.php?t=3724566

يارب يففيدك

اطيب قلبي الله يسعدك ومشكوره اوي على الموضوع

,,

بنات فينكم ابغا تجارب اكتر *

صديقتي قبل ششوي تكلمني وتقول انه خفف تساقط ششعره بس ماتسويه زي الحناء لانه يتساقط اكثر يصير ثقيل على الششعر

تقوول انها تحط في الخلاط بصله ونص كاس مويه بعدين تششخله وتحط معاه ملعقه سدر او ملقعه ونص ويصير لك خفييف مرره مو ثقيل وتحطه ساعه
ان شاء الله يفييدك

انا بنت خالتي حطّت و وقف التساقط عندها وطلع لها لمعهه
وحطيتهه و ما حسيت شيء تغير ،/

حبيبتي فوائد السدر عظيمة منها تغزر الشعر، ويطول الشعر، وينبت الشعر،، ويوقف التساقط.. وله عدة طرق في استخدامه والنتيجة وحدة، لكن إذا شفتي ما فادك في أي حال من احوال مشكلة شعرك، فالعيب فيك مهو في السدر، في فروة رأسك أو مشكلة في داخل جسمك من نقص بعض الفتامينات عليك تراجعي الطبيب ، أنا لي من سنتين استخدمه بشكل دائم مع كل استحمام بغرض التكثيف أخلطه مع شوية شامبو وأدعك به الشعر ثم أشطفه واغسله مرة ثانية بشامبو لحاله عشين يتنظف من الرواسب وماشاء الله يعطي نتيجة، وهذا على كل استحمام، أولما أجي اسوي ماسك قبل الاستحمام لكن مو كل ترويشة يكفي مرتين ثلاث في الشهر، احطه قبل الاستحمام بساعتين ثلاث إما اخلطه مع بيض+ زبادي+ اي زيت اللي بتسخدميه او افضل احط الزيت اول على شعري بعدين احط الخلطة.. او اخلطه مع زبادي + خميرة+ حلبة مطحونة.. أو اخلطه مع بيض فقط.... وعلى كدا اخترعي من عندك خلطات مفيدة للشعر.. وشوفي فوائد كل اللي ذكرت في النت لأني مافي أشرحلك خخخخخخ لا والله من عيوني اشرحلك بس كدا رح اطول فلأفضل راجعي النت ابحثي عن فوائدها..
طيب نيجي الحين لمشكلتك اللي هو التساقط وما أدراكي ما التساقط كل صغير وكبير يعاني منه، أنا اللي كنت ما اعاني من التساقط أبدا بل كنت استغرب من بعض الناس اسمعهم يشتكون ، صرت اللحين وحدة منهم أعااااااني منها حتى أصلعت من قدام وكل همي الشاغل أدور على حلول سواء طبيية أو طبيعية.. وبحكم خبرتي في تجارب الخلطات وكيفية الاعتناء بالشعر،وأخذت خلفية كافية ، اخترعت قبل يومين طريقة لمنع التساقط الشعر عبارة عن برنامج ، قلت رح أجرب أنا أول وإذا فادني وجاب نتيجة رح أنزلها بالمنتدى للاستفادة من أجل عيونكم.. بدأت بأول خطوة وماااااااااشاء الله جابت نتيجة من أول مرة ماشفت تساقط في شعري الا بس شعرتين ثلاث يعني حاجة طبعية مهو زي أول كنت أسحب بيدي تنزل عشرااااات الشعر تفجع شكلها وهي بإيدي كأني قصيته وحطيته بإيدي وغير لما كنت أمشط تزل ورا بعض، بس بعد هذه الخلطة الحمدلله مانزلت بعد الغسيل الا اثنين ثلاث وحتى وانا امشط الحمدلله ولا شعرة..
الحين باقي لي الخطوة الثانية اليوم بإذن الله رح أبدأ فيها وأشوف نتيجتها وشولون حتكون وأنا أتوقع حتكون حلوة بإذن الله تعالى لأنها معززة بالفيتامينات اللي يحتاجها فروة الشعر لتغذيتها وعدم تساقطها وتطويلها..
وإن شاء الله بعد ما أجرب هذا البرنامج رح أنزله في المنتدى ورح أدخل أيضا هنا عندك أكتبها لك.. بس اصبري علي يوم يومين.. وادخلي كل شوي سوي رفع لموضوعك حتى لا تضعين مني