والله نفسي فيها لكن احس ماتنفع في بيت بالايجار

جدا ممريحة 

والله ياقلبي مريحة بقوة بس شرط ما تتكاسلين أنتي من إستخدامها وتقولين بعدين البنات مانصحوني بذمة
كل اللي عندهم غسالة مرتاحين يكفي غذا جاكم ضيوف أقل مافيها ترمين فيها الكاسات والصحون والملاعق
والزبديات والمغارف والترامس والأباريق كل شي إستيل زجاج صين ميلامين تيفال يدخل فيها إلا الألمنيوم فقط
واغلب المواعين ماراح بيقى لك إلا القدر الكبير والصواني اللي ماتدخل الغسالة بسبب حجمها الكبير مثلا
بس تمسحين الصحون من الأكل وهي على السفرة قبل تودينها المطبخ بمنديل فوطة إسفنجة اي شي
ومن السفرة للغسالة


وتبين الصراحة رجالنا الله يهديهم يصعبون كل شي في وجه الحرمة لين تكره الشي وتكره الدنيا معه
ولاعاد تطلبه عندنا خير مثلكم
وهم فعلا يشوفون الدعوة صعبة وهي بسيطة إذا لها مكان جنب المجلى جيبيها وهاتي سباك
ويحطونها لك جوا الدولاب وتطلع كأنها جاية مع المطبخ والتمديد مايحتاج شي أسهل من غسالة الملابس
وزي ماقلت الأخت اللي فوق


سوسيو :


واللي تقول بيتها إيجار أقولها لاياقلبي تنفع حتى لو ساكنة بالسطح
تمديدها موب مكلف مايتعدى 150 ريال وماياخذ وقت
وترتاحين باقي الأيام
وزيادة نقلها سهل مثلها مثل غسالة الملابس الأتوماتيك

ونصيحة اللي يبنون يأسسون مكانها ويخلون الدولاب اللي في مكان التأسيس فتحته على مقاس الغسالة
إن حبو يركبونها أي وقت يركبونها

توكلي على الله بس وركبيها وأرتاحي وبتدعين لنا بإذن الله بس هاه لايدعي علينا رجلتس ههههههههه

بالعكس سهل تسبيكها من اي ماصوره مويه قريبه ومو لازم من السخان اصلا لازم ماء عادي هيه تسخن المويه وتسبيك مجرى للتصريف بس وخليها خارجيه من وراء الغساله
اما ندمت لا تنظف وتسهل بس ندمت على ويربول على كثر المدح هيه والله تنظف مره بس لو احد البزوره حاول يفكها تنفك ماتتامن الباب اذا اشتغلت زي غساله الملابس
ولا فيها زر امان من الاطفال على انها غاليه

والله خلاص مايفيد الندم شريتها والله يستر
تصدقين عندي حالة رعب اني افتحها واستخدمها
احس اني اقدمت على خطوة مني قدها
الله يكتب لك للي فيه الخير