بنتي وهي صغيرة ما سكة حبة خيار
احنا راجعين من سوبرماركت والبنت صاحت لين قالت آمين وابلشتنا صياح الله يهديها
واللي أذكره اني من زعلي دعيت عليها
الله يسامحني يارب ... استغفر الله
ومن شدة صياحها وهي عادتها يم انها صغيرة ابوها انزعج ونزل من السيارة وفتح واحد من الأكياس وجاب خيارة وعطاها يبي يسكتها
وهذي شالتها وسكتت شوي ...ومسكت حبة الخيار
واكلت منها قطعة كاملة مدورة فهمتوا شلون
وتبلعها بدون مضغ زي ما هي
وتوقف بحلقها والبنت انكتمت
مافي صياح ولا شي
وانا اهزها وادخل يدي في فمها بدون فايدة
ووصرت أصرخ ما ادري اش اسوي انا وقتها عمري 20
وابوها ما صرخ
سوي شي غريب
وقف السيارة في نص الشارع العام
وتركنا وصار يجري
والبنت بين ايديني بدت عيونها تطلع
والشفايف تزرق
وانا نزلت من السيارة أصرخ والله ما عندك احد
الناس يطلون وفاتحين عيونهم
وانا مية فكرة مرعبة في راسي
وبديت اقرا قرآن والله من الرعب نسيت المعوذات أستغفر الله
والبنت خلاص بدت يغمي عليها غمضت العيون وايديها ارتخت ورقبتها علي جنب
وانا هداني ربي لشي بالصدفة بدون تفكير
قلبتها ومسكتها من رجولها وهي جسمها صغير أقل من سنة
وضربت ظهرها بباب السيارة ولا تسألوني كيف
كذا جت
وربي رايد شي من عنده
مرتين سويتها اش باخسر البنت بتموت
وطلعت قطعة الخيار والبنت شهقت بقوة زي اللي رجع من الموت يالطيف
يالطيف
الله يحفظها يارب يارب
ومن يومها ماعاد ادعي لو انها اش تسوي الا بالخير والطيب
وبعد اللي صار مباشرة بكيت في الشارع من قلبي وحمدت الله
لك الحمد والشكر ابدا يارب
بنتي كبرت وصارت عروسة قمورة
ادعوا الله يحفظها لي وافرح فيها واخوانها وكل من تحبون
بس استفدت شي بعدها لازم تمسكين أعصابك مرة وتفكرين بهدوء .. وبعدين هالحادث مكرر عند الأطفال والحل تقلبيهم تحت فوق وتضغطين بالذراع علي بطن الطفل بقوة كانك تحضنينه
الله يحفظكم ويحفظ عيالكم :04:

الله يحفظ لك بنتك ويخليها لك متخيلاك وانتي تضربينها في السيارة ههههههه بس والله ماتنلامين تبغين حل باي طريقة وشوفيها جابت نتيجة الحمد لله

يالله الحمدلله على سلامتها

ماشاءالله عليك لو انا مكانك ماعرفت اتصرف

ولدي مره غص بحلاوة المصاص وانا محذرتهم مايعطونه هالحلاوه لانه صغير
راحت بحلقه وماكنت عنده وقعد يدورني وجهه احمر وخالته تلحق وراه
انا جمدة بمكاني لما شفته بالحاله
خالته وقته اكانت تدرس الاسعافات الاوليه والحمد لله سوت الازم
الله يسعدها ويوفقها

هذا الموقف صار لي يوم كنت صغيرة كان عندنا مسبح بانينه مع البيت مو الجاهز وكنا نسبح احنا وبنات عمي واخواني المهم انا شفت اخوي يغطس ويرجع يطلع وعلى هالحالة ومن حب الفضول سويت مثله تعرفون البزارين وغرقت ومحد درى عني وكلهم طلعوا من المسبح شوي فقدوني جت اختي عند المسبح شافت اختي قروني طافحه بس وانا تحت الموية وسحبتني من قروني وطلعتني والحمدلله انها لحقت علي والا كان رحت فيها وسبحان الله الطفل ماينغفل عنه بلحظة كل شي يصير