مين الحلوة اللي تعطينا أفكار للضيافة

اتوقع ينقلون موضوعك لاطباق حوا

ودمتي بحب انا عن نفسي احوووس زيك

فعلا الضيافة تعبرعن ذوووق صاحبه البيت بالنسبه لي ..

مرات اذاجوووني ضيوووف مثلا اقدم التمر في صندووووق ويكون محشي

ومرات اسوووي معمووول واحطة بفازات مرررحلوووو شكلهااا

امممم

ومرات اقدم قهوة المااااااارس ومعاها قطعة حلو او فهوة تركي ومعاها قطعة شوكولاتة

وبس واذا تذكرت شئ رجعت

يسعدني اكون اول من يرد اول شي لازم تكون ريحت البيت حلوه يعني مو ريحة طبخ بعدين الاضاءه لازوم شغاله يعني ماتتريكي شي مظلم وتكوني مجهزه الطاوله بالمجلس (مفرش .تحف.شموع .صحن كاتوه .تمر بطريقه جديد. الحلى. ترمس القهوه والشاي .السكر ويكون مغلف وحلو .)بس موتقديمنهم على طول ...انتظري ليت تجيبين العصير وافضل يكون مسويته بالبيت وفيه زي المربعات المسطحه حلوه اشكالها (مدري وش اسمها )لما يخلصون من العصير صبي القهوه ..........بعدين وقت الشاي جهزي سفره ثانيه وحطي بوفيه (صحون مناديل ملاعق شوك فطاير .معجنات .ورق عنب .ورق ملفوف .صينيه من طبخك .بيتزا واللي تبين )واذا كان عشاء حطي بوفيه لحاله والحلى لحاله وجيبي نافورة الشوكلاته والعصير يطلع شكلها جنان وبعد فيه الاكواب المضيئه والمكعبات المضيئه تخلي عزومتك شي ................

شوفي اذا كانوا جايينك عصريه يعني مافيه ماائده غدا او عشاء..

اول شي قدمي لهم القهوه..إذا عندك انواع حلا كثيره .. ممكن تقطعيها وتحطيها بورق تقديم وتصفيه بالصينيه وتوزعيه والتمر يكون بصحون صغيره أفضل من التوزيع اذا كانوا المجموعه مو كثيره مره ..
اما إذا عندك نوعين حلا ومافي صواني شاريتها من برا تبي تقدميها زي الشكولا والبقلاوه...أنا افضل انك تحطي الحلا بصحن لكل وحده حتى لو نوعين حطيهم مع بعض بالصحن قطع كبيره مع شوكه او ملعقه..

وإذا عندك مجموعه كبيره من الناس انا شفت وحده مسويه حركه مررررررره حلوه ومريحه..حاطه بكل طاوله ترمس قهوه حجمه صغير
وخلاص الوحده تصب لنفسها إذا ماكنتي جايبه صبابه وانتي في استراحه او جمعه كبيره وتمونين عليهم...

بعد كذا الشاهي...وتقدمي معاه الفطاير...وحلو الورق عنب والكبه الصغاااار اللي زي بسنابل السلام مع الشاهي خاصه اذا عندك صينيه حلوه تصفيها فيهم
وإذا الجلسه جلسه سواليف ووناسه لا تنسي الفصفص والمكسرات... وحلو لو تقدميه بصحن المقسم الكرستال مريح للتقديم وتحطي عند كل مجموعه صحن وخلاص

وعادي العصيرات والكيك ممكن تقدميها آخر شي طبعا الأفضل تكوني حاطه لكل وحده صحن وهي تاخذه من الصينيه مو تحطي الكيكه او التحليه وتقطعيها قدامهم احس كذا بتنحاسين..إلا اذا كان الشكل حلوووو وتحسيه بيخرب اذا قطعتيه..

وفيه ناس يحطوا فواكه مع العصير والحلا...

وبالنسبه اذا كان فيه عشا .. طبعا ينحذف العصير والحلا.. وانا افضل العشا يكون بوفيه ارتب بكثييييير حتى لو فيه ذبايح عادي حطي الرز واللحم على السفره والاكلات الباقيه صفيها كبوفيه

هذا كل اللي عندي واشوفه الأفضل ... دعواتكم ..

اهتمي بنوعيه الطرح والكلام اللي في المجلس ( حدث العصر- فائده دينيه- فائده منزليه- تناقش في مشكله اجتماعيه عامه-مواقف طريفه-الخ) المهم ان لايكون جو صامت او كلام يورث في النفس الضغائن
اهتمي بالترحيب والتعبير عن مدى فرحتك بقدومهم وانتقي لذلك احسن العبارات
امتدحي اشكالهم لبسهم صفاتهم مواقف حسنه تذكرينهاا لهم

الاكل والشرب اشياء ثانويه المهم فيها النظافه والترتيب وحسن الطعم والتقديم ببشاشه