الله يهديه

الله يكون في عونك

قسم بالله العلي العظيم كنك تتكلمين عن الي عندي
لدرجه اي شي اقوله يفهمه شي ثاني انصدم من الطريقه الي فكر فيها.
اعطيك مثال
مره سالني قال اختي وش عندها راقيه عندك
قلت جايه تشوف لبس تبي تروح لخوياتها بكرا
من ببكرا تهاوشت انا وياه ع سبب تافه بعد تدرين وش يقول؟
يقول تعيريني باختي تقولين جايه تدور لبس
ليه اختي ميته عليك ولا على ملابسك ؟
قسم بالله انصدمت

و عليكم السلام و رحمة الله


الله المستعان .. لو فيه مشكلة بتكون إن كل واحد فيكم بيطلع الثاني غلطان و إنه هو الصح !
خلاص يا أختي كل واحد فيكم عنده شخصيته ، و تربى سنيين من عمره ع طريقة معينة بالتعامل يعني لو بيتغير يحتاج أولًا. إن الثاني يتقبله بطبعه و يرحب حتى بالتغيير الخفيف اللي يحصل منه
و ثانيًا. يصبر عليه لأن كل شيء يكون بالتدرج
و طبعًا لازم من رغبة
بالنسبة لك يا أختي لازم تدركي إنك تملكي التغيير لنفسك و التأثير على زوجك
تقدري تغيري من بعض طبائعك لو تحبّي و بالتدريج ، و لا تركزي ع زوجك و لا تنتقديه ترى النقد مؤلم و يسبب نفور بينكم ،، و مع الوقت بإذن الله مجرد زوجك يحس إنك متقبلته صدقيني بيتغير بالتدريج معك

لكن هذا كله يعتمد ع نوع العلاقة بينكم و طبيعة شخصياتكم
** استهدي بالله و كلميه و كأنه ما بينكم شيء لأن الأكيد إن كل واحد فيكم يحب الثاني و يحتاج له لكن المكابرة من كل طرف تزيد الفجوة
- و حتى لو ذكرك بالموضوع و إنك لازم تتغيري .. عادي ردّي عليه إنه ' صادق .. الواحد محتاج يغير من نفسه .. و أنت تستاااهل يا راعي القهوة ههههه ' امزح طبعًا
لكن الله يرضى عنك هونيها العلاقات الناجحة تحتاج مداراة و مرونة و الكلمة الطيبة صدقة و لها أثر
و عادي قولي إنت تستحق اتغير للأحسن عشانك و أنا استحق

المهم ؛ لا تطوليها و تزيدي الفجوة بينكم يكفي إنه بعيد
ربي يصلح ما بينكم و يسعدكم دنيا و آخرة


تقبلي مروري ،
توت 🌹

خلاص ذا طبعه وطبع هله تبينهم يتغيرون لعيونك
لاتبثريهم ولاتصيري حشريه
ترا كثرة الاسئله مهي زينه وتعتبر نوع من انواع الغثاثه