مين بتسوي خلطة الزعتر بالبيت ؟؟؟

ومين سمعك انا كمان علشان اللى فى السوق مو مثل بلادنا

اهلا بطوق الياسمين
شوفي هذه طريقتي ومن زمان بعملها وهي نفس السوق ويمكن احسن .
يعني مليت من كثر ما بعملها .
اطحني الزعتر جيدا على المطحنة خلينا نحكي نصف كيلو زعتر ناشف ورق .
كوب قضامة صفراء غير مملحة ايضا اطحنيها معهم .
كوب قمح حمصيه لحتى يصير ذهبي غامق وانتبهي لا ينحرق .ايضا اطحنيه وضيفيه لهم .
نصف كوب سماق هو بكون بالعادة جاهز .
ضيفيه للخلطة السابقة .
سمسم واختاري النوع الي حبته كبيرة مو الي مسحوب الزيت منه ولونه يميل للبياض .
حمصيه وضيفيه لكن بدون طحن .
هناك من يضيف ورق عنب مجفف لزيادة الحموضه ( اختياري انا ما جربته )
ملح ليمون وملح عادي ضعي وتذوقي حسب مزاجك .
هلا اخلطي كل الي ذكرته لك .
جيبي زيت زيتون اصلي وفي جاط كبير صبية فوق الزعتر وافركي بإديك لحتى يتوزع الزيت النص كيلو بتاخذ كوب ونصف زيت انت ضيفي وراقبي .
وان شاء الله الف صحة ولا تنسيني من دعوة منك .

جزاك الله اختى اسلامية بس اذاممكن اسئل عن معنى قضامة صفراء اذا بتعرفى اسم اخر او المعنى بالانجليزى
اكون شاكرة

الغالية امة الله بنت عبد الله

جزاك الرحمن كل خير على تضامنك معي أختي الغالية :26: :26: :26:

والقضامة حسب معلوماتي شكلها مثل حبات الحمص بس صغيرة وبتكون

محمصة وهي من المكسرات إن شاء الله أكون أفدتك :26:

حبيبتي يا islamya ماشاء الله عليكي جيبتيها :cook:

وبالنسبة للدعوة ولا يهمك ربي يسعدك وينولك الفردوس الأعلى

ويحشرك يوم القيامة مع نبينا الحبيب وينولك رضاه ومحبته وشفاعته أنتي

وكل حبيب وغالي عليكي :24: :26:

بتعرفي أنا قعدت بالأمس أترجم بعض المقالات عن خلطات الزعتر لما فقدت

الأمل ولا تتصوري وجدت اكثر من 12 وصفة اجنبية لخلطات الزعتر وكان

من ضمنها اللي ذكرتها زعتر وسماق وسمسم وملح وكان مكتوب إنها

خلطة لبنانية ..وكاتبين إنه بعض الخلطات يضاف لها زيت الزيتون ..

أنا اليوم قبل ما أفتح الانترنت عملت خلطة الزعتر والسماق والسمسم والملح

وعندي كيس ثاني بجربه بالخلطة اللي ذكرتيها جزاك الله كل خير بعد ما

أشتري القضامة ..

# عندي سؤال القمح بعد ما احمصه بينطحن عادي ولا بده ماكينة قوية لأني

مرة حرقت الماكينة وانا بطحن قمح عادي فهل القمح المحمص أسهل في الطحن ؟؟

#وبالنسبة لملح الليمون هل الأفضل أطحنه لأني اليوم لما جربت أسوي الزعتر

ما اتوزع الحمض وللاسف السماق لدينا أغلبه مغشوش لونه أحمر بس غير

حامض ولا كان اعتمدت على حموضة السماق فشو رأيك ؟؟

#وممكن سؤال أخير هو الزعترالأخضر نوع واحد أو عدة انواع..؟؟
لأني بالأمس قرأت إنه في :
زعتر رومي وزعتر فارسي
فهل عندك فكرة عنهم ؟ وهل المردقوش زعتر ؟؟

ختاماً نصيحة لوجه الله للجميع تجربوا تصنعوا الخلطة بالبيت لأني تذوقت عند واحدة

من لبنان منقوشة زعتر وكانت روعة وسألتها عن السر فأخبرتني إنه السر بالزعتر

لأنه خلطة بيت :21:

اختي امة الله بنت عبدالله:
ان شاء الله اضع لك صورة وهو حب حمص لكن لونه اصفر وهش جدا .
اختي طوق الياسمين ولك مثل ما دعوت لي وزيادة .
وانت فيك تضيفي النواقص على خلطتك الي عملتيها عادي جدا .

*اختي القمح بيصبح هش وانت لو جربت تاكلي منه كثير طيب وبتعرفي
مدى طراوته وانا بطحنه على المولينكس ....
وطبعا هو هش اكثر .

* طبعا ملح الليمون مطحون لحتى يتوزع اكثر وتحسي انه الزعتر الي حامض مو مادة فيه .
والسماق مهما كان حامض ما بعوض حموضه الليمون .

* انا ما بنصحك بالزعتر الفارسي :
الي انا اشتريه هو زعتر بلدي .
المهم يكون نظيف ورقه مو مكسر وطعمه بيحرق لما تتذوقيه .
هذا صفات الزعتر الجيد .
والمردقوش للأسف لا اعرفه هل له اسم اخر عندك .

وانتبهي تنقي الزعتر من االوساخ والعيدان والله مرات اجد اصداف حلزونية فيه.
وفعلا صدقت ما في اطيب من الجاهزه...
وألف صحة وعافية واي سؤال انا موجودة.