الاخت ورده بريه ربي يتمملك على خير

ياليت تقولين لي كم نسبة التجلط عندك؟"؟؟؟؟؟؟؟؟؟

موضووووووع مره حلو

انا مثلكم كنت اخذ ابر كل يوم في حملي السابق واسبرين وديفاستون
السبب هو اني في حملي الاولاني توقف نبض الجنين في الشهر السابع وفي حملي الثاني في الشهر الثاني والسبب غيرمعروف
الي صار انه لما حملت ثالث مره دكتورتي كانت مسافره رحت لدكتوره ثانيه قالتلي بما انك سقطتي مرتين لازم تاخذيها للاحتياط لما جات دكتورتي من السفر وعرفت اني اخذها حسيت كأنها تقول ماله داعي تاخذيها لانه ماعندك اعراض التجلط ولا الاجسام المضاده بس هي ماحبت تقولي اتركيها لانها خافت لو سقطت اجي الومها
المهم استمريت عليهم الثلاثه للشهر الثامن وتعبت في الوحام الى التاسع شفت الموت
وولدت قيصري السبب ضعف الجنين
المهم
الحين انا خايفه مووت من الحمل للمره الثانيه
ومحتاره اخذها ولا لأ
وليا سنتين والده وظهري وعظامي احسها توجعني ياليت تفيدوني علشان ارفع الكالسيوم عندي
وايش هو الماش ؟وكيف تشربوه
وبصراجه الابر هي المفروض اخذها كل يوم بس انا كنت مستهتره اخذها يوم اي ويومين لا
الله يجزاكم خير ساعدوني
وبالنسبه للتجلطات لازززم تبين بالتحليل لانه انا كان ت تحاليلي سليمه

الله يهون على كل وحده حامل

ويرزقني ويرزق كل وحده تاخرت في الانجاب

ممكن سؤال حبايبي

الابر هذي تاخذونها من الشهر الاول لحد التاسع

حبيت اعرف كم سعرها

وجزاكم الله خير ولاتنسونا من دعواتكم بالذريه الصالحه

ريشانا حبيبتي حمدالله على سلامتك وبالنسبه للكالسيوم المفروض تشربي حليب كثير وتاخدي حبوب كالسيوم بيرتفع باذن الله


الاخت قلبي على عيالي هلا يالغاليه
بالنسبه للابر انا اخدها من الشهر الاولالين الشهر التاسع وتتوقف قبل الولاده بيوم فقطططططط
وسعرها ب 14 ريال الابره وعلبه الابر فيها10 ابر ب 148 ريال

اتمنى اني افدتك

حب السنين


اسم العلاج CLEXANE 20MG

ونوعه:


LOW MOLECULE HEPARIN


بطئ المفعول يعني المادة الفعالة تظل في الدم فترة طويلة... عرفتي... بدال الهيبارين العادي ما تضربينه مرتين في اليوم وتتعذبين.. هذا لأ مرة واحدة تكفي..


يمكن نسبة التجلط عندك اعلى مني عشان كذا تضربينها مرتين.. أنا كنت قبل لا أضربها أقول بسم الله الذي لا يضر مع اسمه شئ وهو السميع العليم..



ريشانا

الحمد لله اللي ربي يسر لنا علاجات تعيننا ولا كان الله أعلم بحالنا..

الإبر كنت أبدأ فيها من الأسبوع السادس لما يبين نبض الجنين إليييييييين قبل الولادة بيومين..

ضروري تنتبهين علي نفسك وتواصلين علي العلاجات..

بالنسبة للظهر.. والله ما أكذب عليك حيلي ما عاد قوي زي زمان.. لكن الحمد لله.. تحسنت مع الوقت ... أشربي حليب قليل دسم وكثري من السمسم والماش..

فيه أخت حاطة وصفة للظهر هنا مررررة ممتازة لأن طبيعي ترا السمسم غني بالكالسيوم.. أنا ناوية أسويها لي ولأختي..

http://forum.hawaaworld.com/showthread.php?t=1467926

طبعاً لازم تنتبهين علي نفسك وتغذيتك.. أبعدي عن البيبسي والقهوة لأن أي شئ فيه كافيين يسوي هشاشة عظام..

الماش:




تلقينه عند العطار والسوبر ماركت مع البقوليات والحمص وغيره..

أنا أخذ مقدار بيالة شاهي منه وأنقعه بموية حارة من الصباح.. بعدين علي الظهر أسلقه يستوي بس ما أخليه ينهرس يعني حبته زي ما هي.. أحط علي شوي ملح وأكله زي البليلة..


بالنسبة للي عندهم أجسام مضادة وأنا منهم.. المفروض نستمر علي الأسبرين من غير حمل.. يعني طول العمر.. بس الإهمال وما يسوي..

لأنك تكونين معرضة أكثر لمخاطر الجلطات.. والمفروض قبل ما تخططين تحملين تستمرين علي الإسبرين فترة عشان تهيئين جسمك..

الله يقومكم جميعاً بالسلامة وتبشرونا..