مين اللي تضبط المندي على اصوله (سؤااااال بسيط)

والله حبيبتي ماعندي فكره بس حبيت ارفع لك الموضوع

الله يرفع قدرك
مشكوره

هلا حبيبتي
أنا طريقتي في المندي مررررة حلووة وسهلة وإن شاء الله بتعجبك لأنه يعجب كل من ذاقه وخصوصا أبو العيال دايم يطلبه مني ،،
ترى لا تخافي من كثرة الكلام بس لأني كتبت كللللللللل شي بالتفصيل

المهم جيبي الدجاج وطبعا نغسله ونقسمها نصفين ونفركها بالليمون والثوم والملح ، نخلط بهارات عادية إذا عندك مخلوط جاهزة أو شكلي انتي حسب رغبتك وزيدي عليها (( كركم وهذا المهم ، ثوم بودرة ، وفلفل أسود )) نتركها على جنب،،
نغسل الرز وننقعه ،،
ناخذ بصل مقطع وفلفل أخضر مقطع وبهارات صحيحة ( مش ناعمة ) دارسين ومسمار وهيل ورق غار ،، كزبرة طازجة (( طبعا كلها حسب كمية الرز يعني ما راح أقول حبة بصل وفلفل أخضر لا المهم يكون هذا حشوة لازم تبين يعني لا تكون قليلة ،
نبدأ الآن بتحمير البصل والفلفل الأخضرمع الزيت ونضيف البهارات الصحيحة وحبة ماجي وأخيرا الكزبرة ونحرك ،،
نصفي الرز ونضيفه على البصل ونحرك الجميع ،، ناخذ ماء مغلي ونسكبه حسب كمية الرز وأخيرا قطعة زبدة يعني تقريبا 1/2 أصبع ،، الآن ذوقي المرق يمكن يحتاج زيادة الملح ،،
الآن وقت الدجاج خذي شبك حديد (( تقريبا تلاقينه مع فرن المايكرويف ) غطي القدر فيه وحطي الدجاج عليه وغطيه باحكام بقصدير ]] وندخله الفرن لمدة ساعة تقريبا ، قبل خمس دقايق شيلي الغطاء وخلي الدجاج يتحمر ، إذا طلعتيه بتلاقي الحشوة صارت فوق شيليها وحطي الرز بعدها وزعي الحشوة
البعض يحب نكهة المشوي جهزي فحم على النار وخذي فنجان زيت وثبتيه فوق الرز وهاتي الفحم وارميها في الفنجان وغطي القدر بسرعة ثواني بس ،، انا عن نفسي ما اسويها ويطلع يجنن ،،


وصحتين وعافية
انتظر ردك بعد التطبيق

هلا اختي الدموع فعلاً لذيذ
إن شاء الله مايعجن لأن الساعة لاستواء الدجاج (( والله اذا كان الدجاج صغير خليها 45 دقيقة )) والنار هادية بس خلي المويه يدوب مع الرز يعني مو مثل الكبسة العادية ليييه
لأن الدجاج مع الطبخ يطلع ماء فاعملي حساب له ،،
وصحتين وعافية

فية البعض لا جاء يطبخ الرز يقطعون ليمون صغار وحطية مع الرز
تلاقينة يذوووب الليمون ويعطي طعم
انا اسوية بالكبسات