من تقول أن ممكن تتأقلمين مع أسمك وتحبينه ؟ هذا مستحيل ( في نظري على الأقل)...
كنت متعقدة من أسمي من أنا صغيرة , حتى لما كنت في الأبتدائية ماكان لي صديقات من بنات بلدي, كانوا ينظرون لي وفي عيونهم الظحك تبان لما كانت تقومني المعلمه وتناديني بأسمي.
معلماتي في الأبتدائية كانوا يحسسون بأنه عادي.
ومعلماتي في المتوسطة كانوا يشجعوني أني أحب أسمي ووحدة منهم جزاه الله كل خير دورت في القواميس عن معناه وقالتي أسمك معناه جميل ولازم تتفتخري به وكانو الشعراء في العصر الجاهلي يذكرونه في قصائدهم.
بس أبداً ما حبيته ...
لما دخلت الجامعه حاولت أتأقلم ..حاولت أحبه وكنت أقول شخصيتي هي إللي بتحليه وبالإضافة إلى أنه غريب أنا مميزة .....
بسسسسس..
الصراحه أكتشفت أني أظحك على نفسي بهذا الشكل
وما قدرة أقاوم سخرية الناس من الأسم وين ما أروح
وحتى أهل زوجي خبروني أنهم ينحرجون لما أحد من جاراتهن يسأل عن أسمي حتى لما جبت ولدي الكبير ما أفتكيت منه ما زالوا ينادوني به.
ومصيبة هذا الإسم أنه بسهولة ممكن يصير بمعنى ثاني لما ينطق الإسم بشكل مختلف وكنت أنحرج مرررررررة
وإحراج الأكبر في المستشفيات والدوائر الحكومية والمطارات .
آخر مرة سافرت أنكتب أسمي على التذاكر بطريقة الله لايوريكم قررت بعدها أغيره للأبد على الأقل قدام الأغراب إللي ما يعرفون وخليت التذاكر حجتي عند أهلي وطبعاً ما حد درى من الناس إللي يعرفوني لأني عارفة أني بصير علك بحلوقهم وسالفة جديدة في مجالس الحريم الفاضيات . بس ما أفكر إلا بي لما أتوظف وينادون طالباتي بيه وزميلاتي وووغيرهم
وساعدني في هذا أن في منطقه بعيده
والمهم غيرته والحمد الله يارب الحمد الله . حسيت أحساس أخر عمري ما حسيت لما ينادون الناس اسم روعه جميل
ومرة من المرات قالتي وحدة تعرفت عليها( عاشت الأسامي أسمك مرة حلو ) سبحان الله أرتحت من كلمة( أش هالأسم الغريب أش معناه) بسخرية طبعاً
وترى إللى تبي تغير أسمها ماعليها من أحد أهم شئ راحتها والعمر بعد ما له تأثير أنا غيرت أسمي وعمري أكثر من 25 سنه.

أرتحت من الإسم القعده وعقبال عند إللي تبي تغير .:27:

طيب وش رايكم بأسم مضاوي؟؟ زوجي يبي يسمي بنتنا على اسم جدته .... بس انا ماني متحمسه للأسم... حرام اسم الام اسم جديد والبنت اسم قديم... ولا وشرايكم؟

انا بعد مثلكم بس مشكاتي اعظم:19:


ان اسمي على جداتي الثنتين


وفي البدايه اتعقدت لان امي كانت تقنعني انها تنادني باسم ثاني


وما كنت ارضى



لانها كانت تكره وحده باسمي(مووووووووو حماتها )



بعدين حاولت اني اتقبله



حاولت اقنع نفسي فيه



دورت على معناه!



واكتشفت انه حلو(على الاقل حلو لشخصيتي)



اسم يتسمى للخيل الحر



اظن اني لودورت في جيلي لاسم يوازيه اظني مالقيت بمعناه



(ملاحظه: انا السابعه واصغر خواني كلههههم):17: :17:

انا اسمي لمن كنت صغيرة كنت اقول
اسم قديم ومو حلو وكل الناس مسمين ها الاسم
وكل يوم اتحلم باسم
بس لمن كبرت احس مافي اسم احلى منه
لو المح شوي بتعرفونه
مميزاته عجيبة ...........واللي اسمي على اسمها احبها وايد واتمنى اني التقي فيها بالجنة

==========
لو تعرفون بعد الاسباب اللي سموني بها الاسم
انا واخواني
=============
لاني لو ذكرت الاسباب يمكن صير حساسية بيني وبين بعض العضوات
اسكت احسن

والسمووووووووووحة

:11:
فتحتي جروح قديمه...
والله انا من يومي وانا اكره اسمي...وما يموتني قهر الا اذا قالو على اسم جدتك الي ما شفتها وميت قبل ما انولد بمليون سنه...واخواتي كلهم اسماهم حلويين مو مودرن مره بس حلوييييين
وانا الي جت براسي وكل م اتذكر ان ابوي سماني اسم حلو وبعدين تدخل واحد وغيره , يعني لعيونه قهروني طول عمري...والصراحه من كنت في الابتدائي و انا احن على اهلي غيروا اسمي بس كانوا مقتنعين انو اسم حلو وانا بس اكبر بحب الاسم لكن لاااااااااا انا اتعقدت ... ولما دخلت الجامعه قالت امي خلص انتي حره بس ابوي كان راسه بالارض (يعني مو راضي) وانا صرت كبيره فقلت خلص ما راح غير لكن انا باشتكيكم على حقوق الانسان...وصارت سالفه عند امي تضحك عليها العالم وكل من قال ابسمي ..... قالت لااااااااا ترى بتشتكيكم مثل بنتنا!!!
وكثر ماتقول الناس والله اسم حلو ... ولو بنسمي بناتنا بيطلعون مثلك ما اتقبل الكلام واحسهم كذابييييين خصوصا اذا اسما ئهم حلوه...وانا لايمكن اسمي بنتي اسم لمجرد انو اسم جدتها حتى لو وصل الطلاق....لاني دايم اعتب علي امي لما اقول ليش ما اعترضتي وتقول عادي!!! عالاقل انا باقول لبنتي اعترضت واطلقت علشانك...
soooooooorry
كلامي كثير بس الموضوع مره حساس:06: