الله يشفي أبوك شفاءا لايغادر سقما

أنا لي سنين طويله متزوجه وماحملت أبدا
وعلاقتي بالأطفال مش ولابد....يعني ما أهتم فيهم

الطفل الوحيد اللي تعلقت فيه وحبيته من قلبي وكان يبيت عندي أيام وليالي
هو ولد أختي
ما أدري كيف أوصف لك حالته....يقولون معاق
لكن إعاقته مو مثل اللي نعرفه
هو يتصرف أصغر من عمره...فهمتي
وصل عمره 4 سنين وشهرين وهو مابعد مشى ولا حتى حبى...ولا يتكلم
بس يناغي أو يتكلم بكلام وعبارات غير مفهومة لما يلعب
تأخر في جلوسه... وصار يجلس من نفسه ... ومن صغره وهو يقدر يتقلب ويتدحرج
وصار يزحف على بطنه لما يبغى شيء
وصار يحاول إنه يرفع نفسه على شان يستند على أي حاجه

بمعنى أخر يسوي نفس تصرفات الأطفال في نموهم...لكن هو أبطأ بالمقارنه بهم
قالوا إن عنده ضمور بسييييييييييط جدا بالمخ...ومصيره بيوم من الأيام يمشي
كان حبوب ومرح..ماشاء الله عليه

أختي كانت تدرس بالجامعه
وبعدين صارت حامل وولدت بنت
وفي مرحلة دراستها وحملها وولادتها... كان ولدها يتنوم بالمستشفى لأنه يجيه حالات إلتهاب رئوي وربو وما إلى ذلك
فأتنوم أنا معه بعض المرات لظروف أختي السابقة

كنت دايما أدعي له إن ربي يشفيه ويخليني أشوفه يمشي
حبيته من كل قلبي

لكن ربي ...سبحانه وتعالى
كانت رحمته أوسع من كل شيء
سبحانه يعلم مافي الغيب
إختار إن يأخذه لجواره
في حادث سيارة قبل سنه وشهرين من كتابة هالرد
كانوا أهله جايين من الرياض على طريق الدمام من موعده بالمستشفى الملك فيصل التخصصي لمعرفة سبب حالته ولعلاجه
فصار عليهم الحادث... وتوفى فورا

يارب صبرني وأجبر خاطري
والحمد لله رب العالمين
ربي عوضني وأنا ألحين حامل بعد 14 سنة...وقبل ماتمر سنة على وفاة ولد أختي
الحمد لله

دائما تذكري يا أختي إن الخيرة فيما إختاره الله
شوفي كيف الأقدار.... كنت متوقعه إن ولد أختي يتوفى بسبب مرض من اللي كان يتنوم عليها
وتوفى بحادث...

واجدين غالين عليهم ومريضين
لكن وش بيد إبن آدم غير الدعاء

تصدقين ... واحد من جماعتنا من بعيد شاب بمقتبل العمر ...هو أصغر أخوانه
صار عليه حادث من إسبوعين تقريبا
وألحين بين الحياة والموت في غيبوبة... عايش على الأجهزة ونسبة حياته 5% فقط....تخيلي
حتى إن عظام الجمجمة من فوق قاصها المستشفى وحافظينها بالتبريد...على شان يخففون من الضغط على الدماغ
يعني دماغه مكشوف ومغطينه بماده
تصوري كيف حال أمه وأبوه وأهله
يارب أشفيه وصبر أهله

صدق إن الدنيا دار إبتلاء وإمتحان ونحن فيها زي المسافرين....يارب رحمتك يارب رحمتك

صدى القمري
ماشائالله عليك كلامك مثل البلسم على القلب
الله يوفقك على كثر ماخففتي عليك
صح كلامك الخيره فيما اختاره الله

الله يوفقك ويحفظ لك ذريتك

الله يشفي ابوك ويعافيه ويخليه لكم
تصددددقي عنه وأدعيله
اسأل الله ان يشفي مرضانا ومرضى المسلمين
صدى القمري الله يثبت حملك ويرزقك الذريه الصالحه
ويجعل ولد اختك شفيع لهم ياااارب
ويشفي قريبكم ويخليه لأهله ومرضانااا ومرضى المسلمين
ويجعل ماأصابهم تكفيراً لهم

الله يشفيه يارب امين ولايحرمكم منه يارب يارب امين

الله يعينك ويصبرك انااختي الله يرحمهامرضت اسبوع واحدبس
وماتت وماكنت اتوقع 1%انهابتموت اكن الحمدلله