مين بتفح معاي صفحة جديده

السلام عليكم ..

تعبت من كثرة الذنوب حتى الوناسة مالها طعم زي لما كنت صغيره كنت مااحب الكذب ابداً حتى لماكنت افكر اكذب او اغتاب كنت اعض لساني لحد مايروح تفكيري عن الكذبه او الغيبه ومحافظه على صلاة السنه ودايماً اتصدق وما احقد على احد فكنت مرتاحة البال ومبسوطه

اما الحين كثرة ذنوبي صرت اقصر في صلاتي يعني اصلي بسرعه بدون سنه ولا تسبيح بعد الصلاة

واكثر ذنب متعبني الـغيبـه الله يعين يومياً فلانه سوت وفلانه قالت وكأني اشوف حسناتي تروح لفلانه وعلانه

وصرت احقد واكره ولا اسامح ماادري ليه تغيرت .. هل السبب اني كبرت وعرفت الناس صح وخالطت النساء

اللي كل وحده تسوي خطط ضد الثانيه ومؤامرات وكل وحده تحاول تغيظ الثانيه و تسوي عليها اسرار

وكل همه انها تكون الاجمل والاشيك عشان تحر فلانه يوووووووووووووووووه من الحريم طبعاً مو كلهن

يعني شايلين هم شغل البيت وتربية الاطفال ودايماً قاعدين في البيت نطفش ونسمع كلام يمين ويسار وزياده مو ناقصين هم بعد


دايماً اهني الرجال بطيبتهم ووناستهم يطلعون ويوسعون صدورهم ومشاكلهم اقل من النساء وتعاملهم مع بعض

غالباً يكون بطيبه مو مثل النساء حقد وغل وكيد

(وانا اهني الرجال غالبيتهم مو كلهم مو اعتراض على خلق الله لا استغفر الله لان كل منا له خصائصه ومهامه بس اهنيهم على تفكيرهم واتمنى الله يرزقن مثلهم )



انا تعبت احيانأً ماانام الليل من التفكير عشان كذا قررت اني افتح صفحة بيضاء جديده بدال صفحتي السوداء وابي منكم تبدون معي

لما قرأت قولة تعالى ( ألا تحبون أن يغفر الله لكم ) النور 22

اول شي سجدة لله وتبت له توبه نصوحه عن كل ذنب خاصة الغيبه وقلت اني مسامحه كل شخص اخطأ علي او اغتابني او ظلمني لوجه الله حتى يسامحني الله ويعفو عني لما قمت من السجود حسيت ان الهم انزاح عن صدري واني ابتسم بدون شعور والله راحه نفسية مااقدر اوصفها

الوحده لو اهتمت ببيتها وزوجها وعيالها واحتسبت ذلك صارت مثل المجاهد في سبيل الله
واحنا اصلا مهتمين غصب علينا بالبيت ناقص بس الاحتساب وانك تتركين الناس عنك

ياااارب تهديني انا وكل من تبدأ معي صفحه جديده وتثبتنا على طاعتك وتجمعنا مع بعض في الفردوس الاعلى وتجعلنا ممن يتنعمون برؤية وجه الكريم