يا حبى لكم الله يسعدكم .. والله انى كنت افتح الموضوع وخايفه من التعليقات السخيفه اللى اقراها دايم

بالنسبه للخادمه اعرف لو جبتها بارتاح بس زوجي راسه والف سيف ما تجي .. مع انه يشوفنى تعبانه بس ما عندك احد ..

اما السوق .. انا اعرف الاسواق الغاليه لكن حرام اشترى غالى وانا ما اطلع .. والله اني ما اطلع الا لاهل زوجي ..
واعرف اروح السوق بس ابى اشترى شى مميز وعلى اموضه .. وحتى المشاغل ابى اروح مشغل ثقه ولو رحت ما اعرف ايش اسوى ؟ اى قصه اقص شعرى ؟ وهل تناسبنى تعرفون ما عندنا خبيرات

رحت مره لممكة المرأه قلت باشترى مكياج من خبيرات والله العظيم حطت على وجهى 3 درجات كريم اساس وقالت ايش رايك ايهم يناسبك !!!!!!
الروحه امرها هين بس ما اعرف ..


والدوام لبسه محدد ..

والمحلات قبل يوم كانو اجانب والله كنت اعطيه التنوره ويركب لى عليها احسن بلوزه الحين .. سعوديين ما يعرفون ,,

ياحبى لكم والله خنقتنى العبره خاصه انى غايبه اليوم عن الدوام قرفانه .. اهل زوجي توهم مجتمعين وكان الكل ماشاء الله على سنقة 10 وانا كنى شغالتهم بس اطارد عيالى ولبسي اقل من عادي ..

لا تقولون خلك واثقه وخلك مميزه .. ابى اكون ستااااااااااااااااايل يا ناس ..


بالنسبه للمكياج .. اشترى احيان على مدح البنات بالمنتدى بس ما يناسبنى .. ابى وحده تكون معاى يوم بالسوق وتعلمنى ايش المناسب لى والافضل .. تعبت من كثر ما اشترى وارمي ..

اختى ام جنوني 44 - عزتى مالها حد - مشتاقه لامي - مها - قبلة الخلق - حلا القصيم - احلا مافي الكون - اوشن دريم - abr.designer - الله يرزق الجميع ..

شاكره لكم من جد يكفي ردودكم اللى اسسعدتنى واشكر اللى ارسلو على الخاص ربي لا يحرمنى منكم .. وعلشان ما اكف عليكم بارسل على الخاص بعض الصور اتمنى تنسقونها لى وتقولون لى ايش رايكم وايش اللى ينقصها علشان تكون احلى ..
وبما انى ما اطلع كثير ..
ابى اسالكم ايش موضة الشنط والشعر والالوان وكل شى .. جعل ربي يسعدكم ويرزقكم جنات النعيم ..

تعرفي انه انا نفس حياااااااااااااااااتك ولله الحمد وياريت تساعدووني وتساعدوووها ويام محمد ياليت تفيديني باللي افادووكي فيه


