عندي مشكله مدري انا الغلطانه والا زوجي والا ابو زوجي !!!
المشكله >>
الحمدلله شرينا فيلا صغيره على قدنا عن طريق قرض البنك العقاري
وربي فرجها علينا عقب ضيق سنوات في شقه ما تدخلها الشمس
وبناتي ما يلقون مكان يلعبون فيه
واثاثها مو حلو لانه ذوق اهل زوجي يومني عروس
الآن بدينا انا وزوجي نأثث وزوجي عارف ذوقي حلو وناعم سلمني الخيط والمخيط
وقال اثثي واختاري على كيفك اللهم حطي في بالك الميزانيه لاتندمر .. قلت اوكي
وهو جامع مبلغ بسيط وانا عندي مبلغ بسيط بالبنك هو كل ما املك صرفته
على التأثيث عشان هالبيت بيت الحلم
المهم ................ أبو زوجي واهل زوجي بصفه عامه
يبون يتدخلون في كل شي ...
يبون البيت على ذوقهم
لما فصلت المطبخ وحطيت لونه احمر !! انهبلوا...
لما شريت طقم كنب قالوا غالي و لونه مخيس وع ليش وردي!!
ووووالخ كل شي ينتقدونه يبون كل شي على كيفهم وذوقهم ... سكتت وقلت بكيفهم
اخر شي بنركب مغاسل المدخل للصاله ومغاسل مدخل المجلس الرجال
رحنا ندور ونشوف ...........
اخرتها قال عم زوجي هذي هديه مني اختارو اللي تبون وانا بدفع قيمتها!!
وقال روحو لمحل فلاني سبق تعاملت معه شوفو وش يناسبكم
رحنا وما عجبني موديلاتها قديمه
حتى ابو زوجي (( قال مو حلوة ))... عقبها راح زوجي وشاف
محل تحفه المغاسل فيه ابداع
وسيده اتصل على ابوه قال لقيت وحلوة وووالخ قال كويس اجل ود زوجتك تشوفها
رحنا شفناها وعجبتني
قام ابو زوجي راح يشوفها اتصل قال مو حلوة بايخه !!
وراح لمحل ثاني احنا اصلاً ما نبي هالمحل
وجاب الكتالوج وقال يله اختارو من المحل هذا بالغصب!!
قال زوجي هذا المحل مو حلو وموديلها زي مغاسل المراكز التجاريه
قام زعل وعصب وقام يصارخ وووالخ
ويا نحط اللي هو يبي والا بزعل !! وبصراحه انا ما ابي اتعب واخسر بالبيت
واخرتها مغاسل تقرف والله انها تنحط جوات حمام
ما تنفع برا !!
والآن (5 )أيام
أبو زوجي ما يكلم زوجي ولا يتصل عليه ولا يكلمه مع ان زوجي يروح كل يوم له ويسلم عليه!
زعلان عشان الا بالغصب اختاروا اللي انا دورته وعجبني مو لازم يعجبنا!!!
بالله من الغلطان!
والله انقهرت من هالتصرفات البايخه! يعني مو البيت بيتنا ! واحنا نختار اللي يناسبنا!
ليش ينكد علينا !! حتى اهل زوجي كلهم وعمان زوجي وام زوجي كلهم يقولون ما له علاقه يزعل اصلاً!!
بالله دلوني اخاف انا والا زوجي غلطانين ! والا هو الغلطان !
ابي حل !! من جد طفشت ما يسوى علي هالبيت اللي جننا عنده الله يهديه ..
آسفه على الاطاله لكن حبيت اشرح القصه كامله حتى اشوف
من الغلطان لاني بديت اشك في نفسي !!
لولو ليوني @lolo_lyony
محررة فضية
يلزم عليك تسجيل الدخول أولًا لكتابة تعليق.
ما غلطتوا لأن البيت بيتكم ، بس هم كبار السن كذا ، يعتقدون انهم يفهمون احسن ، الله يعينكم خلي زوجك يسايسه بالطيب لا يزعل عليكم
اولا مبروك المنزل الجديد الله يمهلكم فية ويعطيكم خيرة ويكفيكم شرة
ثانيا تاخرتي باختيار المغاسل علشان كذا زعل عمك اختاري البسيط وغير المكلف واستعجلي علشان ماتخرب الامور
وتنقلب
ثالثا بالله يسوى يزعل ابوه علشان مغاسل روحي حبي راس عمك وطيبي خاطرة واشتري اللي يبية والله ماتسوى
حبكت على مغاسل ماانت البيت كلة اثثتية على كيفك خلي مغاسل الرجال على ذوق عمك واجلي مغاسل النساء لبعدين وتصير على ذوقك
ثانيا تاخرتي باختيار المغاسل علشان كذا زعل عمك اختاري البسيط وغير المكلف واستعجلي علشان ماتخرب الامور
وتنقلب
ثالثا بالله يسوى يزعل ابوه علشان مغاسل روحي حبي راس عمك وطيبي خاطرة واشتري اللي يبية والله ماتسوى
حبكت على مغاسل ماانت البيت كلة اثثتية على كيفك خلي مغاسل الرجال على ذوق عمك واجلي مغاسل النساء لبعدين وتصير على ذوقك
والله يااختي مادري شقولك
لكن ليش تسمحونلهم من البدايه يتدخلون خلي زوجك يجي ابوه بالكلام الزين ويقنعه انه يبي بيته على كيفه
والله يسر
لكن ليش تسمحونلهم من البدايه يتدخلون خلي زوجك يجي ابوه بالكلام الزين ويقنعه انه يبي بيته على كيفه
والله يسر
الصفحة الأخيرة
لاحول ولاقوة الا بالله
استغفر الله العظيم