كويتيه^فراوله @koytyhfraolh

محررة

مين تبدي معاي بحملة (خلصي كل الخلطات المنتظره واحصلي على بياض اللمبه) -حياكم-

السلاااااااااااااااااااااااااااااااااااااام عليكم ورحمة الله وبركاته

الله يسلمكم يا حلوين باخش بالموضوع على طووووووووووووول <<<<طول والا عرض هههههه
بسك سخافه
والله مصدعه هههه

المووووووووووهيييييييييييييييم

دشوا كل المواضيع واقروا كلنا ندور بياض اللمبه ذابحنا هالبياض والله

انا بالنسبه لي اقتنعت ان اقصى درجة بياض اللي معطيني اياها ربي والحمدلله عليها

جسمي مسمر عنها كم درجة لاسباب عده
السمنه والنحافه فجاه
الحمل والولاده
عدم الترطيب الدائم<<<<<<<الله يجزاك خير يا حبيبي يا زوجي ما علقت علي وانا ما اعرف كريم الترطيب
طبقات من الجلد الميت
مسويه ليزر وحرقلي بطني وصدري حسبي الله عليهم من خرعتهم حتى مارضوا ادخل عالدكتور

المووووووووهيييييييييييم قلت انا ما ظل شي بالحواج ما شريته يوييييييييييلي
زوجي يرمي من وراي العلب بالزباله مكرمين
وامي تخشش عني
واخواتي يسرقون مني ويستخدمون
مابقى الا بنت الجيران ترمي علي سنارتها وتبوق خلطاتي وتلقالها عريس الغفله من وراهم

عاد انا للحين الله وكيلكم بس اشتري واكود عاد قلت لا بس مصختها لاااااااااااازم افتح حمله مع حبيبات قلبي بنات حواء ماكو غيرهم والله انهم قدعات على قولة حبيباتنا المصريات وقدها وقدود بيشجعوني واتلطخ بكل اللي عندي واخلص الخلطات واجوي ايدي اني ما اشتري واخربط والطخ خخخخخخخخخخخ

الحين انا قلت لازم اسوي الموضوع حلو وتحفه وكشخه على قولتنا بالكويتي زقرت خخخخخخ واحطلكم صور (((بعض))) لاحظو ان مو كلهم من الغريضات اللي شاريتهم

وانا باديه لي جم يوم اي شئ جدامي اتلطخ فيه لكن الحين لازم اسويلي جدول عنايه صج علشان اصير سنو وايت بعد شهر على قولة اختي هههههههه

انا اول شئ قلت خفنا وخفنا وصرنا جليحات وقلنا كورتيزون ومادري شنو
قمت تشجعت وقلت باستخدم الخلطه مررررره وحده بس واكمل معاها ومن بعدها عنايه طبيعيه
الخلطه حطيت فيها كريم (فير اند لفلي كبير بالفيتامينات - منيرفا - فيد اوت - بين) وخلطتهم زين ما زين
وباشيل منهم شوي لوجهي بعلبه وازيد عليهم كريم استيفز بالكولاجين علشان الترطيب وسمعت ان وحده استخدمته وخرلها اثار الحبوب وقلت اهو روعه استخدمه وربي كريم
اما الباقي بازيد عليه كريم جرجنز شكله نازل جديد فيه احماض فواكه ومكتوب عليه تحذير ان يقشر طبقه خفيفه بسبب الاحماض فلازم نستخدم واقي شمس حتى عقب ما نوقفه علشان البشره ماتحترق
وهم بازيد كريم فازلين بزبدة الكاكاو للترطيب <<<<<<<<<يووووووه على خرابيطج ماتخلص

وباقرا عليهم المعوذات لا يصير فيني شئ بس ان شاء الله ماعلي الا العافيه

والله يسلمكم مسويتلي خلطه صابونيه اتفرك فيها واشزيييييييييينها ماذكر اشحطيت فيها كنت بس ابي اخلص الاغراض اللي عندي

وشاريتلي اليوم صابونة بالخيار تفتح وتوخر الحبوب لان طالعلي بويهي حبوب من الليزر حسبي الله ونعم الوكيل ماسوت علي هالليزر شوهني

الموهيم وقررت يوميا قبل النوم اغسل منطقة الابط بصابون ديتول وافركه بليمون بدال الديودرنت علشان يفتحه لان صراحه الشكل واهو غامج يفشل استحي ارفع ايدي

وانا مااااااااااا استغني عن كريم الايد مال فازلين اللي لونه برتقالي يبوووووووووووي من كثر ما احبه اوزعه على اي وحده تقولي ريحته حلوه خخخخخ والله رهييييييب صج يخلي الايد نعووووووومه

