مين باقي يجيب خدامات اثيوبيات..يارب تصبر ام طفل تبوك

اخواتي سمعنا جميعا بالطفل اللي اجرمت فيه الخادمة اﻻثيوبية في تبوووك حسبي الله عليها وقتلته بابشع صووورة..
وقبله كثييييييير وللاسف مازالو يستقدمون من اثيوبيا ومازلنا نتعامل مع المجهوﻻت اللي هم الخدامات اللي بالساعة...

الى متتتتى الى متى واطفالنا ضحايا لييششش كذا وين قلوبنا ليش نرضى التنكيل بنا انقهرت على الطفل الله يصبر والدينه وزادني قهر وحدة اعرفها خادمتها اثيوبية و لقيتها محرقة ظهر بنتها عمرها سنتين حسبي الله عليها احرقتها بالملعقة وﻻ فكرت تسففرها قلت لها ليش قالت انا حامل الحين ومافيني استغني عنها !!!!!!
مع العلم انها ماهي موظفة وسكتت لها قلت لها بكرة تقتل بنتك قالت ﻻ ان شاء الله ربي الحافظ !
واذا الجهات المسؤولة ماتصرفوا طول هذا الوقت وﻻ اوقفو استقدامهم احنا ليش مانفهم ونوقف استقدامهم ونقاطعهم خصوصا اللي عندها اطفااال ...

صحيح ربي خير الحافظين بس ليش نجيب الخطر عندنا ونقول ربي الحافظ الانسان ياخذ بالاسباب ويتوكل على الله مو يشوفها تحرق الطفلة ويقول ربي الحافظ هذا اسمه اهماااال وغش للرعية وانتي راعية في بيت زوجك ومسؤولة عن رعيتك ...


اتقوا الله في انفسكم وخافوا على اطفالكم انقهرت على الطفل لا تنسون تدعون لامه وﻻهله بالصبر والسلوان وان الله يعوضها خير ويجعله شفيعها فالجنة وحسبي الله على المجرمة ...

ان اصبت فمن الله وان اخطأت فمن نفسي والشيطان ..
وصلو على نبينا محمد وعلى اله واصحابه اجمعين