مين الغلطان !

انا ترددت اكتب المشكلة لان توقعت كل شيء راح ينصلح و تعود المياة لمجاريها
اكتب لكم و الضيقة متعتبتني و نفسي ابكي لين اقول بس
انا قلت لكم قبل بموضوع ان اخواني ما يودوني السوق و امي ما تبغاني أقضي ملابس كثير
و سكت و كتمت بصدري
اللي صار ان واحد من اخواني وداني كم مره و زوجته خربت علي و ماصار يوديني
الحين بذكر المشكلة
اختي عمرها 27 ماتبغى تتزوج و دايم بمشاكل مع
اختي ماتزوجت عمرها 26 و اختي متزوجة 25 عمرها
وانا واختي اختي اصغر مني بسنة بس مشاكلنا معها اخف
اللي صار جات اختي المتزوجة و اخوي نزلنا السوق و انا واحنا انقسمنا نصفين
اختي المتزوجة و الثانية وانا كان ودي معهم بس عشان لا اجرح الباقيات
وانا مع اختنا الكبيرة و اختي اللي اصغر مني
المهم اختي الكبيرة تدخلني محلات ما ابغاها وتقول اشتري واذ دخلت محل عجبني تقول لا تشترين خلاص خلاص و طفشت و انكتمت و قلت انا يالله اجي السوق و تجين انتي ماعاد بقي وقت
و عصبنا لان دايم نتهاوش حتى لو بالسوق !!!!!
و خليتهم ورحت مع خواتي الثانيات
طبعا احنا بيتنا مافيه الا غرفة نوم وحدة و ضيقة علينا و انا تنازلت لها عن مكاني اذ رحت و لمن رجعنا اخذت ملابسي اللي بمكاني اللي تنازلت عنه و رمتها بعيد
قلت طيب هذا جزاتي !!! لو وحدة غيري ما شالت سريرها و اذ جات زيارة نامت عليه !!!! و تحملت فرشت لي بالأرض عشان أوسع عليكم
المهم انا تنازلت و راضيتها بس مازالت مع مشاكل مع الباقيات بدون سبب
الحين اقولكم عن مشكلتي مع اختي الصغيرة
انا ما قصرت عليها بشيء حتى ملابس داخلية اشتري لها اذ طلبتني و كريمات اشتري لها بمهري لان مادية البيت صفر
وعمر ماصارت مشكلة الا نتراضا على طول لان مابينا عمر طويل جات بعدي على طول
تخيلو اش سوت فيني !
اخوي بعد ما قلبت زوجته راسة علي
قلت لامي و اختي المتزوجة نروح السوق قالت اختي لا بعيد. وراح نرجع متاخر وننفضخ
قلت طيب نروح بالتكسي الصيدلية ومحل قريب هنا ناخذ مم غرض ( لاحظو مارحنا السوق مع ان كان ودي )
المهم اختي الصغيرة سمعتني و انا اتعذر من اختي الكبيرة واقول لاتروحين احنا بنسوي نفسنا رحنا المستشفى اذ رحنا بتكسي كثير بيعرفون و سمحت لي انا و اختي و امي نروح
جات اختي الصغيرة قالت بروح غصبن عنكم و تشيش خواتي خلينا نركب ماعليك قلت خلاص روحو و انا بجلس و اهي كذابة كانت جالسة و ماتحركت و تقلب عيونها علي ؟؟
قلت خلاص انا اللي بروح لاني المحتاجة اكثر
طبعا هي مخلصة اغراض العيد بس تبغى ترجع وانا باقي تجهيز زواجي ولا قدرت
قالت اختي اذ تبغين اغراض و صيهم ناظرتني باستحقار و قالت ذوقها خايس!!!!
و سكت و قلت طيب
ولمن رجعت اخذت اغراضي و صورتها سناب
سكت ماقلت لها شيء ابد ابد
اليوم الثاني لقيتها معصبة
و تسحب اخوي الصغير مع رجلة تبغاه يطلع من المكان اللي هي فيه و هو رفض عاد انا عصبت و قلت خير انتي و تعال وجلسته جمبي وقَعَدت قدامها عناد
جات ضربتني ضرب علي أيدي و قلت يارب اجر
جات ضربتني مره ثانية و انا اختها الكبيرة قلت يا قلبي والله اني ماسكة نفسي و عساه اجر
جات كتفتني مع أيدي و ما استحملت قمت رفستها برجلي و جات سحبت شعري و سحبت شعرها و هرب اخوي قلت الحين يوم انظريت عشانك تهرب !!!