الله يرزقكم يارب

أول شي يا أم محمد الله يخليلك محمد وأخوانه واللي تلاحق ورا عيالها عند الناس وهم مترززين على قولتك أبد ما كأنها شغاله لا والله الا أم قلبها حي تخاف على أولادها وما تتكلهم للشغالات ترى يار روحي انتي والله العظيم الشغالات صار ما يجي من وراهم الا المشاكل حتى لو زوجك اقتنع يجيبلك شغاله خليها لشغل البيت وبس أما أطفالك فلا والله العظيم شاب راسي من كثر ما جبت وجربت أبد ما تأمنينهم على أطفالك قلوبهم قاسية ومافيهم مخافة من الله هذا غير اللي أسمعه في بيوت الناس صدقيني أنتي الحين تعبانه جسديا ومرهقه من الشغل والبيت لكن مرتاحه نفسيا في بيتك براحتك تلبسين تدلعين تطلعين مافيه جالستلك تراقب حتى الضحكه بينك وبين رجالك صدقيني والله العظيم أنا عكس وضعك زوجي هو اللي يبغاني أجيب شغاله وأنا اللي رافضه من كثر ما شفت منهم ومن كثر ما يأثرون تأثير سلبي على أولادي يعني تبغين نصيحتي اغسلي قلبك من الشغالات حاليا على الأقل لين يكبرون أولادك شوي .. طيب نجي لوظيفتك ما شاء الله لا قوة الا بالله هذي ترى نعمه كبيره من رب العلمين تحفظ مو من ناحية استقلال مادي فقط لا من ناحية استقلال شخصيتك وثقتك بنفسك وتفاعلك مع الناس وعالم خارجي غير أطفال وأربعه جدران تتقفل عليكي طول الأسبوع ترى جلسة البيت وإن كان فيها راحة إلا إنها راحة تجيب الهم والملل تحسين بعد فترة إنك صرتي وحيدة والدنيا من حولك تمشي وأنتي محلك سر.. وبرضه برجع اشرحلك ان كلامي هذا من تجربة لأني جالسه في البيت زوجي ما يرجع الا العصر من دوامه يعني عندي وقت طويييل اقدر اخلص شغلي و أهتم بأولادي وأهتم بنشكلي بزيادة كمان أحيانا زوجي يسألني من زود الفضوه والكشخه رايحه مكان؟ وأقوله لا والله الفاضي يعمل قاضي نفس الشي لما أخرج اللهم لك الحمد والشكر دايم أكون في أي مكان محط الأنظار بالكشخه و متابعة الموضة وبرضه حالي من حالك الاحق عيالي والكل منتقدني إني ما اجيب شغاله ولا همني والله اللي في راسي في راسي لي الشرف زالأجر بخدمة بتي وأطفالي دايم وانتي تعبانه في بتك جددي نيتك بالأجر من رب العلمين ترا لنا أجر المجاهدين تخيلي عظم هذا الأجر ما أحلاه من شعور وربي على طول يبرد قلبك ويهون عليكي تعبك وعشان لا تفكرين إني أتكلم من فراغ إني وحده فاضية ترى أنا والله العظيم أدور للوظيفه دواره لي سنين وحاسه ان فرج الله قريب مهما طال الوقت حاسه اني في النهاية بلقى العمل اللي يحققلي الرضا النفسي اللي اتمناه وبرضه ما راح أجيب شغاله يكفي إني أنظم وقتي وأكون سريعة شوي في انجاز شغل البيت
يعني يا عيوني يا أم محمد ترى وضعك في نظري وضع مثالي ما شاء الله لا قوة الا بالله الله يديمها عليكي ويحفظلك بيتك وأولادك ووظيفتك ويعطيكي القوة و لا يضيعلك أجر لازم أول شي قبل الملابس والكشخه تعطين نفسك التقدير اللي تستحقينه لأنك أم أمرأه عامله متحمله مسؤولياتك كامله ومانتي راميه بيتك على الشغالات يبقالك بس نا حية اللبس والكشخه هذي أمرها سهل جدا جدا انا بقولك كل الحلول اللي عندي والبنات كمان في القسم رهيبات ما راح يقصرون معاكي أهم شي ابغاكي تاخذين في بداية كل يوم نفس عميق جدا تخرجينه بهدوء وعيدي العمليه ثلاث مرات واسترخي شوي وحاولي ترسمين على فمك بسمه ولو بالكذب أول ما تصحين وتشوفين نفسك بالمراية ادري اول يومين بتقلب معاكي ضحك وانتي تحاولين تسوينها ودوبك صاحيه وطفشانه بس حاولي يوم في يوم الإبتسامه الصباحيه هذي اللي هي تعبير عن حبك لنفسك بنعطيكي طاقه للعمل والعيال وأبو العيال والكشخه كمان جربي وقوليلي وش الأخبار..

يا بعد روحي abr.designer من جد اثلجتى صدرى ..

يا حياتى بالنسبه للوظيفه الوظيفه مو رسميه تعاقد يعنى مؤقته .. والله يرزقنا وياك الرزق الحلال اللى يغنينا عن السؤال ..
وبالنسبه للشغاله والله انا معاك ان وجودها مرض بس والله بعد الحياة بدون مساعده تعب تعب ,,
وصدقينى الخيره باللى يختاره الله سبحانه وتاكدي ان اللى يكون افضل من اللى نبيه .. والله انا لما ارجع من دوامي واعلق عبايتى ما البسها الا يوم السبت تخيلى من الاربعاء الى السبت ما اطلع من البيت وزوجي يكون عند اهله ..
والله ان حالتى تكسر الخاطر

<< ما صدقت احد يعطيها وجه ..

يا قلبى والله انى حبيتك لو ما عندك مانعم اضيفك معاى بالماسنجر ونسولف.. ايش رايك ؟

كربوجه يا حبى لك ان شاء الله نلقى اخت تفيدنا ولها الاجر والثواب من رب العالمين

جيبي شغاله :22: