دخلي ولدك السنة الجاية اولى
شفتيه مشي ويحفظ ويقرا كان بها
شفتيه تعبك ومايقدر هالحفظ والفهم
خليه يعيد اولى ايش المشكلة
ولاتفكري في الناس وايش يقولو ولدها عاد اولى
شوفي الشي اللي في مصلحة ولدك وبس

مواليد 1430شهر 5
طيب عيالكم في اولى ابتدائي لما يجي يدخلوها مطالبين بتشبيك الحروف يعني التهجئة والقراءة لانو سمعت في املاء واختبارات صح انه املاء يمكن كلمتين وكدا بس بالنسبة لولدي ابسط الامور تحدي بالنسبة لوو

حبيبتي سجلت دخول عشان موضوعك ... ابيك تركزين في شي واحد .. ولدك وبس .. قال فلان وعلان ولده كبر ولدي وفلانه ولدها دخلته بدري هذي امسحيها من راسك ... تقبلي ولدك مثل ما هو .. لا تستعجلين عليه .. اهم شي ركزي على حفظ القران هو اللي يرفع من تركيزه وقوة حفظه ولغته ... خليه يدرس تمهيدي وياخذ راحته على ايش مستعجله !! .. انا ولدي اخرته سنه وهو ما عنده مشكله .. بس خليته يتاسس على راحته عشان لا اتعب ولا اتعبه .. والافضل اذا عندك القدره تشوفين له مدرسه خاصه اعدادهم قليله في الفصل عشان المعلمه تقدر تركز  عليه 

دخليه و لا تخلينه يتأخر عن اللي في عمره الطفل تتطور مداركه بالاختلاط بالاطفال و مجتمع المدرسة
اما المقارنات شلون بيقارنون اذا انتي ما خبرتيهم بعلاماته و ادائه؟؟

هو لو ما دخلته الابتدائي راح ادخله تمهيدي
الحل الوسط انو لو فتح التسجيل في نور  اسجله و من هنا لشوال لو ماقدر يحفظ السور وما عرف كيف يتهجأ الكلمات راح اخليه يكمل تمهيدي انا ليش مهتمة كمان عشان نفسيته يعني لو دخلته ابتدائي وهو مو مستعد راح يحس بالفرق والنقص وبالتالي تضعف ثقته بنفسه لاني الاحظ عليه لو ما عرف يسوي الشي يزعل ويتمسكن ويقول انا ما اعرف وكدا عشان اطبطب عليه واقولو انت بطل وتعرف بس حاول يعني يحس ويعرف
دحين علمته الحروف راح ابدأ معاه الحركات واحرف المد  واصوات الحروف مو اسمائها وتدريب شوية شوية عالتهجئة دعواتكم