طيب نادي اختك او روحي عندها،عندك الجيران او مثلاً بعدين تدخلين دار تحفيظ وتكونين صداقات طيبه،واكثري من الدعاء والله يصلح حالك ويشرح صدرك ويرزقك بالصحبه الصالحه ويغنيك من فضله،كل انسان عنده مرحله من حياته صعبه وما يبي يتذكرها،القادم افضل ان شاء الله اهتمي بعيالك عشان يهتمون فيك ما عندك بعد الله غيرهم يقوم فيك،وفيه مقوله كنت اسمعها وانا صغيره وشفتها حقيقة بحياتي، اللي هي اللي يتعب باول حياته يرتاح باخرها واللي يرتاح باولها يتعب باخرها،هي كذا الحياه مره سعاده مره حزن مافيه شي بيستمر للابد،هذي قناعتي وتعطيني امل بعد الله وقت الشده اني اط فبالي انها مؤقت

الله يسعدكم جميعآ ماقصرتو
انا صارحت امي قبل سنتين بكل شي وقالت لي انتي حقوده مثل اهل ابوك وماتتنسين والحب من الله اني احب اخوانك كذا خلاص انتم كبرتو تحسفت اني اصلا صارحتها او حتى تكلمت معاها خلاص مافي فايده تعبتني نفسيا مره تعبت

ياقلبي انتي طززززز فيها
ليش عايشة بالماضي ؟ وبالاحزان ؟ تراهم مبسوطين ولا فكرو فيك وانتي جالسة تحرقين بدمك
ياحبيبتي انتي اللي اسحبي عليهم واتركيهم مهب هم
خليهم يحسون انك عايشة ومبسوطة خليهم يولعون يفلفلون
انبسطي مع بناتك روحي وتعالي
واذا بغيت تروحين لخالاتك روحي وانتي كاشخة على سنقة عشرة ومسفهلة واضحكي وانبسطي ولا تطولين عندهم ساعتين واطلعي
ولا تدقين على احد تعالوا وماتعالوا لااااا
واتعرفي على جيران وروحي نوادي تعرفي على حريم ولا روحي التحفيظ
كوني علاقات وروحي مع صديقاتك المطاعم والكوفيهات
وخليهم يدرون وينقهرون من علاقاتك ومعارفك وطلعاتك ودخلاتك ويدرون انك مستغنية عنهم صدقيني وقتها هم اللي بيحترمونك ويتلزقون فيك
وحتى لو ماتعرفتي اكتفي بعيلتك واسرتك وبناتك
بكرى يكبرون ويكثرون ويصيرون هم اللي يجونك ويملون عليك حياتك

لا حول ولا قوة الا بالله
قصتج كسرت قلبي والله
ياعمري اهم شيء انج تزوجتي و عندج بناتج راح يصيرون هم حياتج و الله ماينسى عبده
و زوري اختج و الي يغثج لا تجينه خلاص
وربي يفرج همج ياقلبي

ياعمري انتي حكايتك صعبة والله
خلاص لو اختك قريبة لك روحي لها هي الوحيده اللي بتحس فيك
امك انسانه جاهلة ولايعني كيف تضرب بنات صغار ويتيمات عشان حمار مدمن اسمه زوجها
شفتي كيف جاهله
لاتشرهين عليها ولاواحد بالميه
لو اهل ابوك قريب منك روحي لهم
الله يرحم ابوك ويغمد روحه الجنه فعلا البنت تلقى عزها عند ابوها ولاراح ابوها عزها وين تلقاه
اهتمي ببنياتك ولاتكررين غلطة امك