مين الصح زوجي الطيب الحنون ولا انا الانسانه العصبية

السلام عليكم بنات جمعه مباركة علينا وعليكم
مشكلتي يابنات زوجي طيب وحبوب ويحبني وهو افضل مني
بالتعامل ويطول باله علي ومو راعي حريم ولاجوالات ولاعنده اصدقاء
دايم بالبيت ويقول انتم اصدقائي يحن علي كأني اخته ويفضلني على نفسه
وعلى بناته هذي مميزاته اما عيوبه لازم ينكد علي فرحتي
بدون قصد منه بس وربي خلاص مليت عندي بنتين هو اللي سماهم
يقول اسماء دينيه وفضلت اسمائهم حصرة بقلبي ابغى افرح واسمي
بس هو يدخل بابسط تفاصيل حياتي بحكم قربه مرة مني ولانه حنون
مرة ورحوم بس الشي اللي يزيد عن حده ينقلب ضده الحين انا حامل
رحت لاكثر من طبيبه تقول معك ولد انا من يوم كنت صغيرة ينادولي
اهلي ام خالد على اسم ابوي وحتى زوجي قبل زواجه ينادوه ابو خالد
وسنين مضت وحنا على اساس اذا ربي رزقنا بولد حنسميه خالد
اول شي سواه زوجي قال بسمي محمد مع انه مو اسم ابوه بس كدة
يقول ماعمري شفت خالد راعي دين مع انه علاقته باهلي ممتازة ويحب
ابوي ويحترمه انقهرت منه مرة مايكفي البنات بس مشيتها بعدين طلع
بحاجه ثانية ماتجهزي لولد خلي تجهيزك محايد لانه مايجوز تجهزي لولد او
اجليها لبعد الولادة ممنوع الملابس يكون عليها صور وممنوع اللون الازرق
المهم اخر فصوله معي امس قهرني رحت شفت سرير
للبيبي عجبني مرة وتعلق قلبي فيه تفاجئت بالعامل يقول هذا كويس امريكي
وزوجي يقول ولا ما اشتري امريكي شوفي واحد ثاني لو تبي اسفرك تدوري
لين يعجبك واحد اما هذا انسي اخ ياربي انقهرت هو يدري انه بيكون اخر
ولد لنا ماخلاني افرح فيه كل شي هو يتحكم فيه الاسم اللبس التربية
مليت شوروا علي يابنات يكفي الاسم رضخت وسكتت
رجاء لحد يجرح بالكلام ترا والله الوحده ماتكتب موضوع هنا الا من قهرها
لاتجي وحده تزيد علي يعلم ربي اللي فيني يكفيني