وعندي ملح الحليب وسنفرة المشمش باسوي منهم سنفره ان شاء الله علشان افتك منهم

وعندي خلطات طبيعيه يارب تفيدكم والله والله والله من اول استخدام تباااااااان النتيجه
اول شئ هذي خلطه اختي سوتها بالغلط وجربناها
اهي مسكينه تشوه ويهها اكثر مني من الليزر حبيبتي اخيتي طلعلها حبوب كبييييييره وحمره وراسها ابيض وتصيح تقولي تعور والله مابقى شئ ماحطته تقشير علاج صابون ماكو فايده
عاد اهي ذاك اليوم فاضيه (طالعه علي خخخخ) ومسويتلها شاي ياسمين وسوت كوب لامي بس ماتدري امي طالعه عاد قالت نعمة ربي حرام ارميه وزادت عليه زعتر واكليل الجبل وشاي اخضر وزادت الماي ونقعتهم عدل
بعدين صفت الماي وحطته بقوالب الثلج وثلجته وتستخدم يوميا الصبح ثلجتين علشان الحبوب
والله ان باسبوع اللي الكريمات الطبيه ماقدروا عليه هالثلج سواه
ما اقولكم اختفت الحبوب بس خفففففففففت بشكل كبييييييييييير وراحت الروس البيضا والعوار والتقشر واهي مستمره ويارب يصفى ويهها

والخلطه الثانيه (تفوحون بطاطا لحد ماتلين وتقشرونها وتضربونها بالخلاط مع حليب سائل وملعقتين هرده وعصير نص ليمونه للبشره الدهنيه) واستخدموها نص ساعه الى ساعه والباقي يحفظ بالثلاجه بس مو لاكثر من 3 ايام تعفن
والله بيااااااااااااااااض ونعوووووووووووومه من بعد اسبوع واذا كملتوا شهر اضمنلكم انكم بتدعونلي
والدليل الحليب تستخدمه كيلوبترا للتبييض
والبطاط يستخدم لتبييض هالات العين فمابالكم باسمرار الجسم

اما الخلطه الثالثه اللي الفتها من تخبيصي الرائع
جدتي كانت دايما تقول ان زادت الحنه بالطاسه زيدوها ماي وخلوها ماي مايوه ورشوها على جسمكم وخلوها شوي وغسلوها
والله ان حتى الاكزيما تعالجها والله انا احلف
قمت اشسويت؟؟ جبت ملعقه ممسوحه حنه وكثرها كركم و3 ملاعق وسط صابون مغربي او تونسي مع ماي مغلي يخلي الخلطه ماي مايوه
وحطوها على كل الجسم 10 دقايق الى 15 دقيقه وماراح تصبغ لون انا اظافري حتى ما صبغت
وتالي اييب ليفة بودي الشوب اللي بشكل قفازات واخذ فيها من الخلطه الصابونيه وافرك جسمي بشكل دائري من تحت لفوق كللللل جسمي واتحمم
والله يا بنات ان جسمي ينووووور من اول مره وكل من يسالني شمسويه بجسمج
والفضل لربي ثم لنصائح جدتي ثم هالخلطه اللي خلت لون ركبي واكواعي وردي بدل الاجلح الرمادي والله ودعت مشكلة الاكواع والركب

والحين انا بعد ابي اخذ فيتامينات باذن الله وابي اخذ عصاير فرش عالريق واكثر ماي وبادور بالانترنت خلطات تنوكل او تنشرب علشاج جمال البشره وصفائها

وتذكروا هالحمله انا ابي التزم فيها علشان استخدم كللللللللل الخلطات واخلصهم وبسنا تفسفس فلوس وخلونا نخلص اللي عندنا

من قدعه وبتتحداني ؟؟؟؟

يلزم عليك تسجيل الدخول أولًا لكتابة تعليق.

تسجيل دخول

مثل القمر لحالي • 13 سنة

مشكـــــــــــــــــــــــــــــــــوره غناتــــــــــــــــــــــــــــــي

كويتيه^فراوله • 13 سنة

العفو يا قلبي حياج

كويتيه^فراوله • 13 سنة

كويتيه^فراوله :

العفو يا قلبي حياج

العفو يا قلبي حياج

هذي صورة الكريمات مثل ما وعدتكم
اللي فوق (سنفرة مشمش - كريم ستيفز بالكولاجين - ملح الحليب)
اللي تحت ( كرم جرجنز باحماض الفواكه - كريم فازلين للايدين - كريم فازلين بزبدة الكاكاو)

نـــوفـــ • 13 سنة

ماشاءالله عليك الله يديم الحمااس:)

انا مشاركه في حمله ثانيه اذا حابه تشاركين معنا كلمي صاحبه الموضوع اكيييد بتضمك معنا لانها عسسسسل وهذا الرابط

http://forum.hawaaworld.com/showthread.php?t=2597431

وبالتوفيييق

كويتيه^فراوله • 13 سنة

جزاكم الله خير عالمرور حبيباتي قلبي ونورتوا الموضوع

ام عبودي ولين
اهو الطمع مخربنا
بس دام تقشرين وترطبين اهم شئ احسن من ولا شئ

انا زعلانه اشدعوه بس 3 رادين والمشاهدات اكثر من 140؟؟؟
يعني تتبعون طريقة تقرون وتاخذون وماتردون بكلمه ولو جبر خاطر؟؟؟
عالعموم عليكم بالعافيه الاستفاده