مين اللى قال أن الكوسة ملهاش طعم

بناتى الحلوين ازيكم يا قمورين (شاعرة :16: )
ده اختراع من اختراعاتى للى بتعمل ريجيم النوع الواحد أو 12*12 وعندها 3 أيام خضار ومن المعروف أن الكوسة تمتاز أنها منخفضة السعرات بس فعلاً وهى مسلوقة كدة وعليها ملح وفلفل طعمها بيكون مش حلو خالص مع أنى أحب الكوسة بس محشى أو بالبشاميل قلت يبقى العيب مش فى الكوسة المسكينة قعدت أفكر وعملت أكلة وطلعت يم يم يم هديكوا الوصفة جربوا و يا رب تحبوها

قطعى الكوسة يعنى انا استعملت تقريباً 6 كوسات بس صغيرة زى بتاعت الحشو وبصلة برضة قطعيها دوائر وسيبيهم يتسلقوا بياخدوا تقريباً من 20: 30 دقيقة وحطيت عليهم شوية ملح بس خفيف لغاية كدة عادى

أبداعى أنا بقى :27:

صفيتها من الماء وحطيت عليها شوية لبن خالى الدسم مش كتير وحطيتها على النار وقلبتها تقليبتن وبعدين جبت شوية مشروم وحطيت عليهم جبنة ( استعملت معلقة واحدة من بديل الجبنة النباتى بطعم الشيدر) ولخبطت المشروم والجبنة وبعدين حطتيهم على الكوسة والبصل وليمون كتير عشان محطش ملح كتير ورشة فلفل ورشة كارى والله طلعت تحفة :icon28: ويعن كان هاين عليا أقوم أعمل طبق تانى . وفى نفس الوقت الطبق غنى فيه لبن وكوسة وبصل وليمون لحرق الدهون ولا استعملت فيه نقطة سمنه أو زيت...

وبكدة نكون خلصنا حلقة ربات البيوت
إلى اللقاء مع وصفة جديدة للستات الرشيقات
محدثتكم داليدا بو العافية من أرض المطبخ اللى أنا محتلاها :30: