مين الغلطان فيهم ؟؟

السلام عليكم يا بنات حواء كيفكم ان شاء الله بخير
صراحة ما اعرف للمقدمات بدخل على طول في الموضوع بس في عندي وحده صديقتي عندها مشكلة
وهي مع زوجها بسبب إن أهل زوجها ساكنين قريب منهم و الشغاله تبعهم هربت و ماهم لاقين شغالة فصارت أمه تجيب وحدة باليومية و مرة جاها زوجها زعلان و مهموم و منكد و واضح عليه انه ما يبغى يكلمها و زعلان منها سألته وش فيك ليش منت على طبيعتك يقول لا مافي شي و مو راضي يقولها يقول بعدين و نام و بعد ما صحى سألته خير انا سويت لك شي قالها اليوم دق علي اخوي و قال لي منت شايف امي ما عندها شغالة ليش ما تقول لحرمتك تروح تساعدها و تغسل لها الملابس ومن هذا الكلام و الشغاله بعد تقول لها مو زوجة ولدك ساكنة قريب ليش ما تساعدك و تجيك المهم الزوج حز في نفسه هالكلام و زعل منها و جلس يقولها انت ليش ما تساعدي امي و تطبخي لها ووووو قالت طيب مو فيه وحده تجيها كل يوم و انا ما جا على بالي هالشي لأني مو متعوده على كذه
واخوك ليش يتدخل لو يهمه الموضوع كان جاب لها شغالة بدل ما يولعك علي و يخرب بيننا عشان هو ساكن بعيد عنها و حرمته موظفة ما تنلام و تاكلها الضعيفة اللي في حالها و المشاكل تجيها لحد عندها ؟؟
انا عشاني ساكته و في حالي تجيني المشاكل اجل لو كنت زي زوجات الأولاد القويات اللي يسووا مشاكل و يطلعوا عيونكم اش كنت سويت ؟؟
يعني يا بنات هي تبي تعرف مين الغلطان هل واجب عليها تروح تخدم أم زوجها هل هي ملزمة بهالشي ؟؟
ولا ماله داعي زوجها يزعل و يكبر الموضوع ويقولها انت اعطيناك اكبر من حقك و عيب عليك اللي سويتيه طيب ليش ما اتكلم من اول يعني لما جا اخوك اتكلم حسيت ؟؟
والله ما ينعرف لهم هالرجال كله عشانها ساكنه قريب منهم ؟؟
بالله يابنات قولوا رايكم بصراحة في هالموضوع و ابغى كل وحده عاقلة تحكم بالمنطق و العقل مو بالعاطفة و هي زوجها الحين زعلان و مو طايق يطالع بوجهها ولا يكلمها و هي تقول انا اوريك المشاكل لو تبغى مشاكل و كله من هالشغالات حسبي الله عليها اللي هربت و اخوه الملقوف