مين المفروض يتصل على الثاني

بنات جاوبوني بليز مين المفروض يتصل على الثاني
احنا عندنا اخ واحد بس وعندي اخت متزوجه اكبر منه وساكنه بمدينه مرررررره بعيده عننا


ولها متزوجه تقريبا 8 سنين ولا عمرها اتصلت على اخوي ولا عمر اخوي اتصل عليها
اختي هذي قبل ما تتزوج كانت حاقره اخوي مو بالكلام لا بالتصرفات
يعني مثلا لما كان يوديها الكليه كانت تعامله نفس السائق وتركب بالسياره ورى
ومره كنا بكشته مع اقاربنا جات وحده اعجبت بأخوي واختي طول طريق الرجعه وهي تضحك وتقول ايش معجبها في اخوي واخوي ساكت وهو يسوق
وهو عادته هادي مايحب الجدال ولا يهاوش ابد لكن يشيل بقلبه
انا انصدمت لما سألت اخوي يكلمها بالواتس ولا لا قالي تصدقي من ليلة عرسها الى اليوم ماعمري شفت اتصال منها ولا حتى لو واتساب


سألتها وعصبت علي قالت انا اخته المفروض هو يتصل علي ويتطمن علي مو انا اللي اتصل عليه حتى زوجها يقولها كذا
رغم انها قبل زواجها هو كان يوديها تتجهز للعرس وهو اللي حجز لها القاعه وهو اللي راح للمحكمه مع زوجها وكتبوا كتابها لأن ابوي متوفي
واول ماولدت قعد يزن علينا عشان نروح نزورها ونبارك لها ورحنا مره بالطياره ومره بالسياره رغم ان المسافه مره بعيده


وكل فتره يسأل امي عنها وعن احوالها ولما حاولت فيه يتصل عليها قالي انا في حياتي ماشفت وحده حاقرتني مثل اختي هذي رغم اني كل شي سويته لها وفوق كذا مستخسره ترفع التلفون وتقول كيف حالك
انا بصراحه سكتت وكنت ناويه اعاتبه واخليه يتصل عليها لكن خفت اني اجرحه واظلمه
المصيبه انه اخوها الوحيد وابوي الله يرحمه ولو صارت اي مشكله لاسمح الله هو الوحيد اللي بيوقف معها لكن مو هامها


الحين هل اعاتب اخوي واخليه يتصل عليها ؟
ولا احاول اخليها هي تتصل رغم انها ماراح تسمعلي وممكن تعصب علي