مين اللي تزوجت شخص كانت موب مقتنعه فيه

انا بعد ودي اعرف ^.^

انا بقول لك عن تجربتي ...انا خطبني واحد مكنت مقتنعه فيه بالمره وسويت مناحه طويله عريضه وبكاء لليل نهار ...

ومع ذلك ابوي حاول معاي ورضيت بالامر الواقع وطول فترة الملكه كان رسمي معاي وهذا مازاد اصراري اني مااقدر اعيش معاه بس مع ضغط اهلي تم العرس ..

بس بعد العرس كاني تزوجت واحد ثاني وبالعشره الشخص يتغير وطلع شخصيته ثانيه وطلع رومنسي لابعد حد ...واللحين اشوفه اغلى شخص باالدنيا عندي ..ترى للحين اهلي يعاروني عشان دموعي وبكائي قبل زواجي ..

وسبحاان الله انا الوحيده بخواتي اللي توفقت باحسن زوج ..



نسيت اقول لك ايام ملكتي كنت اقوم الليل وادعي انه يكوون زي مااتمنى .. وكنت ادعي يارب زي ماخذته عشان ابر ابوي وامي فجعله رجل صالح وحببه فيني واادعي اللي بخاطرك فيه واللي تتمنيه بزوجك ..

والله يوفقك

مشكورين ع الردود وشموع الله يجعل حياتكم كلها سعاده في سعاده يارب

ويــــــــــــــــــنكم يا بنات حوا افا موب هذا العشم :(

انا بذكرلكم قصة وحده من قرايبينا كانت اجمل خواتها فجاء واحد وخطبها طبعا ابوها واخوانها وافقوا عليه وسألوها واستخارت ووافقت عليه بس بعدين جاو عيال اخوانها وعيال اخواتها الشباب وقالو لها انه شين وماهو حلو واسمررر مره المهم البنت جلست تصيح وقالت مابيه لان عيال اختها وعيال اخوانها خووفوها من شكله وطبعا سووت زوبعه بالبيت لين جاء ابوها وناداها وقال ليش رفضتيه وبكل بساطه قال له السبب فرد عليها ابوها ان الرجال اهم شي اخلاقه ومرجلته وشهامته ماهو بشكله والرجال مخابر ماهي بمناظر واقتنعت
جاء يوم الملكه وشافته ماعجبها مره لكنه مقبوول تقبلته مع الايام
لكنها اكتشفت فيه اشياء خلتها مو بس تحبه وتتقبله الا تعشقه وتموت على التراب اللي يمشي عليه تخيلو يفتح لها باب السياره ويسكره لها غير الهدايا واحلى هديه كانت مخطط لبيتهم طبعا وتزووجو وسكنو في بيتهم اللي هم صمموه بنفسهم وغير كذا الله بارك لها زواجها وتوظفت مدرسه والحين عندها بنات وولد وعايشه عيشة الامراء وزوجها الملك
والله يهنيهم يارب ويهني كل وحده قرت هالموضوع
حبيت اقولكم ان الرجال مخابر وليس مناظر لا تقلون ابي واحد مزيون ولا تقولون وظيفته مو عاليه لاالله يرزق العبد حتى لو كان راتبه 1000 ريال اهم شي اخلاااااق الرجل اذا كانت اخلاقه ممتازه فلاتخافين ولاتترددين