مين بتحب تسمع فضفضتي....؟؟؟ :( :(

السلام عليكم و رحمة الله و بركاته

بنات انا الي متزوجة اربع سنوات و للآن ما صار حمل و الحمد لله

انا مرات بحس حالي كتييييييير مخنوقة و متدايقة و نفسي احكي كلام كتير بس ما عندي حدا هون لئني بالغربة

ارجو انكم تسمعوا فضفضتي و تحكو معي و تشاركوني و تدعولي.....

تزوجت من اربع سنوات و الحمدلله مرتاحه بحياتي مع زوجي

بس مشكلتي الوحيده انه الله ما شاء ان انجب

نفسي يا بنااااات اعيش هاي التجربة حتى لو مره وحده بس ... حتى لو احمل و اسقط بس امووت و اعيش هالتجربة

البنات اللي كنت اعتقد انهم صاحبات صارو يخافو على اولادهم مني

و يخافو من عيني عشان ما احسدهم مع اني والله ما بكره الخير الهم و الله على ما اقول شهييد

بس خلص ما بعرف ليه هيك البنات قلبو مره وحده علي

وحده مره حكتلي : على فكره الواحد ما لازم يطلع اولاده ادام الناس عشان ما يحسدوهم

طبعا الكلام الك يا جارة <<<<<< يعني الكلام موجه الي

و التانية بتضل تمدح فإبنها قدامي و ترمي كلام جااااارح حتى مرات صرت الاحظ انه لما يكون زوجي موجود بالقعدة بتخليه يحمل ابنها غصب عنه مع انه بخاف يحمل اطفال صغار

و بتسير تلعب ابنها و جوزي حامله و تضحك معه و تحكي عقبال ما اجيب اله اخ و من هالحكي المقرف تاعها

انا خايفة اكون اظلمها :( او يتهيألي انها بتعمل هيك عشان تجرحني و تورجي جوزي انها هي بتقدر تجيب أولاد و انا مو قادرة اجيبله

بس والله يا بنات مرات حركاتها بتكون واااااضحه زي عين الشمس

غير هيك اني صرت اخاف من نظرات الناس الي

يعني اخاف امدح ابن وحده او حتى اذكر اسمه لئنهم على طول حيحكو اني بحسدها عليه

ليه هيك نظرة الناس كلها شؤم ب شؤم

يعني مو انا اول وحده بتاخر حملها ولا اخر وحده

ممكن اي وحده من البنات اللي دايقوني الله يأجل حملها

بس خلص العالم ما بعملو حساب لحدا ولا لسخط رب العالمين

المهم

انا موعد دورتي كمان اسبوع و حسيت بوجعها اليوم يعني حاسة انه في اعراض دورة لئني حاسة بثقل اسفل بطني :icon33:

فكركم حتيجي و لا حتتأخر هاي المرة و اكون :icon28::icon28:

من كتر ما قرأت مواضيع للبنات الله يجزاهم الخير عن فوائد سورة البقره و الاستغفار الي الحمدلله تقريبا اسبوعين او تلاته مواظبة على سورة البقره و على الاستغفار بنية الحمل

يا رب تقبل دعااااائي

ربي لا تذرني فردا و انت خير الوارثين

آآآآآآآآآآآآآآآآآآآآآآآه والله يا بنات طلعت كل اللي بقلبي و ان شاء الله كل ام تدايق رح اجي احكيلكم

انتو كلكم زي خواتي

و يارب يرزقني الذرية الصالحه و يرزق بنات حواء كلهم و كل محرومة يارب العالمين