( انا نادمة اني ما اخذت اخوي و هديت ورحنا بعيد عنها بس شسوي هي حركاتها كذا دايم
طبعا البيت كلها نفسيته معدوووومة وانا اولهم و اهي الوحيدة اللي راحت المستشفى النفسي و أعطوها علاج و مدلعة من الجميع و تاخذ اللي تبغاه
مافيها شيء بس اكتئاب و حتى العلاج لو رحت انا أعطوني اكثر منه عشان تكونون بالصورة مافيها شيء
حتى امي ما سلمت منها خربت البيت عشان السوق اش اقول انا طيب
وو حمقتني و قلت لها انتي مكانك اصلا بمستشفى النقسيات
بعد ماضربتني تواجهنا وقامت تحطم فيني قالت روحي شوفي وجهك و تضحك علي هي عارفة ان انا ماعندي ثقة بنفسي و تبغى تشككني بنفسي
انا ندمت و قلت اذ رضت و تسامحنا بعتذر منه و رحت صليت و دعيت لها مع انها ضربتني و سكت لها و رجعت علي و انا ارتب اغراضي و دفت اغراضي برجلها و سكت و رحت شلت ولد اخوي وراحت ضربتني من ورايا و سكت لان اللي صار فوق انا ندمت عليه مهما كان هذي اختي
ودعيت ربي يصلح حال البيت لانه معفوس
بس هي ما سكتت ولا اعتذرت في ليله 27 رمضان راحت فضحتنا عند اخواني ان حنا رحنا بتكسي بس امي كذبتها و هدو
و سمعت امي تقول حسبي الله رددت وراها
قالت تدعي علي تقول الله يخرب فرحتك الله يخرب فرحتك قصدها زواجي
و جات واخوي عاد شكاك قالت لي الله لا يحللك اذ رحتي السوق و كذبتيني قلت انا بروح غصب عنكم كلكم اذ بغيت كفاية محتاجة ولا واحد منهم وقف جمبي
اليوم اللي بعده كان عليها دور المواعين ورفضت تغسلهم و رحت غسلتهم عنها و طبخت عنها لان مابغى امي تغسل عنها و اهي بس ماسكة الجوال و تصور
سكتنا يوم 29 رحت عندها و قلت تبغين هذا الشيء ترا حطيته هنا اذ تبغيه اخذية
جات ليلة العيد كلمتني و قال ابغى الشيء قلت خلص امس قلت لك خذيه و فرحت من كل قلبي انها كلمتني
جاء اخوي و قال كلميها و قولي اش تبغى من هناك انتهزت الفرصة و قلت لها اخوي يقول اش تبغين قالت كذا و كذا و كذا و طولتها معها و هي قصيرة عشان يطيح الحطب
وجاب اخوي اغراض و عصبت و رحت انا قلت ما علية سوية كذا و كذا قالت اسمعي انتي مالك دخل
ولا أبغاك تكلميني سمعتي !!!!!
حتى تنظيف البيت ماساعدتنا فيه و تاكل و ترمي المواعين
انا بعد ماخلصت تنظيف اتهلكت رحت طبخت و شقتها تتهاوش مع امي قلت يا بنت الخلال قصري صوتك الأعداء وهم أعداء ليلة العيد يتراضون و قامت تكلمت علي و ضحكت على شكلي و سكت ورحت
و جات تاكل من الاكل اللي سويته الحريم قلت ياسلام انا اللي اجيب الاغراض و انظف و اطبخ وانتي بس تأكلين وترمين مواعينك قالت ههههههههه و ليش اغسل و عندي كم خدامة ؟؟؟ تقصدنا انا و خواتي
المهم قلت شوفي في ليلة العيد مثل ما نكدتي علي و كسرتي فرحتي في ليلة حلوة ان شاء الله تذوقي نفس الكلمة
اللي صار الصبح احتاجت استشوار اختي و هي متهاوشة معانا كلنا و حتى امي قالت لامي تقول لاختي تعطيها قالت اختي لين تتأسف قالت اختي هذا تخسين لو تموتين و رافعة خشمها
قالت اجل احترمي نفسك و ابعدي لقيتها تتكلم مع امي و تقول قوليلهم
مريت عندها و قلت سبحان الله شفتي كيف الانسان كيف يتكبر و يتكبر و بالنهاية يحتاج انتي طلبتي من غريبة( قصدي صديقتها) و تحسبنها اهانة لمن تصالحين خواتك و تاخذين منهم اللي تبغين ؟
قالت انقلعي قلت اية ابكي مثل ما بكيتيني قامت ضربتني صباح العيد و عدى
رحتا صحون الحريم جات قالت ارفعي هذا ومدت رجلها علي و قالت شيلية قلت عشان الحركة هذي ما راح اشيلة قالت شيلية يلااااا تبغى تصور و رافعة خشمها و سكرت الصحن و شلته ومدت الجوال على وجهي و انا معصبة وتصورني و تدخل الجوال بوجهي و تضحك!! ليش عشان رفضت اخدمها المدلعة !!! انا ماحب احد يصوروني و انقهرت منها ورحت تفلت جهتها بنات انا انقهرت تتلفظ علي و تقهرني و تحسبني خدامة و اذ رفضت تقول تضحك علي و تكسر مجاديفي
حتى صباح العيد بكيت بسبتها
و عايدنا انا واخواني اختي الكبيرة و الصغيرة متزاعين معنا و مع الباقيات ومع بعضهم بس العلاقة معي انا واختي المتزوجة و الثانية اللي اصغر من الكبيرة
انا اشتغلت برمضان اكثر وحدة مع ان وراي زواجي و زواجي 10 العيد و متحملة غثاء اخواني و متوتره نفسيتي و ثقتي عدم عدم عدم عدم عدم و غير ان اغراضي ما خلصتها الا الان و مع ذلك للان اشتغل ولا ارتحت و لا ريحوني
ساعدوني كيف اكون اقوى انا اللقمة مو قادرة تمر مع البلعوم من الخوف و التوتر و الضيقة
ودي أتصالح معها خربت علي العيد وبكتني مابي زواجي يجي و احنا متزاعلين
لا تقولون كلميها كلمتها و فشلتني لمحت لها مافاد
ودي امسك نفسي اذ زعلت انا ما كنت كذا صرت اتنرفز بسرعة و ابكي بسرعة
ما احد قدر ان وراي زواج و مهمومه
صحيح اختي المتزوجة و الثانية وقوف جمبي بس ما تكمل فرحتي الا اذ تصافينا لو يوم الزواج عالاقل !
على فكرة اختي الصغيرة مافيها شيء ابد هي اللي بنفسها راحت المستشفى و الا انا و اخواتي الكبار عانينا اكثر منهار نفسيتنا اردى منها